စံးထီၣ်ပတြၢၤ 25:13 - Sgaw Karen Common Bible

¹³ အဝဲသ့ၣ်ကဘီၣ်ထီၣ်ညီထီၣ်ထီဘိ ဒီးအဖိတဖၣ်ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 25:13 Iomraidhean Croise

စံးထီၣ်ပတြၢၤ 112:2

အစၢၤအသွဲၣ်တဖၣ်ကဆူၣ်ထီၣ်လၢ ထံဧိၤကီၢ်ဧိၤအပူၤ, ပှၤအတီအလိၤတစိၤန့ၣ်ကဘၣ်တၢ်ဆိၣ်ဂ့ၤလီၤ.

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 36:8

ပှၤကိးဂၤဒဲးအီၣ်ဘျဲးအီၣ်ဘျဲးအီတၢ်အီၣ်လၢ နကတဲာ်ကတီၤဒီး နပျဲဒုးအီပှၤလၢနတၢ်ဂ့ၤတၢ်ဝါအထံကျိန့ၣ်လီၤ.

စံးထီၣ်ပတြၢၤ 37:11

မ့မ့ၢ်ပှၤလၢအဆီၣ်လီၤအသးတဖၣ် ကဒိးန့ၢ်ဘၣ်ထံဧိၤကီၢ်ဧိၤ ဒီးကမုာ်လၤသးခုလၢတၢ်ဘီၣ်တၢ်ညီ ဒီးတၢ်ဃူတၢ်ဖိးအပူၤလီၤ.

စံးထီၣ်ပတြၢၤ 37:22

ပှၤလၢအဘၣ်တၢ်ဆိၣ်ဂ့ၤလၢယွၤန့ၣ် ကဒိးန့ၢ်ဘၣ်ထံဧိၤကီၢ်ဧိၤ, ဘၣ်ဆၣ်ပှၤလၢအဘၣ်တၢ်ဆိၣ်အၢလၢအီၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

စံးထီၣ်ပတြၢၤ 37:26

ထီဘိအဝဲဟ့ၣ်ကလီတၢ်လၢတၢ်သးကညီၤအပူၤ ဒီးဒုးလိၢ်တၢ်, ဒီးအဖိအလံၤတဖၣ်ကဘၣ်တၢ်ဆိၣ်ဂ့ၤအီၤလီၤ.

စံးထီၣ်ပတြၢၤ 37:29

ပှၤတီပှၤလိၤကဒိးန့ၢ်ဘၣ်ထံဧိၤကီၢ်ဧိၤ ဒီးကအိၣ်ဝဲဆိးဝဲလၢအပူၤလီၤစိၤလီၤထီလီၤ.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 37:9

အဂ့ၢ်ဒ်အံၤ, ပှၤအၢပှၤသီကဘၣ်တၢ်ဒီၣ်တဲာ်ကွံာ်အီၤ, ဘၣ်ဆၣ်ပှၤလၢအမုၢ်လၢ်တၢ်လၢယွၤန့ၣ်, ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 63:5

ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ, ဒီးယထးခိၣ်စံးထီၣ်ပတြၢၤနၤလၢ နိးဖံးလၢအသးခုန့ၣ်လီၤ.

စံးထီၣ်ပတြၢၤ 69:36

အခ့အပှၤအဖိတဖၣ်ကန့ၢ်သါဘၣ်ဝဲ, ဒီးပှၤလၢအအဲၣ်အမံၤတဖၣ် ကအိၣ်ကဆိးလၢအပူၤလီၤ.

တၢ်ကတိၤဒိ. 1:33

ဘၣ်ဆၣ်ဒီးပှၤလၢအဒိကနၣ်ယကလုၢ်န့ၣ်, ကအိၣ်ဒီးတၢ်ဘီၣ်ထီၣ်ညီ ထီၣ်လီၤ. အဝဲကအိၣ်ဒီးသးအတၢ်ဃူတၢ်ဖိးဒီးကဘၣ်ပျံၤတၢ်အဂ့ၢ်အကျိၤ တအိၣ်ဘၣ်ဒီးအီၤနီတမံၤဘၣ်.”

တၢ်ကတိၤဒိ. 19:23

ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.

တၢ်ကတိၤဒိ. 20:7

ဖိတဖၣ်လၢအအိၣ်ဒီးအပၢ်တဂၤလၢအတီအလိၤဒီးမၤတၢ်အဘၣ်န့ၣ်, ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

လံာ်မးသဲ 5:5

ပှၤလၢအသးစူၤဒီးဆီၣ်လီၤအသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကဒိးန့ၢ်ဘၣ်တၢ်လၢ ကစၢ်ယွၤစံးပာ်လၢကဟ့ၣ်ဝဲခဲလၢာ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

လံာ်သိၣ်လီၤသီလီၤတၢ် 33:12

ဘၣ်ဃးဒီးဘံၣ်ယၤမံၣ်အဒူၣ်အဂ့ၢ်န့ၣ်အဝဲစံးဝဲ, “အအံၤမ့ၢ်ဒူၣ်လၢယွၤအဲၣ်အီၤဒီးဒီဒၣ်အိၣ်ပှိၤအီၤန့ၣ်လီၤ. အဝဲအိၣ်ခိးကဟုကယာ်အဝဲသ့ၣ်ကိးဆၢကိးကတီၢ်ဒဲး, ဒီးအဝဲအိၣ်ဝဲဆိးဝဲလၢအဝဲသ့ၣ်အကျါန့ၣ်လီၤ.”

ဖံလံးပံၤ 4:19

လၢအတၢ်ထူးတၢ်တီၤအါအါကလဲာ်ခီဖျိယ့ၣ်ၡူးခရံာ်န့ၣ်, ယကစၢ်ယွၤကဟ့ၣ်သုတၢ်အလိၣ်ခဲလၢာ်လီၤ.

၁ ပ့းတရူး 3:10

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအသးအိၣ်မုာ်လၤလၢ တၢ်အိၣ်မူအပူၤ ဒီးဆၢထံၣ်ဘၣ်နံၤသီလၢအဂ့ၤတဖၣ်န့ၣ်, တဘၣ်ကတိၤအၢကတိၤသီတၢ်ဘၣ် ဒီးကဘၣ်ဆိကတီၢ် တၢ်ကတိၤလီတၢ်တဖၣ်န့ၣ်လီၤ.

၂ ပ့းတရူး 3:13

ဘၣ်ဆၣ်ဒီး, ပအိၣ်ခိးကွၢ်လၢ်တၢ်လၢကစၢ်ယွၤစံးပာ်တ့ၢ်လံဝဲလၢ အမ့ၢ်မူခိၣ်အသီဒီးဟီၣ်ခိၣ်အသီဖဲတၢ်တီတၢ်လိၤကအိၣ်ဝဲ ဆိးဝဲန့ၣ်လီၤ.