စံးထီၣ်ပတြၢၤ 27:6 - Sgaw Karen Common Bible

⁶ ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 27:6 Iomraidhean Croise

လံာ်တၢ်ကဲထီၣ်အခီၣ်ထံး 40:13

လၢသၢသီအတီၢ်ပူၤန့ၣ်, စီၤပၤကမၤထူၣ်ဖျဲးနၤ, ကပျၢ်နတၢ်ကမၣ်ဒီးပာ်က့ၤနၤလၢနလီၢ်န့ၣ်လီၤ. နကဟ့ၣ်အီၤအလီခီဒ်နမၤတ့ၢ်လၢညါအသိးဖဲနမ့ၢ်တ့ၢ်အပှၤကွၢ်ထွဲ စပံးထံန့ၣ်လီၤ.

လံာ်တၢ်ကဲထီၣ်အခီၣ်ထံး 40:20

သၢသီပူၤကွံာ်ဝံၤဖဲစီၤပၤအိၣ်ဖျဲၣ်ဆၢက့ၤအမုၢ်နံၤန့ၣ် စီၤပၤအိၣ်ဒီးအတၢ်အီၣ်အမူးဖးဒိၣ်တမူးလၢအပဒိၣ်ပပှၢ်ခဲလၢာ် အဂီၢ်လီၤ. အဝဲပျၢ်ဖျဲးကွံာ်ပှၤကွၢ်ထွဲစပံးထံဒီးပှၤကုၢ်ကိၣ်အဒိၣ်ဒီး ဟဲစိာ်အဝဲသ့ၣ်ဆူအပဒိၣ်ပပှၢ်တဖၣ်အမဲာ်ညါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:1

ဖဲယွၤအုၣ်က့ၤခီၣ်က့ၤစီၤဒၤဝံးလၢစီၤစီလူး ဒီးအဝဲအဒုၣ်အဒါအဂၤတဖၣ်အစုပူၤန့ၣ် စီၤဒၤဝံးအုၣ်ထါသးဝံၣ်တယုၢ်အံၤဆူ ယွၤအအိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:49

ဒီးအုၣ်က့ၤခီၣ်က့ၤယၤလၢယဒုၣ်ယဒါတဖၣ် အစုပူၤန့ၣ်လီၤ. အိ, ယွၤဧၢ, နဟ့ၣ်ယၤတၢ်မၤနၢၤလၢယဒုၣ်ယဒါတဖၣ်အဖီခိၣ်, ဒီးဒီဒၣ်အိၣ်ပှိၤယၤလၢပှၤစုဆူၣ်ခီၣ်တကးတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:9

ယအိၣ်တ့ၢ်ဒီးနၤဖဲနလဲၤတၢ်တပူၤလၢ်လၢ်ဒီးယမၤနၢၤတ့ၢ်ကယဲၢ် နဒုၣ်နဒါခဲလၢာ်ဖဲနလဲၤထီၣ်ဒုးတၢ်န့ၣ်လီၤ. ယကဒုးမံၤဟူသၣ်ဖျါနၤထဲသိးခိၣ်နၢ်အဒိၣ်ကတၢၢ်တဖၣ် လၢဟီၣ်ခိၣ်ချၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:27

ဖဲနံၣ်တနံၣ်လၢစီၤအ့ဝလးမရိဒးကဲထီၣ်ကီၢ်ဘၤဘူၤလိၣ်အစီၤ ပၤန့ၣ်, အဝဲပာ်ဖျါထီၣ်အတၢ်သးကညီၤဆူကီၢ်ယူဒၤအစီၤပၤယဟိၤယါခံၣ်, ခီဖျိတၢ်ပျၢ်ဖျဲးကွံာ်အီၤလၢတၢ်စၢဃာ်အပူၤန့ၣ်လီၤ. တၢ်အံၤမၤအသးဖဲစီၤယဟိၤယါခံၣ်ဘၣ်တၢ်စိာ်ကွံာ်အီၤဒ်ပှၤဘၣ် တၢ်စၢဃာ်အသိးပှဲၤထီၣ်သၢဆံနွံနံၣ်တနံၣ်ဝံၤအလီၢ်ခံ, လါတဆံခံလါတလါထီၣ်ခံဆံနွံသီအနံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:18

အဝဲစံးဝဲ, “ယွၤ, သုကစၢ်ယွၤအိၣ်ဒီးသုဒီးဟ့ၣ်လီၤသုလၢ တၢ်ဃူတၢ်ဖိးကိးကပၤဒဲးန့ၣ်လီၤ. အဝဲပျဲယမၤနၢၤကွံာ်ပှၤဂီၢ်မုၢ်ခဲလၢာ်လၢညီနုၢ်အိၣ်ဆိးဖဲ ထံကီၢ်အံၤအပူၤဒီးခဲကနံၣ်အံၤအဝဲသ့ၣ်ကဲထီၣ်ပှၤတဖၣ်လၢသု, ဒီးသုကစၢ်ယွၤပၢဘၣ်အီၤန့ၣ်လီၤ.

စံးထီၣ်ပတြၢၤ 107:22

ဒီးမ်သုဝဲသ့ၣ်လုၢ်ထီၣ်တၢ်လုၢ်စံးဘျုးစံးဖှိၣ်တဖၣ်, ဒီးစံးဘၣ်တဲဘၣ်အတၢ်မၤတဖၣ်လၢ တၢ်သူၣ်ခုသးခုအတၢ်သးဝံၣ်တဖၣ် အပူၤန့ၣ်တက့ၢ်.

စံးထီၣ်ပတြၢၤ 110:7

စီၤပၤကအိတၢ်လၢထံကျိလၢကျဲကပၤ ဒီးအဂံၢ်အဘါကဆူၣ်ထီၣ်က့ၤဝဲ, ဒီးအဝဲကဂဲၤဆၢထၢၣ်လၢတၢ်မၤနၢၤန့ၣ်လီၤ.

စံးထီၣ်ပတြၢၤ 119:108

ယွၤဧၢ, တူၢ်လိာ်ဘၣ်ယတၢ်စံးထီၣ်ပတြၢၤ အတၢ်ထုကဖၣ်န့ၣ်တက့ၢ်. ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 138:5

အဝဲသ့ၣ်ကသးဝံၣ်တၢ်လၢ နမၤတ့ၢ်အီၤအဂ့ၢ် ဒီးနတၢ်လၤကပီၤဖးဒိၣ်အဂ့ၢ်န့ၣ်လီၤ.

စံးထီၣ်ပတြၢၤ 21:1

ယွၤဧၢ, စီၤပၤသးခုဝဲလၢနဟ့ၣ်အီၤတၢ်ဂံၢ်တၢ်ဘါ, ဒီးသးဖှံဝဲလၢနဒုးမၤနၢၤအီၤတၢ်အဃိန့ၣ်လီၤ.

စံးထီၣ်ပတြၢၤ 21:13

ယွၤဧၢ, ပစံးထီၣ်ပတြၢၤနၤ လၢနဂံၢ်ဆူၣ်နဘါဆူၣ်အဃိ, ပကသးဝံၣ်ဒီးစံးထီၣ်ပတြၢၤနစိနကမီၤန့ၣ်လီၤ.

စံးထီၣ်ပတြၢၤ 3:3

မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤတဘ့ၣ်လၢ အအိၣ်ဝးတရံးယၤထီဘိလၢ တၢ်ဘၣ်ယိၣ်ဘၣ်ဘီအကတီၢ်, နဟ့ၣ်ယၤတၢ်မၤနၢၤ ဒီးတၢ်သူၣ်ဒူသးဒူန့ၣ်လီၤ.

စံးထီၣ်ပတြၢၤ 3:4

ယကိးထီၣ်ယွၤလၢတၢ်မၤစၢၤအဂီၢ်, ဒီးအဝဲဒၣ်စံးဆၢယၤလၢ အကစၢၢ်စီဆှံအလိၤန့ၣ်လီၤ. စ့လၤ

စံးထီၣ်ပတြၢၤ 47:1

ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 57:8

ဖုသံနီၣ်ထီၣ်, ယသးဧၢ, ဖုသံနီၣ်ထီၣ်, ယသီတူၢ်ဒီးတနၢ်သ့ၣ်ဧၢ, ယကထိၣ်ဂဲၤမုၢ်ဆ့ၣ်ဝါန့ၣ်လီၤ.

စံးထီၣ်ပတြၢၤ 81:1

သးဝံၣ်ထီၣ်ကစၢ်ယွၤ, ပဂံၢ်ပဘါ လၢတၢ်သးခုကိးပသူထီၣ်ဒိၣ်ဒိၣ်ဆူ စီၤယၤကိာ်အကစၢ်ယွၤတက့ၢ်.

စံးထီၣ်ပတြၢၤ 95:1

အိဟဲ, မ်ပသးဝံၣ်ထီၣ်ယွၤတက့ၢ်. မ်ပကိးထီၣ်လၢတၢ်သးခုဆူပကစၢ်ယွၤလၢအမ့ၢ် တၢ်အုၣ်က့ၤခီၣ်က့ၤအလၢၢ်တက့ၢ်.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.