စံးထီၣ်ပတြၢၤ 24:3 - Sgaw Karen Common Bible

³ မ့ၢ်မတၤကလဲၤထီၣ်ဆူယွၤအကစၢၢ်တဂၤန့ၣ်လဲၣ်. မ့ၢ်မတၤကဆၢထၢၣ်လၢ အလီၢ်စီဆှံအပူၤတဂၤန့ၣ်လဲၣ်.

စံးထီၣ်ပတြၢၤ 24:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:1

စီၤဒၤဝံးမၤဟံၣ်တဖၣ်လၢကသူဝဲလၢအဂီၢ်ဒၣ်ဝဲလၢစီၤဒၤဝံး အဝ့ၢ်ပူၤန့ၣ်လီၤ. အဝဲကတဲာ်ကတီၤစ့ၢ်ကီးတၢ်လီၢ်တတီၤလၢကစၢ်ယွၤအတၢ်အၢၣ်လီၤအီ လီၤအတလါအဂီၢ်ဒီးမၤထီၣ်ဝဲဒဲတဖျၢၣ်လၢတလါအဂီၢ်န့ၣ်လီၤ.

စံးထီၣ်ပတြၢၤ 15:1

ယွၤဧၢ, မ့ၢ်မတၤကလဲၤနုာ်ဘၣ်ဆူ နဒဲစီဆှံပူၤတဂၤန့ၣ်လဲၣ်. မ့ၢ်မတၤကဘူၣ်ထီၣ်ဘါထီၣ်တၢ်လၢစံယိၣ်, လၢနကစၢၢ်စီဆှံအလိၤတဂၤန့ၣ်လဲၣ်.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

စံးထီၣ်ပတြၢၤ 68:18

အဝဲလဲၤထီၣ်လံဆူတၢ်ထီၣ်ထီတဖၣ်လံ. ဖီၣ်န့ၢ်ကုၢ်တဖၣ်ဒီးဒိးန့ၢ်ဘၣ် တၢ်ဟ့ၣ်တဖၣ်လၢပှၤကညီအကျါ, လၢပှၤပူထီၣ်တၢ်သ့ၣ်တဖၣ်အကျါဒၣ်လဲာ်န့ၣ်လီၤ. ယွၤကစၢ်ယွၤကအိၣ်ဝဲဆိးဝဲဖဲန့ၣ်လီၤ.

လံာ်ယဃ့းစက့လး 44:5

ဒီးယွၤစံးဘၣ်ယၤ, “ပှၤကညီလၢအသံသ့ဧၢ, ပာ်သူၣ်ပာ်သးလၢ ကယဲၢ်တၢ်ခဲလၢာ်လၢနထံၣ်ဘၣ်ဒီးနနၢ်ဟူဘၣ်န့ၣ်တက့ၢ်. ယကတဲ ဘၣ်နၤတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢကဘၣ် တၢ်မၤထွဲအီၤလၢယွၤအတၢ်လုၢ်ဟံၣ်အဂီၢ်, မတၤတဖၣ်ဘၣ်တၢ်ပျဲအီၤလၢကနုာ်က့ၤဟးထီၣ်လၢယွၤ အတၢ်လုၢ်ဟံၣ်အပူၤ, ဒီးမတၤကဖၣ်ကဘၣ်တၢ်ပျဲအီၤလဲၣ်န့ၣ်တိၢ် နီၣ်လီၤတံၢ်ဆဲးတက့ၢ်.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်ယိၤဟၣ် 13:36

စီၤၡံမိၣ်ပ့းတရူးသံကွၢ်ယ့ၣ်ၡူး, “ကစၢ်ဧၢ, နကလဲၤဆူလဲၣ်.” ယ့ၣ်ၡူးစံးဆၢအီၤ, “တၢ်လီၢ်လၢယကလဲၤန့ၣ်, နလဲၤပိာ်ယခံ ခဲအံၤတသ့ဘၣ်. ဘၣ်ဆၣ်လၢခံန့ၣ်နကဟဲပိာ်ယခံလီၤ.”

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.