စံးထီၣ်ပတြၢၤ 22:31 - Sgaw Karen Common Bible

³¹ ပှၤလၢအတအိၣ်ဖျဲၣ်ထီၣ်ဒံးဘၣ်သ့ၣ်တဖၣ် ကဘၣ်တၢ်စံးဘၣ်တဲဘၣ်အီၤလၢ, “ယွၤမၤပူၤဖျဲးအပှၤဂီၢ်မုၢ်န့ၣ်လီၤ.”

စံးထီၣ်ပတြၢၤ 22:31 Iomraidhean Croise

စံးထီၣ်ပတြၢၤ 102:18

တၢ်လၢယွၤမၤတ့ၢ်ဝဲအံၤ, ကွဲးလီၤအီၤလၢ ပှၤလၢခံတစိၤဂီၢ်, ဒ်သိးပှၤလၢအတအိၣ်ဖျဲၣ်ထီၣ်ဒံးသ့ၣ်တဖၣ် ကစံးထီၣ်ပတြၢၤယွၤန့ၣ်တက့ၢ်.

စံးထီၣ်ပတြၢၤ 40:9

ယွၤဧၢ, လၢနပှၤဂီၢ်မုၢ်အတၢ်အိၣ်ဖှိၣ်ရိဖှိၣ်ဖးဒိၣ်အ ပူၤ, ယတဲဖျါတ့ၢ်ယဲတၢ်ကစီၣ်အမုာ်လၢ နမၤပူၤဖျဲးပှၤလီၤ. နသ့ၣ်ညါနဲလၢယတဆိကတီၢ် တဲတၢ်အံၤနီတဘျီဘၣ်.

စံးထီၣ်ပတြၢၤ 78:6

ဒ်သိးပှၤလၢခံတစိၤကမၤလိတၢ်သ့ၣ်တဖၣ်န့ၣ်, ဒီးမၤကဒီးတဆီအဝဲသ့ၣ်ကတဲက့ၤ အဖိအလံၤတဖၣ်န့ၣ်လီၤ.

စံးထီၣ်ပတြၢၤ 86:9

ယွၤဧၢ, ကယဲၢ်ပှၤကလုာ်တဖၣ်လၢနတ့လီၤအီၤ ခဲလၢာ်ကဟဲဒီးတီၤလီၤလၢနမဲာ်ညါ ဒီးကမၤလၤကပီၤနမံၤလီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.