စံးထီၣ်ပတြၢၤ 25:11 - Sgaw Karen Common Bible

¹¹ ဟံးဃာ်နတၢ်အၢၣ်လီၤ, ယွၤဧၢ, ဒီးပျၢ်လၢ်ဘၣ်ယတၢ်ဒဲးဘးတဖၣ်န့ၣ်တက့ၢ်. ယအိၣ်ဒီးတၢ်ဒဲးဘးအါမးလီၤ.

စံးထီၣ်ပတြၢၤ 25:11 Iomraidhean Croise

စံးထီၣ်ပတြၢၤ 109:21

ဘၣ်ဆၣ်နဲဒၣ်ယယွၤ, စီၤပၤဖးဒိၣ်ဧၢ, မၤစၢၤယၤဒ်နအၢၣ်လီၤတ့ၢ်နဲအသိး ဒီးမၤပူၤဖျဲးယၤလၢ နတၢ်အဲၣ်အတၢ်ဂ့ၤတၢ်ဝါ အဃိန့ၣ်တက့ၢ်.

စံးထီၣ်ပတြၢၤ 143:11

ယွၤဧၢ, ပာ်မူယသးလၢနမံၤအဃိန့ၣ်တက့ၢ်. လၢနတၢ်တီတၢ်လိၤအပူၤန့ၣ်, ထုးထီၣ်ကွံာ်ယၤလၢတၢ်ကီတၢ်ခဲ တဖၣ်အပူၤန့ၣ်တက့ၢ်.

စံးထီၣ်ပတြၢၤ 31:3

အဂ့ၢ်ဒ်အံၤ, နမ့ၢ်ယလၢၢ်ဒီးယတိာ်န့ၣ်လီၤ. ဆှၢယၤဒီးမိၤယၤလၢနမံၤအဃိဒ်နအၢၣ်လီၤ တ့ၢ်နဲအသိးန့ၣ်တက့ၢ်.

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:7

ယဟံးဃာ်ယတၢ်အၢၣ်လီၤအီလီၤလၢပှၤအစိၤအကထိတဖၣ်အဂီၢ်, ဒီးပျၢ်တၢ်အၢတၢ်သီဒီးတၢ်ဒဲးဘး, ဘၣ်ဆၣ်ဒီး, ယတလီၤတူာ်လီၤကာ်ဘၣ်လၢယကစံၣ်ညီၣ်ဖိ တဖၣ်ဒီးလံၤတဖၣ်တုၤလၢသၢစိၤတစိၤဒီးလွံၢ်စိၤတစိၤလၢအဝဲသ့ၣ်အမိၢ်အပၢ်တဖၣ် အတၢ်ဒဲးဘးအဃိန့ၣ်ဘၣ်.”

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 48:9

ဒ်သိးပှၤဂီၢ်မုၢ်ကစံးထီၣ်ပတြၢၤယမံၤ ဒီးယပၢၤဃာ်ယတၢ်သးထီၣ်လၢတၢ်ပလီၢ်ပဒီသးအပူၤလီၤ. ယထုးက့ၤအီၤဒီးယတမၤဟးဂီၤသုဘၣ်.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်ယဃ့းစက့လး 36:22

ဒီးခဲကနံၣ်အံၤ, ဟ့ၣ်လီၤပှၤအံၣ်စရ့လးဖိတဖၣ်လၢယၤ, ယွၤ ပၢဘၣ်တၢ်ခဲလၢာ်ကစၢ်အတၢ်ကစီၣ်လၢအဝဲသ့ၣ်အဂီၢ်န့ၣ်တက့ၢ်. တၢ်လၢယကမၤအီၤန့ၣ်, တမ့ၢ်ဘၣ်လၢသုဝဲပှၤအံၣ်စရ့လးဖိတဖၣ် အဃိဘၣ်. မ့မ့ၢ်တခီ, မ့ၢ်လၢယမံၤစီဆှံလၢသုဒုးအိၣ်ထီၣ် တၢ်မၤမဲာ်ဆှးအီၤလၢထံကီၢ်တဘ့ၣ်လၢ်လၢ်ဖဲသု လဲၤတ့ၢ်အပူၤအဃိန့ၣ်လီၤ.

ရိမ့ၤ 5:15

ဘၣ်ဆၣ်တၢ်ခံမံၤအံၤတမ့ၢ်တၢ်ဒ်သိးသိးဘၣ်, မ့ၢ်လၢကစၢ်ယွၤအတၢ်ဟ့ၣ်ကလီတဒ်သိးဒီးစီၤ အၤဒၣ်အတၢ်ဒဲးဘးအဃိန့ၣ်လီၤ. မ့ၢ်ဝဲတီဝဲလၢပှၤအါဂၤသံလၢပှၤတဂၤအံၤအတၢ် ဒဲးဘးအဃိလီၤ. ဘၣ်ဆၣ်ကစၢ်ယွၤအဘျုးအံၤဒိၣ် ဒၣ်တၢ်တက့ၢ်, ဒီးအတၢ်ဟ့ၣ်ကလီပှၤအါဒံအါ ဂၤတၢ်ဘျုးတၢ်ဖှိၣ်ခီဖျိပှၤတဂၤလၢအမ့ၢ်ယ့ၣ်ၡူး ခရံာ်န့ၣ်, ဒိၣ်ဒံးဒၣ်တၢ်တက့ၢ်န့ၣ်လီၤ.

၁ ယိၤဟၣ် 2:12

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုတၢ်ဒဲးဘးတဖၣ် ဘၣ်တၢ်ပျၢ်ကွံာ်အီၤလၢခရံာ်အမံၤအဃိန့ၣ်လီၤ.