စံးထီၣ်ပတြၢၤ 22:7 - Sgaw Karen Common Bible

⁷ ပှၤလၢအထံၣ်ယၤခဲလၢာ်ဒုၣ်ဒွဲၣ်ယၤ, အဝဲသ့ၣ်လ့ၣ်အပျ့ၤလၢယၤဒီးကျၢၢ်ကျာ်အခိၣ်လီၤ.

စံးထီၣ်ပတြၢၤ 22:7 Iomraidhean Croise

လံာ်စီၤယိၤဘး 12:4

ခဲကနံၣ်အံၤယတံၤသကိးတဖၣ်ဒၣ်လဲၣ်နံၤဘၣ်ယၤလီၤ. ယမ့ၢ်ပှၤတီပှၤလိၤဒီးပှၤပာ်ဒ့ၣ်ပာ်ကမၣ်အလီၢ်တအိၣ်ဘၣ် သနာ်က့အဝဲသ့ၣ်နံၤဘၣ်ယၤလီၤ. ဘၣ်ဆၣ်အဆၢအကတီၢ်အိၣ် ဝဲဒၣ်လၢကစၢ်ယွၤစံးဆၢယတၢ်ထုကဖၣ်တဖၣ်န့ၣ်လီၤ.

လံာ်စီၤယိၤဘး 16:10

ပှၤဂီၢ်မုၢ်ဒုၣ်ဒွဲၣ်ယၤ, အဝဲသ့ၣ်ကဝီၤဃာ်ယၤဒီးဒဲယဘိးပၤ န့ၣ်လီၤ.

လံာ်စီၤယိၤဘး 16:4

သုမ့ၢ်အိၣ်ဘၣ်လၢယလီၢ်, ဒီးယမ့ၢ်အိၣ်ဘၣ်လၢသုလီၢ်သတး ဒီးတၢ်လၢသုစံးခဲလၢာ်န့ၣ်ယကစံးယဲစ့ၢ်ကီးလီၤ. ယဂံၤဂုၤ ယခိၣ်လၢတၢ်ကူၣ်သ့ဒီးမၤလီၤအုးသုလၢယတၢ်ကတိၤတဖၣ် သ့ဝဲလီၤ.

စံးထီၣ်ပတြၢၤ 109:25

ယကဲထီၣ်တၢ်ဒုၣ်ဒွဲၣ်အလီၢ်လၢပှၤထီဒါယၤတဖၣ်အဂီၢ်ဒီး တုၤအဝဲသ့ၣ်ထံၣ်ယၤန့ၣ်, အဝဲသ့ၣ်ကျၢၢ်ကျာ်အခိၣ်တဖၣ်လီၤ.

စံးထီၣ်ပတြၢၤ 31:18

ပှၤလီတၢ်ဖိသ့ၣ်တဖၣ်လၢအပာ်ထီၣ်ထီအသး ဒီးအပာ်အသးကဖၢလၢ, လၢအကတိၤတရီတပါပှၤတီပှၤလိၤတဖၣ်န့ၣ်, မ်အနိးဖံးအိၣ်ဘှီၣ်ကလာ်တက့ၢ်.

စံးထီၣ်ပတြၢၤ 44:14

နဒုးကဲထီၣ်ပှၤလၢတၢ်လီၤသးဘၣ်အၢ လၢပှၤကလုာ်တဖၣ်အကျါ, အဝဲသ့ၣ်ကျၢၢ်ကျာ်အခိၣ်လၢ တၢ်တပာ်ကဲဘၣ်ပှၤအပူၤန့ၣ်လီၤ.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်ယၡါယၤ 57:4

သုနံၤဘၣ်ဖၣ်လဲမတၤတဖၣ်န့ၣ်လဲၣ်. သုဝဲပှၤလီတၢ်ဝ့ၤတၢ်တ ဖၣ်ကတိၤဒုၣ်ဒွဲၣ်မတၤတဖၣ်န့ၣ်လဲၣ်.

လံာ်မးသဲ 27:29

တုၤနုၤတစုအဝဲသ့ၣ်မၤန့ၢ်အီၤလၢတၤဆှုၣ်အခိၣ်သလုးတဖျၢၣ်, ဒီးဒုးကၢၢ်ထီၣ်အီၤဝံၤ, ဟ့ၣ်ဒုးစိာ်အီၤတပိၢ်တဘိလၢအစုထွဲတခီန့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢ ယ့ၣ်ၡူးအမဲာ်ညါ, ဒီးဒုၣ်ဒွဲၣ်နံၤဘၣ်ဖၣ်လဲအီၤဒီးစံး, “ပဟ့ၣ်နၤတၢ်ယူးယီၣ် လီၤယူဒၤအစီၤပၤဧၢ.”

လံာ်မးသဲ 9:24

အဝဲစံးဘၣ်ပှၤတဖၣ်န့ၣ်, “ဟးထီၣ်ကိးဂၤဒဲးတက့ၢ်. ပိာ်မုၣ်ဖိအံၤတသံဘၣ်. မ့ၢ်ဒၣ်အမံဘၣ်အသးလီၤ.” အန့ၣ်ဒီးအဝဲသ့ၣ်နံၤဘၣ်ဖၣ်လဲအီၤလီၤ.

လံာ်မၢ်ကူး 15:20

တုၤအဝဲသ့ၣ်မၤတရီတပါဒီးနံၤဘၣ်ဖၣ်လဲအီၤဝံၤန့ၣ်, ဘ့ၣ်လီၤကွံာ်ဝဲအဆ့ကၤလုးတကုာ်တဘ့ၣ်ဒီးဒုးသိးထီၣ်က့ၤအီၤ လၢအဆ့ကၤဒၣ်ဝဲလီၤ. အန့ၣ်ဝံၤအလီၢ်ခံ, အဝဲသ့ၣ်မိၤထီၣ်ကွံာ်အီၤလၢကပျၤထီအီၤလၢထူၣ်စုညါလိၤ အဂီၢ်လီၤ.

လံာ်မၢ်ကူး 15:29

ပှၤလၢအလဲၤဘၣ်ဖဲန့ၣ် တဖၣ်ကတိၤဒုၣ်ဒွဲၣ်စံးအၢအီၤ, ဒီးဂံၤဂုၤအခိၣ်ဒီးစံးဝဲ, “အီၢ်, နစံးလၢနကမၤဟးဂီၤကွံာ်တၢ်လုၢ်ဟံၣ် ဒီးဘှီထီၣ်က့ၤကဒီးအီၤလၢသၢသီအတီၢ်ပူၤတမ့ၢ်ဘၣ်ဧါ.

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.