စံးထီၣ်ပတြၢၤ 23:3 - Sgaw Karen Common Bible

³ မၤက့ၤယသး, ဆှၢယၤလၢကျဲအတီအလိၤတဖၣ်အပူၤ လၢအမံၤအဃိလီၤ.

စံးထီၣ်ပတြၢၤ 23:3 Iomraidhean Croise

လံာ်စီၤယိၤဘး 33:30

ဒ်သိးကဒုးဟဲက့ၤကဒါက့ၤအီၤလၢတၢ်သံအကီၢ်ပူၤ, ဒ်သိးကဒုးကပီၤဘၣ်အီၤတၢ်မူအတၢ်ကပီၤလီၤ.

စံးထီၣ်ပတြၢၤ 106:8

ဘၣ်ဆၣ်အဝဲဒၣ်အုၣ်က့ၤခီၣ်က့ၤအဝဲသ့ၣ်, ဒ်အဝဲအၢၣ်လီၤတ့ၢ်ဝဲအသိး, ဒ်သိးကပာ်ဖျါထီၣ်အစိဒိၣ်အကမီၤဒိၣ်န့ၣ်လီၤ.

စံးထီၣ်ပတြၢၤ 109:21

ဘၣ်ဆၣ်နဲဒၣ်ယယွၤ, စီၤပၤဖးဒိၣ်ဧၢ, မၤစၢၤယၤဒ်နအၢၣ်လီၤတ့ၢ်နဲအသိး ဒီးမၤပူၤဖျဲးယၤလၢ နတၢ်အဲၣ်အတၢ်ဂ့ၤတၢ်ဝါ အဃိန့ၣ်တက့ၢ်.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 19:7

ယွၤအတၢ်သိၣ်တၢ်သီလၢဝဲပှဲၤဝဲ ဒီးမၤကျၢၤထီၣ်က့ၤပသးလီၤ. ယွၤအတၢ်အုၣ်အသးန့ၣ်မ့ၢ်ဝဲတီဝဲ, ဒီးဒုးကူၣ်သ့ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 31:3

အဂ့ၢ်ဒ်အံၤ, နမ့ၢ်ယလၢၢ်ဒီးယတိာ်န့ၣ်လီၤ. ဆှၢယၤဒီးမိၤယၤလၢနမံၤအဃိဒ်နအၢၣ်လီၤ တ့ၢ်နဲအသိးန့ၣ်တက့ၢ်.

စံးထီၣ်ပတြၢၤ 31:4

ထုးထီၣ်ကွံာ်ယၤလၢပှာ်လၢ အဘၣ်တၢ်ပာ်လီၤခူသူၣ်လၢယဂီၢ်တက့ၢ်. အဂ့ၢ်ဒ်အံၤ, နမ့ၢ်ယတၢ်ပူၤဖျဲးအလီၢ်လီၤ.

စံးထီၣ်ပတြၢၤ 34:3

တဲဖျါယွၤအတၢ်ဒိၣ်တၢ်မုၢ်ဃုာ်ဒီးယၤ, မ်ပစံးထီၣ်ပတြၢၤသကိးအမံၤတက့ၢ်.

စံးထီၣ်ပတြၢၤ 5:8

ယွၤဧၢ, ဆှၢယၤလၢနကျဲမ့ၢ်ကျဲတီအပူၤ မ့ၢ်လၢယအိၣ်ဒီးယဒုၣ်ယဒါအါမးအဃိန့ၣ်တက့ၢ်. မၤလိၤမၤပျီနကျဲလၢယမဲာ်ညါတက့ၢ်.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

စံးထီၣ်ပတြၢၤ 51:12

ဒုးအိၣ်ထီၣ်က့ၤန့ၢ်ယၤလၢနတၢ်အုၣ်က့ၤခီၣ်က့ၤ အတၢ်သူၣ်ခုသးခု ဒီးမၤစၢၤယၤဒ်သိးယကဒိကနၣ်နၤန့ၣ်တက့ၢ်.

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

စံးထီၣ်ပတြၢၤ 85:13

တၢ်တီတၢ်လိၤကလဲၤတၢ်လၢယွၤအမဲာ်ညါ ဒီးကကတဲာ်ကတီၤကျဲလၢအဂီၢ်လီၤ.

တၢ်ကတိၤဒိ. 4:11

ယသိၣ်လိတ့ၢ်နၤလၢတၢ်ကူၣ်သ့ဒီးကျဲအဘၣ်လၢနကအိၣ်မူထွဲ အဂီၢ်လီၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.