စံးထီၣ်ပတြၢၤ 27:3 - Sgaw Karen Common Bible

³ သုးမုၢ်ဒီတဖုမ့ၢ်သူၣ်ဒဲဝးတရံးယၤဒၣ်လဲာ်, ယတပျံၤတၢ်ဘၣ်. ယဒုၣ်ယဒါတဖၣ်မ့ၢ်ထီဒါယၤဒၣ်လဲာ် ယနာ်ဒံးကစၢ်ယွၤန့ၣ်လီၤ.

စံးထီၣ်ပတြၢၤ 27:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:15

စီၤယၤဃစအ့လးစံးဝဲ, “နဲဒၣ်တၢ်ဒိၣ်စီၤပၤဖးဒိၣ်ဒီး ကယဲၢ်သုဝဲပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်အပူၤ သ့ၣ်ဧၢ, ယွၤစံးဝဲဒၣ်, လၢသုတ့ၢ်စၢ်လီၤသုဂံၢ်သုဘါမ့ၢ်ဂ့ၤ, ပျံၤတၢ်ဖုးတၢ်လၢသုကကွၢ်ဆၢၣ်မဲာ်သုးမုၢ်ဖးဒိၣ်အံၤမ့ၢ်ဂ့ၤ, အလီၢ်တအိၣ်ဘၣ်. တၢ်ဒုးန့ၣ်သန့ၤထီၣ်အသးလၢယွၤအဖီခိၣ်ဒီး တမ့ၢ်ဘၣ်လၢသုဖီခိၣ်ဘၣ်.

လံာ်စီၤယိၤဘး 4:6

နတၢ်ပျံၤကစၢ်ယွၤန့ၣ်တမ့ၢ်နတၢ်သန့ၤနသးအဂ့ၢ်ဘၣ်ဧါ. နတၢ်အိၣ်မူအလၢအပှဲၤန့ၣ်တမ့ၢ်နတၢ်မုၢ်လၢ်ဘၣ်ဧါ.

စံးထီၣ်ပတြၢၤ 112:7

အဝဲတပျံၤဘၣ်တၢ်ကစီၣ်အအၢအသီတဖၣ်ဘၣ်. အသးန့ၣ်အိၣ်ဂၢၢ်ဆိးကျၢၤ ဒီးသန့ၤအသးလၢယွၤလီၤ.

စံးထီၣ်ပတြၢၤ 3:6

ယတပျံၤဘၣ်ယဒုၣ်ယဒါလၢအကလးတဖၣ်, လၢအအိၣ်ဝးတရံးယၤန့ၣ်ဘၣ်.

စံးထီၣ်ပတြၢၤ 3:7

ယွၤဧၢ, ဂဲၤဆၢထၢၣ်တက့ၢ်. ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. နကျီကွံာ်လံယဒုၣ်ယဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ်တဖၣ်အမဲလံ.

စံးထီၣ်ပတြၢၤ 52:6

ပှၤအတီအလိၤကထံၣ်ဘၣ်ဝဲ, ဒီးကပျံၤတၢ်, ဒီးကနံၤဘၣ်နၤ, ဒီးစံးဝဲ,

ဖံလံးပံၤ 1:28

တဘၣ်ပျံၤသုဒုၣ်သုဒါတဖၣ်တဂ့ၤ. အိၣ်ဒီးတၢ်သူၣ်ဒူသးဒူ ထီဘိ, ဒီးတၢ်အံၤကဒုးထံၣ်သ့ၣ်ညါအဝဲသ့ၣ်လၢအဝဲသ့ၣ် ကဃၣ်ကွံာ်, ဒီးသုဝဲသုကမၤနၢၤတၢ်လီၤ. အဂ့ၢ်ဒ်အံၤ, ကစၢ်ယွၤမ့ၢ်ပှၤလၢအဟ့ၣ်သုတၢ်မၤနၢၤန့ၣ်လီၤ.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:8

တၢ်ဒုးတၢ်ယၤဒီးပှၤဖလ့ၡသးဖိတဖၣ်ကဲထီၣ်ကဒီးလီၤ. စီၤဒၤဝံးဒုးအဝဲသ့ၣ်ဒီးမၤနၢၤကွံာ်အဝဲသ့ၣ်လၢာ်လၢာ်ဆ့ဆ့ ဒီးအဝဲသ့ၣ်ထွးထီၣ်ဃ့ၢ်ကွံာ်ဝဲဒၣ်လီၤ.