စံးထီၣ်ပတြၢၤ 24:1 - Sgaw Karen Common Bible

¹ ဟီၣ်ခိၣ်ဒီးတၢ်လၢအအိၣ်လၢအပူၤ ခဲလၢာ်အံၤ မ့ၢ်ယွၤအတၢ်လီၤ. ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအပူၤ ခဲလၢာ်အံၤ မ့ၢ်အတၢ်လီၤ.

စံးထီၣ်ပတြၢၤ 24:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:11

နမ့ၢ်တၢ်ဒိၣ်တၢ်မုၢ်ဒီးစိဒိၣ်ကမီၤထီ, လၤဒိၣ်ကပီၤအါ, ကပြုၢ်ကပြီၤဒီးလီၤကဟုကညီၢ်န့ၣ်လီၤ. ကယဲၢ်တၢ်ခဲလၢာ်လၢအအိၣ်ဝဲလၢမူခိၣ်ဒီးဟီၣ်ခိၣ်န့ၣ်မ့ၢ်နတၢ်, ဒီးနမ့ၢ်စီၤပၤ, ဒီးပှၤပၢတၢ်အဒိၣ်ကတၢၢ်လၢတၢ်ခဲလၢာ်အဖီခိၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:16

အိယွၤ, ပကစၢ်ယွၤဧၢ, ပဟဲပာ်ဖှိၣ်သကိးကယဲၢ်တၢ်ထူးတၢ်တီၤခဲ လၢာ်အံၤလၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ကမၤလၤကပီၤ နမံၤစီဆှံအဂီၢ်, ဘၣ်ဆၣ်, တၢ်အံၤခဲလၢာ်ဟဲဒၣ်လၢနၤဒီးမ့ၢ်ဒၣ်နတၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:9

စီၤအမၤစယါသံကွၢ်ဝံန့ၣ် “မ့မ့ၢ်ဒ်န့ၣ်ဒီးကယဲၢ်စ့လၢယဟ့ၣ် လီၤလံလၢတၢ်ဒိးလဲအဝဲသ့ၣ်အဂီၢ်န့ၣ်, ပကမၤဒ်လဲၣ်.” ဝံန့ၣ်စံးဆၢအီၤ, “ယွၤဟ့ၣ်က့ၤနၤအါန့ၢ်အလီၢ်သ့ဝဲလီၤ.”

လံာ်စီၤယိၤဘး 34:13

မ့ၢ်ကစၢ်ယွၤဒိးန့ၢ်ဘၣ်တၢ်စိတၢ်ကမီၤလၢပှၤတဂၤဂၤအအိၣ် န့ၣ်ဧါ. မ့ၢ်ပှၤတဂၤဂၤဟ့ၣ်မူဟ့ၣ်ဒါအီၤလၢကပၢဟီၣ်ခိၣ်န့ၣ်ဧါ.

လံာ်စီၤယိၤဘး 41:11

မတၤထီဒါအီၤဒီးပူၤဖျဲးကသ့ဒံးတဂၤလဲၣ်. ပှၤတအိၣ်ဘၣ်နီ တဂၤလၢဟီၣ်ခိၣ်ချၢဒီဘ့ၣ်ညါဒ်သိးအမၤတၢ်အံၤကသ့န့ၣ်ဘၣ်.

လံာ်စီၤယိၤဘး 41:3

ကဃ့ကညးနၤလၢနကပျဲအီၤဧါ. ကဃ့ကညးနၤလၢနကသး ကညီၤအီၤအဂီၢ်ဧါ.

စံးထီၣ်ပတြၢၤ 50:10

အဂ့ၢ်ဒ်အံၤ, ဆၣ်ဖိကီၢ်ဖိအမံၤလၢပှၢ်လၢ်ကျါဒီး ဆၣ်ဖိကီၢ်ဖိအဒၢလၢကစၢၢ်ကလိအလိၤလၢအအိၣ်, အကထိကထိတဖၣ်န့ၣ်, မ့ၢ်ယတၢ်လီၤ.

စံးထီၣ်ပတြၢၤ 50:12

တၢ်မ့ၢ်သၣ်ဝံၤယသးဒီးယတစံးဘၣ်နၤဘၣ်. အဂ့ၢ်ဒ်အံၤ, ဟီၣ်ခိၣ်ဒီးတၢ်ခဲလၢာ်လၢအပူၤန့ၣ် မ့ၢ်ယတၢ်လီၤ.

စံးထီၣ်ပတြၢၤ 89:11

မူခိၣ်မ့ၢ်နတၢ်, ဟီၣ်ခိၣ်စ့ၢ်ကီးမ့ၢ်နတၢ်, ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်န့ၣ် နပာ်လီၤအခီၣ်ထံးလီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

စံးထီၣ်ပတြၢၤ 98:7

မ်ပီၣ်လဲၣ်ဒီး တၢ်ဘၣ်တ့လၢအပူၤတဖၣ်သီၣ်ထီၣ်, ဟီၣ်ခိၣ်ဒီးပှၤအိၣ်ဝဲဆိးဝဲလၢအပူၤခဲလၢာ် သးဝံၣ်တၢ်တက့ၢ်.

လံာ်တၢ်ဟးထီၣ်ကွံာ် 19:5

ခဲကနံၣ်အံၤ, သုမ့ၢ်စူၢ်ယၤဒီးတိၢ်န့ၢ်ဖံးဃာ်ယတၢ်အၢၣ်လီၤအီ လီၤန့ၣ်သုကကဲထီၣ်ယပှၤဂီၢ်မုၢ်ဒၣ်ယဲလီၤ. ဟီၣ်ခိၣ်ဒီဘ့ၣ်န့ၣ်မ့ၢ်ယတၢ်လီၤ. ဘၣ်ဆၣ်ဒီးသုကမ့ၢ်ယပှၤဃုထၢဖိတဖၣ်,

လံာ်တၢ်ဟးထီၣ်ကွံာ် 9:29

ဒီးစီၤမိၤၡ့စံးဘၣ်အီၤ, “တဘျီဃီဖဲယဟးထီၣ်လၢဝ့ၢ်ပူၤ ဒီးယကယူာ်ထီၣ်ယစုဒီးဃ့ကညးယွၤလီၤ. လီသီၣ်ကဆိကတီၢ်ဝဲ, ဒီးသူၣ်တလီၤလၢၤဘၣ်ဝဲဘၣ်, တုၤနုၤတစုနကသ့ၣ်ညါလၢဟီၣ်ခိၣ်အံၤမ့ၢ်ယွၤအတၢ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်နၤဃူၣ် 1:5

ကစၢၢ်ကလိတဖၣ်ဟူးဝးဆှဲးဆှိး ဒီးတၢ်လူၢ်ဒီခိၣ်တဖၣ်ပှံၢ်ထီၣ်ကွံာ်ဝဲလၢယွၤ အမဲာ်ညါန့ၣ်လီၤ. ဟီၣ်ခိၣ်ဟူးဝးဖဲယွၤလီၣ်ဖျါထီၣ်အသး, ဟီၣ်ခိၣ်ဒီးအပှၤဂီၢ်မုၢ်ခဲလၢာ်ကနိးကစုာ်ဝဲဒၣ်န့ၣ်လီၤ.

1 ကရံၣ်သူး 10:26

အဂ့ၢ်ဒ်အံၤ, ဒ်တၢ်ကွဲးအသးစံးဝဲအသိးန့ၣ်, “ဟီၣ်ခိၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်, ဘၣ်ထွဲလၢကစၢ်လီၤ.”

လံာ်သိၣ်လီၤသီလီၤတၢ် 10:14

မူခိၣ်ဒီးအလီၢ်လၢအထီကတၢၢ်ဒၣ်လဲာ်ဘၣ်ဃးဒီးယွၤလီၤ. ဟီၣ်ခိၣ်ဒီးတၢ်လၢအအိၣ်လၢအပူၤကိးမံၤဒဲးန့ၣ်မ့ၢ်စ့ၢ်ကီးအဝဲအတၢ်န့ၣ်လီၤ.