စံးထီၣ်ပတြၢၤ 26:8 - Sgaw Karen Common Bible

⁸ ယွၤဧၢ, ယအဲၣ်ဟံၣ်လၢနအိၣ်နဆိး, တၢ်လီၢ်လၢနလၤကပီၤအိၣ်ဝဲအလီၢ်န့ၣ်လီၤ.

စံးထီၣ်ပတြၢၤ 26:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:25

တုၤနုၤတစု, စီၤပၤစံးဘၣ်စီၤစၤဒိး, “က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ပူၤတက့ၢ်. ယွၤမ့ၢ်ဘၣ်သူၣ်ဘၣ်သးလၢယၤဒီး, မုၢ်တနံၤန့ၣ်အဝဲကပျဲ ယဟဲက့ၤကဒါက့ၤလၢယကထံၣ်ဘၣ်အီၤဃုာ်ဒီးတၢ်လီၢ်ဖဲတၢ်ပာ်အီၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:3

ဒိၣ်န့ၢ်အါန့ၢ်ကယဲၢ်တၢ်အံၤခဲလၢာ်လၢယမၤတ့ၢ်န့ၣ်, ယဟ့ၣ်လီၤစ့ၢ်ကီး, စ့ဒီးထူလၢယကစၢ်ဒၣ်ယဲအတၢ်စုလီၢ်ခီၣ်ခိၣ် အကျါ, မ့ၢ်လၢယတၢ်အဲၣ်အိၣ်ဝဲလၢကစၢ်ယွၤအတၢ်လုၢ်ဟံၣ်အဂီၢ်အဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:14

သတးဒီးပှၤလုၢ်တၢ်အခိၣ်တဖၣ်, မၤတၢ်ဘူၣ်ထီၣ်ဘါထီၣ်ယွၤအတၢ် ရဲၣ်တၢ်ကျဲၤတသ့လၢၤဘၣ်လၢတၢ်အၢၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:1

ဖဲစီၤပၤၡလိၤမိၤမၤကတၢၢ်အတၢ်ဘါထုကဖၣ်ဝံၤန့ၣ်, မ့ၣ်အူဟဲလီၤလၢမူခိၣ်, ဒီးအီၣ်ကွံာ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်တ့ၢ်အီၤ, ဒီးယွၤအတၢ်အိၣ်ဝဲအတၢ်ကပီၤကပြုၢ်ကပြီၤမၤပှဲၤယွၤအတၢ်လုၢ် ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:2

မ့ၢ်လၢယွၤအတၢ်လုၢ်ဟံၣ်ပှဲၤဝဲဒီးတၢ်ကပီၤကပြုၢ်ကပြီၤအ ဃိ, ပှၤလုၢ်တၢ်အခိၣ်တဖၣ်လဲၤနုာ်ဝဲတသ့ဘၣ်န့ၣ်လီၤ.

စံးထီၣ်ပတြၢၤ 122:9

လၢယွၤပကစၢ်အဟံၣ်အဃိန့ၣ် ယကဃုနတၢ်ဂ့ၤတၢ်ဝါလီၤ.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

လံာ်ယၡါယၤ 38:20

ယွၤဧၢ, နမၤဘျါတ့ၢ်ယၤလံ. ပကဒ့တနၢ်သီတူၢ်တဖၣ်ဒီးသးဝံၣ် နတၢ်စံးထီၣ်ပတြၢၤလီၤ. ပကသးဝံၣ်စံးထီၣ်ပတြၢၤတၢ်လၢနတၢ်လုၢ်ဟံၣ်အပူၤလၢပသးသမူ တစိၤဒၣ်ပှၤလီၤ.

လံာ်ယၡါယၤ 38:22

ဒီးစီၤပၤဃံးစကံယၤစ့ၢ်ကီးသံကွၢ်တ့ၢ်ဝဲ, “လၢယကလဲၤထီၣ်ဆူယွၤအဟံၣ်အဂီၢ်, တၢ်ပနီၣ်မ့ၢ်တၢ်မနုၤလဲၣ်,” န့ၣ်လီၤ.

လံာ်ယဃ့းစက့လး 3:12

အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်လူၤကၣ် 2:46

ဖဲသၢသီတသီန့ၣ်အဝဲသ့ၣ်ထံၣ်အီၤလၢတၢ်လုၢ်ဟံၣ်အပူၤ, ဆ့ၣ်နီၤလၢယူဒၤအသရၣ်သမါတဖၣ်အသိးအကျါ, ဒိကနၣ်အဝဲသ့ၣ်အတၢ်စံးတၢ်ကတိၤ, ဒီးသံကွၢ်တၢ်သံကွၢ်တဖၣ်လီၤ.

လံာ်လူၤကၣ် 2:49

အဝဲဒၣ်စံးဆၢအဝဲသ့ၣ်, “ဘၣ်မနုၤအဃိသုဘၣ်လူၤဃုယၤလဲၣ်. မ့ၢ်သုတသ့ၣ်ညါလၢယကဘၣ်အိၣ်လၢယပၢ်အဟံၣ်ပူၤဘၣ်ဧါ.”