စံးထီၣ်ပတြၢၤ 25:10 - Sgaw Karen Common Bible

¹⁰ ပှၤလၢအပၢၤဃာ်ယွၤအတၢ်အၢၣ်လီၤဒီး ဒိကနၣ်အတၢ်မၤလိာ်တဖၣ်န့ၣ်, အဝဲဆှၢဝဲလၢတၢ်သးတီဒီးတၢ်အဲၣ်အပူၤန့ၣ်လီၤ.

စံးထီၣ်ပတြၢၤ 25:10 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်တၢ်ကဲထီၣ်အခီၣ်ထံး 5:24

အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:20

နအိၣ်တ့ၢ်ဖဲအံၤထဲတစိၢ်တလီၢ်ဒံးလီၤ. လၢတၢ်န့ၣ်အဃိဘၣ်မ နုၤယကဘၣ်ဒုးကဲထီၣ်နၤလၢပှၤဟးဝ့ၤဝီၤဃုာ်ဒီးယၤန့ၣ်လဲၣ်. ယကလဲၤဆူလဲၣ်န့ၣ်ယတသ့ၣ်ညါဒၣ်လဲာ်ယဲဘၣ်. က့ၤကဒါက့ၤဒီးက့ၤကိးဃုာ်နထံဖိကီၢ်ဖိကဒဲကဒဲတဖၣ်ဒီးနၤတက့ၢ်. ဒီးမ်ယွၤသးကညီၤသုဒီးတီဒီးသုတက့ၢ်.”

စံးထီၣ်ပတြၢၤ 138:7

တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

စံးထီၣ်ပတြၢၤ 33:4

အဂ့ၢ်ဒ်အံၤ, ယွၤအကလုၢ်ကထါန့ၣ် မ့ၢ်တၢ်တီတၢ်လိၤ, ဒီးအဝဲအကလုၢ်တီလၢ တၢ်လၢအမၤဝဲ ခဲလၢာ်အပူၤလီၤ.

စံးထီၣ်ပတြၢၤ 40:11

ယွၤဧၢ, မ်နသုတထုးကွံာ်နတၢ်သးကညီၤလၢယၤတဂ့ၤ. မ်နတၢ်အဲၣ်ဂၢၢ်ကျၢၤဒီးနတၢ်သူၣ်တီသးတီ ပၢၤယၤတထံၣ်ဃီတက့ၢ်.

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

စံးထီၣ်ပတြၢၤ 57:3

အဝဲကစံးဆၢယၤလၢမူခိၣ်ဒီး အုၣ်က့ၤခီၣ်က့ၤယၤန့ၣ်လီၤ. စ့လၤ အဝဲကဒုးမဲာ်ဆှးပှၤလၢ အယီၢ်တံၢ်ယၤတဖၣ်န့ၣ်လီၤ. ကစၢ်ယွၤကလီၣ်ဖျါထီၣ်အတၢ်အဲၣ်ဂၢၢ်ကျၢၤဒီးအတၢ်တီတၢ်လိၤန့ၣ်လီၤ.

စံးထီၣ်ပတြၢၤ 85:10

တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ ကထံၣ်လိာ်အသး, တၢ်တီတၢ်လိၤဒီးတၢ်ဃူတၢ်ဖိး ကနၢမူလိာ်အသးလီၤ.

စံးထီၣ်ပတြၢၤ 89:14

တၢ်တီတၢ်လိၤဒီးတၢ်စံၣ်ညီၣ်တီန့ၣ် မ့ၢ်နလီၢ်ပစိာ်အခီၣ်ထံးလီၤ. တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ လဲၤတၢ်လၢနမဲာ်ညါလီၤ.

စံးထီၣ်ပတြၢၤ 91:14

ကစၢ်ယွၤစံးဝဲဒၣ်, မ့ၢ်အသးစဲဘူးဒီးယၤဒီး ယကမၤပူၤဖျဲးအီၤ, ယကပာ်ထီၣ်ထီအီၤလၢ အသ့ၣ်ညါယမံၤအဃိလီၤ.

စံးထီၣ်ပတြၢၤ 98:3

အဝဲသ့ၣ်နီၣ်ထီၣ်တ့ၢ်အတၢ်အဲၣ်ဂၢၢ်ကျၢၤ ဒီးအတၢ်သးတီလၢ အံၣ်စရ့လးအပှၤဟံၣ်ဖိအဂီၢ်န့ၣ်လီၤ. ဟီၣ်ခိၣ်အကတၢၢ်ခဲလၢာ်ထံၣ်ဘၣ်တ့ၢ်လံ ပကစၢ်ယွၤအတၢ်အုၣ်က့ၤခီၣ်က့ၤန့ၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

မၤတၢ် 10:35

ပှၤတဂၤလၢ်လၢ်, ကမ့ၢ်ဒၣ်ဝဲပှၤတကလုာ်ဂ့ၤတကလုာ်ဂ့ၤဘၣ်ဆၣ်, မ့ၢ်ပျံၤယွၤဒီးမၤတၢ်လၢအကြၢးဝဲဘၣ်ဝဲန့ၣ်, ဘၣ်တၢ်တူၢ်လိာ်အီၤလီၤ.

ရိမ့ၤ 2:13

အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.