စံးထီၣ်ပတြၢၤ 25:3 - Sgaw Karen Common Bible

³ ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 25:3 Iomraidhean Croise

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

စံးထီၣ်ပတြၢၤ 109:3

အဝဲသ့ၣ်ကတိၤအၢကတိၤသီတၢ်လၢ ယဂ့ၢ်ယကျိၤ ဒီးထီဒါယၤလၢ တၢ်ဂ့ၢ်တအိၣ်နီတမံၤဘၣ်အပူၤန့ၣ်လီၤ.

စံးထီၣ်ပတြၢၤ 119:78

မ်ပှၤပာ်ထီၣ်ထီအသးန့ၣ်ကဘၣ်တၢ်မၤမဲာ်ဆှးအီၤ မ့ၢ်လၢမၤအၢယၤလၢ တၢ်ကဘျံးကဘျၣ်အဃိန့ၣ်တက့ၢ်. မ့မ့ၢ်ယဲဒၣ်အံၤယကဆိကမိၣ်တၢ်လၢ နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

စံးထီၣ်ပတြၢၤ 132:18

ယကလုၣ်ဘၢအဒုၣ်အဒါတဖၣ်ဒီး တၢ်မဲာ်ဆှးလီၤ. မ့မ့ၢ်ကဘီၣ်ထီၣ်ညီထီၣ်ဒီး ဂုၤထီၣ်ပသီထီၣ်န့ၣ်လီၤ.

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 31:17

ယကိးထီၣ်နၤ, ယွၤဧၢ, ပျဲယဘၣ်တၢ်မဲာ်ဆှးတဂ့ၤ. မ်ပှၤအၢပှၤသီသ့ၣ်တဖၣ် ဘၣ်တၢ်မၤမဲာ်ဆှးအီၤတက့ၢ်. မ်အဝဲသ့ၣ်လဲၤလီၤဘှီၣ်ကလာ်ဆူ တၢ်သံအကီၢ်ပူၤန့ၣ်တက့ၢ်.

စံးထီၣ်ပတြၢၤ 31:18

ပှၤလီတၢ်ဖိသ့ၣ်တဖၣ်လၢအပာ်ထီၣ်ထီအသး ဒီးအပာ်အသးကဖၢလၢ, လၢအကတိၤတရီတပါပှၤတီပှၤလိၤတဖၣ်န့ၣ်, မ်အနိးဖံးအိၣ်ဘှီၣ်ကလာ်တက့ၢ်.

စံးထီၣ်ပတြၢၤ 33:20

ပသးမုၢ်လၢ်တၢ်လၢယွၤအပူၤ, အဝဲမ့ၢ်ပတၢ်မၤစၢၤဒီးပကတီၤလီၤ.

စံးထီၣ်ပတြၢၤ 35:26

ပှၤလၢအသူၣ်ခုသးခုဝဲလၢယတၢ်နးတၢ်ဖှီၣ်အဃိန့ၣ်, မ်ကဘၣ်တၢ်မၤမဲာ်ဆှးဒီးတၢ်မၤနၢၤကွံာ်အီၤ လၢာ်လၢာ်ဆ့ဆ့န့ၣ်တက့ၢ်. ပှၤလၢအပာ်ဒိၣ်အသးထီဒါယၤတဖၣ်န့ၣ်, မ်အဘၣ်တၢ်ဒုးကူဒုးသိးအီၤလၢတၢ်မဲာ်ဆှးဒီး တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 6:10

ယဒုၣ်ယဒါခဲလၢာ်န့ၣ်အမဲာ်ကဆှး ဒီး ကပျံၤတၢ်ဖုးတၢ်ဒိၣ်မး, ကက့ၤကဒါက့ၤဆူအလီၢ်ခံ လၢတၢ်သဘံၣ်ဘုၣ်သတူၢ်ကလာ်အပူၤလီၤ.

စံးထီၣ်ပတြၢၤ 62:1

ယသးအိၣ်ခိးထဲကစၢ်ယွၤတဂၤဧိၤလၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. တၢ်အုၣ်က့ၤခီၣ်က့ၤယၤန့ၣ်ဟဲဒၣ်ထဲလၢအအိၣ်လီၤ.

စံးထီၣ်ပတြၢၤ 62:5

အဂ့ၢ်ဒ်အံၤယသးအိၣ်ခိးထဲကစၢ်ယွၤတဂၤဧိၤ လၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. အဂ့ၢ်ဒ်အံၤယမုၢ်လၢ်တၢ်လၢအီၤလီၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

စံးထီၣ်ပတြၢၤ 69:6

ယွၤ, တၢ်သုးမုၢ်ဂီၢ်မုၢ်အကစၢ်ယွၤဧၢ, မ်ပှၤလၢအမုၢ်လၢ်တၢ်လၢနၤတဖၣ်န့ၣ် အသုတ ဘၣ်တၢ်မၤမဲာ်ဆှးအီၤလၢယဃိန့ၣ်တဂ့ၤ. အံၣ်စရ့လးအကစၢ်ယွၤဧၢ, မ်ပှၤလၢအဃုနၤတဖၣ်န့ၣ်အသုတဘၣ် တၢ်မၤတရီတပါအီၤလၢယဃိန့ၣ်တဂ့ၤ.

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယံးရမံယၤ 20:11

ဘၣ်ဆၣ်ဒီးနဲဒၣ်ယွၤဧၢ, နအိၣ်လၢယအိၣ်တခီ, ဂံၢ်ဆူၣ်ဘါဆူၣ် ဒီးစိဒိၣ်ကမီၤထီ, ဒီးပှၤလၢအမၤအၢမၤနးယၤတဖၣ်ကဃၣ်ကွံာ် ဝဲန့ၣ်လီၤ. အဝဲသ့ၣ်ကဘၣ်တၢ်မၤမဲာ်ဆှးအီၤလီၤထူလီၤယိာ်, မ့ၢ်လၢအဝဲသ့ၣ်မၤန့ၢ်မၤနၢၤတၢ်တသ့ဘၣ်အဃိန့ၣ်လီၤ.

လံာ်သးသယုၢ်တၢ် 3:25

ယွၤန့ၣ်ဂ့ၤဝဲလၢကယဲၢ်ပှၤလၢအအိၣ်ခိးအီၤဒီးပှၤလၢအသးဃု အီၤတဖၣ်အဂီၢ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

ရိမ့ၤ 8:25

ဘၣ်ဆၣ်ဒီးတၢ်လၢပတထံၣ်ဘၣ်အီၤန့ၣ်ပမ့ၢ်မုၢ်လၢ်အီၤဒီး, ပအိၣ်ခိးကွၢ်လၢ်အီၤလၢတၢ်ဝံသးစူၤအပူၤန့ၣ်လီၤ.