စံးထီၣ်ပတြၢၤ 26:3 - Sgaw Karen Common Bible

³ အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်လၢယမဲာ်ညါ, ဒီးယလဲၤတၢ်လၢတၢ်သးတီဒီးနၤအပူၤလီၤ.

စံးထီၣ်ပတြၢၤ 26:3 Iomraidhean Croise

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

စံးထီၣ်ပတြၢၤ 119:142

နတၢ်တီတၢ်လိၤန့ၣ်ကအိၣ်ဝဲလီၤထူလီၤယိာ်, ဒီးနတၢ်သိၣ်တၢ်သီန့ၣ်မ့ၢ်တၢ်မ့ၢ်တၢ်တီလီၤ.

စံးထီၣ်ပတြၢၤ 25:5

သိၣ်လိယၤလၢယကအိၣ်မူဒ်နတၢ်မ့ၢ်တၢ်တီအသိး, အဂ့ၢ်ဒ်အံၤ, နမ့ၢ်ယကစၢ်ယွၤလၢအမၤပူၤဖျဲးယၤလီၤ. ထီဘိယနာ်နၤန့ၣ်လီၤ.

စံးထီၣ်ပတြၢၤ 52:1

ပှၤအဆူၣ်တဂၤဧၢ, ဘၣ်မနုၤလၢ နပာ်ကဖိနသးလၢနမၤကမၣ်တၢ်အဃိန့ၣ်လဲၣ် ကစၢ်ယွၤအတၢ်အဲၣ်န့ၣ်. အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 86:11

ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်လူၤကၣ် 6:36

အိၣ်ဒီးတၢ်သးကညီၤ, ဒ်သုပၢ်သးကညီၤတၢ်အသိးတက့ၢ်.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၂ ယိၤဟၣ် 1:4

ယသးခုယဲဒိၣ်မးလၢယထံၣ်ဘၣ်နဖိနလံၤတနီၤအိၣ်မူ ဝဲဒၣ်လၢတၢ်မ့ၢ်တၢ်တီအပူၤဒ်ပၢ်မၤလိာ်တ့ၢ်ပှၤအသိး အဃိန့ၣ်လီၤ.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.