စံးထီၣ်ပတြၢၤ 25:2 - Sgaw Karen Common Bible

² ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 25:2 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:18

လၢတၢ်န့ၣ်အဃိယူဒၤအပှၤဂီၢ်မုၢ်အိၣ်ဒီးတၢ်မၤနၢၤတၢ်လၢပှၤ အံၣ်စရ့လးဖိတဖၣ်အဖီခိၣ်, မ့ၢ်လၢအဝဲသ့ၣ်သန့ၤအသးလၢယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအဃိန့ၣ်လီၤ.

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 142:6

ကနၣ်ယတၢ်ကိးထီၣ်လၢတၢ်မၤစၢၤအဂီၢ်တက့ၢ်. အဂ့ၢ်ဒ်အံၤ, ယလီၤဒးကွံာ်လၢ တၢ်သူၣ်ဟးဂီၤသးဟးဂီၤအပူၤလီၤ. မၤပူၤဖျဲးယၤလၢယဒုၣ်ယဒါသ့ၣ်တဖၣ်တက့ၢ်. အဝဲသ့ၣ်ဆူၣ်ကဲာ်ဆိးလၢယဂီၢ်န့ၣ်လီၤ.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 22:1

ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်တ့ၢ်ယၤလဲၣ်. ဘၣ်မနုၤလၢနအိၣ်ယံၤလၢတၢ်မၤစၢၤယၤအဂီၢ်, နယံၤဒီးယတၢ်ကအုကစွါအတၢ်ကတိၤ တဖၣ်န့ၣ်လဲၣ်.

စံးထီၣ်ပတြၢၤ 22:5

အဝဲသ့ၣ်ကိးထီၣ်နၤဒီးနမၤပူၤဖျဲးအဝဲသ့ၣ်န့ၣ်လီၤ. အဝဲသ့ၣ်နာ်နၤ, ဒီးအသးတဟးဂီၤဘၣ်ဝဲဘၣ်.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

စံးထီၣ်ပတြၢၤ 31:1

ယွၤဧၢ, ယသန့ၤယသးလၢနၤလီၤ. မ်ယသုတမဲာ်ဆှးဘၣ်နီတဘျီတဂ့ၤ. လၢနတၢ်တီတၢ်လိၤအပူၤန့ၣ်, ကစၢ်ယွၤဧၢ မၤပူၤဖျဲးယၤတက့ၢ်.

စံးထီၣ်ပတြၢၤ 31:15

ထီဘိယအိၣ်လၢနတၢ်အိၣ်ပှိၤယၤအပူၤလီၤ, မၤပူၤဖျဲးယၤလၢယဒုၣ်ယဒါတဖၣ်, ပှၤလၢအမၤသံယၤတဖၣ်န့ၣ်တက့ၢ်.

စံးထီၣ်ပတြၢၤ 31:2

ဒိးနနၢ်လၢယၤ, မၤပူၤဖျဲးယၤခဲအံၤ, ကဲထီၣ်တၢ်အိၣ်သဒၢအလၢၢ်လၢယဂီၢ်, ယတၢ်တြီဆၢတၢ်လၢကမၤပူၤဖျဲးယၤန့ၣ်တက့ၢ်.

စံးထီၣ်ပတြၢၤ 34:8

လ့ၣ်ကွၢ်ဒီးထံၣ်လၢယွၤမ့ၢ်တၢ်ဂ့ၤန့ၣ်တက့ၢ်. ပှၤလၢအသန့ၤအသးလၢအီၤန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 37:40

ယွၤမၤစၢၤအဝဲသ့ၣ်ဒီးမၤပူၤဖျဲးအဝဲသ့ၣ်လီၤ. ယွၤမၤပူၤဖျဲးအဝဲသ့ၣ်လၢပှၤအၢပှၤသီအစုပူၤ, အဂ့ၢ်မ့ၢ်လၢအဝဲသ့ၣ်ဟံးန့ၢ်တၢ်အိၣ်တဒၢအလီၢ် လၢအပူၤအဃိန့ၣ်လီၤ.

စံးထီၣ်ပတြၢၤ 41:11

လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ, ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.

စံးထီၣ်ပတြၢၤ 56:1

ကစၢ်ယွၤဧၢ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤ ယဘၣ်တၢ်ဒုးထီဒါယၤ ဒီးယဒုၣ်ယဒါတဖၣ် မၤနးမၤဖှီၣ်ယၤတထံၣ်ဃီလီၤ.

စံးထီၣ်ပတြၢၤ 7:1

ယွၤ, ယကစၢ်ယွၤဧၢ, ယအိၣ်ကဒုယဲလၢနပူၤလီၤ. အုၣ်က့ၤခီၣ်က့ၤယၤလၢကယဲၢ် ပှၤလူၤမၤသံယၤအစုပူၤဒီးမၤပူၤဖျဲးယၤတက့ၢ်.

စံးထီၣ်ပတြၢၤ 71:1

ယွၤဧၢ, ယသန့ၤယသးလၢနၤ, မ်ယသုတဘၣ်တၢ်မဲာ်ဆှးနီတစုတဂ့ၤ.

စံးထီၣ်ပတြၢၤ 91:2

ကစံးဘၣ်ယွၤ, “နမ့ၢ်ယတၢ်အိၣ်တဒၢအလီၢ်ဒီးယတိာ်, ယကစၢ်ယွၤလၢယသန့ၤယသးလၢအီၤန့ၣ်လီၤ.”

စံးထီၣ်ပတြၢၤ 94:3

ပှၤတတီတလိၤကသူၣ်ဖှံသးညီယံာ်ထီၣ် ဒံးဆံးယံာ်လဲၣ်. ယွၤဧၢ, ဆံးယံာ်ဒံးလဲၣ်.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 37:10

ဒီးစံးဘၣ်အီၤ, “ကစၢ်လၢသုပာ်သုတၢ်နာ်လၢအပူၤန့ၣ်စံးဘၣ် တ့ၢ်သုလၢတၢ်တဟ့ၣ်လီၤသုလၢပစုပူၤဘၣ်န့ၣ်, နာ်အီၤတဂ့ၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 37:35

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်, ဒီးလၢယမၤတ့ၢ်တၢ်အၢၣ်လီၤအီလီၤဒီးယခ့ ယပှၤစီၤဒၤဝံးအဃိန့ၣ်လီၤ.”

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယံးရမံယၤ 17:18

ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

ရိမ့ၤ 10:11

တၢ်ကွဲးအသးစီဆှံစံးဝဲ, “ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်အသးတဟးဂီၤဘၣ်ဝဲဘၣ်” (ၡါ ၂၈:၁၆).

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

၁ ပ့းတရူး 2:6

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ယဃုထၢလၢၢ်လုၢ်ဒိၣ်ပှ့ၤဒိၣ်တဖျၢၣ်, လၢယပာ်လီၤအီၤဒ်လၢၢ်သနၢၣ်လၢ စံယိၣ်အပူၤလီၤ. ဒီးပှၤတဂၤလၢ်လၢ်လၢအနာ်အီၤန့ၣ် တသးဟးဂီၤဘၣ်ဝဲနီတဘျီဘၣ်” (ၡါ ၂၈:၁၆).