စံးထီၣ်ပတြၢၤ 26:4 - Sgaw Karen Common Bible

⁴ ယတဆ့ၣ်နီၤဒီးပှၤလီတၢ်ဘၣ်, ယတမၤဘၣ်ထွဲယသးဒီး ပှၤပာ်မၤအသးသ့ၣ်တဖၣ်န့ၣ်ဘၣ်.

စံးထီၣ်ပတြၢၤ 26:4 Iomraidhean Croise

လံာ်စီၤယိၤဘး 31:5

ယဆိၣ်လီၤယသးလၢယတမၤလၢၤတၢ်အၢတၢ်သီနီတဘျီဒီး ယတကျဲးစၢးလၢၤနီတဘျီလၢယကလီန့ၢ်ပှၤဂၤဘၣ်.

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 101:4

တၢ်သးက့ၣ်န့ၣ်ကဟးဖးဒီးယၤလီၤ. ယကအိၣ်တီတီလိၤလိၤဒီး တမၤဘၣ်ဃးဘၣ်ယသးဒီး တၢ်အၢတၢ်သီနီတစဲးဘၣ်. တၢ်အၢန့ၣ်ယတသ့ၣ်ညါဘၣ်.

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:63

ယဒီတံၤဒီသကိးဒီးကယဲၢ်ပှၤလၢအပျံၤနၤ, ဒီးတိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 12:11

ပှၤထူစံာ်ဖိလၢအမၤတၢ်ဆူၣ်ဆူၣ်တဂၤအိၣ်ဒီးတၢ်အီၣ်တၢ်အီ လၢလၢပှဲၤပှဲၤလီၤ. မ့မ့ၢ်တၢ်မၤလၢာ်တၢ်ဆၢကတီၢ်လၢတၢ်မၤတဂီာ် တသီၣ်တဖၣ်အဂီၢ်န့ၣ်မ့ၢ်တၢ်သူၣ်တထံသးတဆးန့ၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 9:6

ပာ်တ့ၢ်ကွံာ်ပှၤလၢအတသ့လံာ်သ့လဲာ်အတၢ်အိၣ်ဖှိၣ်ဒီးမူနဲ တက့ၢ်. ပိာ်ထွဲတၢ်သ့ၣ်ညါနၢ်ပၢၢ်အကျဲတက့ၢ်.”

လံာ်ယံးရမံယၤ 15:17

ယတမၤလၢာ်ယတၢ်ဆၢကတီၢ်ဒီးပှၤအဂၤတဖၣ်လၢတၢ်နံၤကဝဲၤ ပျီၢ်ကဒီဒီးတၢ်မၤမုာ်လၤယသးအပူၤန့ၣ်ဘၣ်. လၢယတၢ်စူၢ်နတၢ်ဟ့ၣ်လီၤနကလုၢ်တဖၣ်အပူၤန့ၣ်, ယအိၣ်ဒၣ်ယတၢ်ဒၣ်ယဲဒီးယပှဲၤဆၢၣ်ကလာ်ဒီးတၢ်သူၣ်ဒိၣ်သးဖျိးန့ၣ်လီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.