စံးထီၣ်ပတြၢၤ 27:9 - Sgaw Karen Common Bible

⁹ ပာ်တဒၢနမဲာ်လၢယၤတဂ့ၤ. ဟီထီၣ်ကွံာ်နခ့နပှၤလၢ တၢ်သးထီၣ်အပူၤတဂ့ၤ. နမ့ၢ်တ့ၢ်ယတၢ်မၤစၢၤ, လဲၤသဒၣ်ယၤတဂ့ၤ. ညိကွံာ်ယၤတဂ့ၤ, ပှၤအုၣ်က့ၤခီၣ်က့ၤယၤ, ကစၢ်ယွၤဧၢ.

စံးထီၣ်ပတြၢၤ 27:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

စံးထီၣ်ပတြၢၤ 102:2

လၢယဘၣ်တၢ်ကိၢ်တၢ်ဂီၤအမုၢ်တနံၤန့ၣ် ပာ်တဒၢနမဲာ်လၢယၤတဂ့ၤ. ဒိးနနၢ်လၢယၤ, ဒီးမုၢ်တနံၤလၢယကိးထီၣ်နၤန့ၣ် စံးဆၢလၢ်ယၤချ့ချ့တက့ၢ်.

စံးထီၣ်ပတြၢၤ 102:3

အဂ့ၢ်ဒ်အံၤ, ယမုၢ်နံၤဒံကွံာ်ဝဲမ့ၣ်အူခုၣ်အသိး, ဒီးယဃံယကွဲတဖၣ် ကဲၤထီၣ်ဝဲဒ် ဒ်မ့ၣ်အူကဖးအသိးန့ၣ်လီၤ.

စံးထီၣ်ပတြၢၤ 119:121

ယမၤတ့ၢ်လံတၢ်လၢအဘၣ်ဒီးတၢ်လၢအဂ့ၤန့ၣ်လီၤ. ဟ့ၣ်လီၤကွံာ်ယၤဆူ ယဒုၣ်ယဒါတဖၣ်အစုပူၤတဂ့ၤ.

စံးထီၣ်ပတြၢၤ 13:1

ဆံးယံာ်လဲၣ်, ယွၤဧၢ, နကသးပ့ၤနီၣ်ယၤလီၤထူလီၤယိာ်ဧါ. နကပာ်တဒၢနမဲာ်ဒီးယၤဆံးယံာ်လဲၣ်.

စံးထီၣ်ပတြၢၤ 143:7

ယွၤဧၢ, မၤချ့ချ့လၢနကမၤစၢၤယၤန့ၣ်တက့ၢ်. ယတၢ်မုၢ်လၢ်လၢာ်ကွံာ်လံ. ဒ်သိးယသုတကဲထီၣ်ဒ်ပှၤလၢအလဲၤလီၤဆူ တၢ်သံအကီၢ်ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

စံးထီၣ်ပတြၢၤ 24:5

ယွၤကဆိၣ်ဂ့ၤအီၤဒီးကမၤပူၤဖျဲးအီၤ, ဒီးကစၢ်ယွၤကစံးလၢအတၢ်ဒဲးဘး တအိၣ်ဘၣ်န့ၣ်လီၤ.

စံးထီၣ်ပတြၢၤ 44:24

ဘၣ်မနုၤလၢနပာ်သဒၢနသးလၢပှၤန့ၣ်လဲၣ်. တဘၣ်သးပ့ၤနီၣ်ပတၢ်နးတၢ်ဖှီၣ်ဒီး ပတၢ်ကိၢ်တၢ်ဂီၤန့ၣ်တဂ့ၤ.

စံးထီၣ်ပတြၢၤ 51:11

ညိကွံာ်ယၤလၢနမဲာ်ညါတဂ့ၤ, ဒီးဟံးထီၣ်ကွံာ်နသးစီဆှံလၢယၤတဂ့ၤ.

စံးထီၣ်ပတြၢၤ 69:17

ပာ်တဒၢနမဲာ်လၢနခ့နပှၤအအိၣ်န့ၣ်တဂ့ၤ. အဂ့ၢ်ဒ်အံၤ, ယအိၣ်လၢတၢ်ကိၢ်တၢ်ဂီၤဖးဒိၣ်အပူၤလီၤ. မၤချ့ချ့လၢနကစံးဆၢယၤန့ၣ်တက့ၢ်.

စံးထီၣ်ပတြၢၤ 69:18

သုးဘူးနသးဆူယအိၣ်တက့ၢ်. ပှ့ၤက့ၤယၤတက့ၢ်. မၤပူၤဖျဲးယၤလၢယဒုၣ်ယဒါအစုပူၤန့ၣ်တက့ၢ်.

စံးထီၣ်ပတြၢၤ 88:1

ကစၢ်ယွၤ, တၢ်အုၣ်က့ၤခီၣ်က့ၤယၤကစၢ်ယွၤဧၢ, လၢမုၢ်ဆါယကိးထီၣ်နၤလၢတၢ်မၤစၢၤအဂီၢ်, ဒီးလၢမုၢ်နၤယကိးထီၣ်လၢနမဲာ်ညါလီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 7:12

အန့ၣ်တစုစီၤၡမူအ့လးဟံးန့ၢ်လၢၢ်တဖျၢၣ်ဒီးပာ်လီၤအီၤဖဲ ဝ့ၢ်မံးစပၤဒီးဝ့ၢ်ၡ့ၣ်အဘၢၣ်စၢၤဒီးစံးဝဲ, “ယွၤမၤစၢၤတ့ၢ်ပှၤကျဲဒီဘိညါလီၤ.” ဒီးယုၢ်ဝဲအမံၤလၢ “အ့ဘ့ၤန့စၢ်” လီၤ.