စံးထီၣ်ပတြၢၤ 24:2 - Sgaw Karen Common Bible

² အဂ့ၢ်ဒ်အံၤ, ပာ်လီၤဝဲအခီၣ်ထံးလၢထံယိာ်ပူၤလၢဟီၣ်ခိၣ် အဖီလာ်, ဒီးဒုးအိၣ်ဂၢၢ်ဆိးကျၢၤအီၤလၢ ပီၣ်လဲၣ်အတၢ်ဃိာ်အပူၤန့ၣ်လီၤ.

စံးထီၣ်ပတြၢၤ 24:2 Iomraidhean Croise

လံာ်တၢ်ကဲထီၣ်အခီၣ်ထံး 8:22

ဟီၣ်ခိၣ်အိၣ်ဂၢၢ်ကျၢၤဒံးဝဲအကတီၢ်ပူၤန့ၣ်, တၢ်သူၣ်လီၤဖျးလီၤဒီးတၢ်ကူးဘုအကတီၢ်ကအိၣ်ဝဲလီၤ. တၢ်ခုၣ်ဒီးတၢ်ကိၢ်, တၢ်ကိၢ်ခါအကတီၢ်ဒီးတၢ်ဂိၢ်ခါအကတီၢ်, မုၢ်နံၤဒီးမုၢ်နၤကအိၣ်ဝဲတဘိယူၢ်ဃီလီၤ.”

လံာ်စီၤယိၤဘး 38:4

ဖဲယတ့လီၤဟီၣ်ခိၣ်န့ၣ်မ့ၢ်နအိၣ်ဖဲလဲၣ်. နမ့ၢ်သ့ၣ်ညါတၢ်အါမးဒီးတဲဘၣ်ယၤတက့ၢ်.

စံးထီၣ်ပတြၢၤ 136:6

အဝဲဒါလီၤဟီၣ်ခိၣ်လၢထံယိာ်ပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 33:6

ယွၤတ့လီၤမူခိၣ်ခီဖျိအကလုၢ်, မုၢ်, လါ, ဒီးဆၣ်တဖၣ်လၢအတၢ်ကတိၤန့ၣ်လီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

စံးထီၣ်ပတြၢၤ 93:1

ယွၤမ့ၢ်စီၤပၤလီၤ. အဝဲကူသိးဝဲတၢ်ကဟုကညီၢ် ဒီးတၢ်ဂံၢ်တၢ်ဘါလီၤ. ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ ဒီးဘၣ်တၢ်မၤဟူးဝးအီၤတန့ၢ်ဘၣ်.

စံးထီၣ်ပတြၢၤ 95:4

ဟီၣ်ခိၣ်အတၢ်ယိာ်ပူၤတဖၣ်အိၣ်လၢအစုပူၤ, ဒီးကစၢၢ်ကလိအတၢ်ထီၣ်ထီတဖၣ်န့ၣ်, မ့ၢ်စ့ၢ်ကီးအတၢ်လီၤ.

စံးထီၣ်ပတြၢၤ 96:10

စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ. ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ အလီၢ်ဒၣ်ဝဲအပူၤ ဒီးတၢ်မၤဟူးဝးအီၤတသ့ဘၣ်. အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.