စံးထီၣ်ပတြၢၤ 25:15 - Sgaw Karen Common Bible

¹⁵ ယကွၢ်ထီၣ်တၢ်ဆူယွၤအအိၣ်လၢတၢ်မၤစၢၤအဂီၢ်ကိးဆၢကိး ကတီၢ်ဒဲးန့ၣ်လီၤ. ဒီးအဝဲဒၣ်မၤပူၤမၤဖျဲးယၤလၢ တၢ်လီၤပျံၤလီၤဖုးအလီၢ်န့ၣ်လီၤ.

စံးထီၣ်ပတြၢၤ 25:15 Iomraidhean Croise

လံာ်စီၤပၤအခီၣ်ထံးတဘ့ၣ် 1:20

တၢ်ဒိၣ်ကစၢ်စီၤပၤဧၢ, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ကွၢ်ထီၣ်တၢ်ဆူနအိၣ်လၢနကတဲဘၣ်အဝဲသ့ၣ်လၢမ့ၢ်မတၤကကဲ ထီၣ်စီၤပၤလၢနလီၢ်လဲၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

စံးထီၣ်ပတြၢၤ 141:8

မ့မ့ၢ်ယဲဒၣ်အံၤ, ယမဲာ်ကွၢ်စူၢ်တၢ်ဆူနအိၣ် ယယွၤပၢဘၣ်တၢ်ခဲလၢာ်တဂၤဧၢ, ယဃုတၢ်အိၣ်တဒၢလၢနပူၤလီၤ. ဟ့ၣ်လီၤကွံာ်ယၤဆူတၢ်သံအပူၤတဂ့ၤ.

စံးထီၣ်ပတြၢၤ 31:4

ထုးထီၣ်ကွံာ်ယၤလၢပှာ်လၢ အဘၣ်တၢ်ပာ်လီၤခူသူၣ်လၢယဂီၢ်တက့ၢ်. အဂ့ၢ်ဒ်အံၤ, နမ့ၢ်ယတၢ်ပူၤဖျဲးအလီၢ်လီၤ.

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.