စံးထီၣ်ပတြၢၤ 22:11 - Sgaw Karen Common Bible

¹¹ အိၣ်ယံၤဒီးယၤတဂ့ၤ, တၢ်ကိၢ်တၢ်ဂီၤအိၣ်ဘူးဒီးယၤလီၤ, ဒီးပှၤလၢကမၤစၢၤယၤတအိၣ်နီတဂၤဘၣ်.

စံးထီၣ်ပတြၢၤ 22:11 Iomraidhean Croise

လံာ်စီၤပၤခံဘ့ၣ်တဘ့ၣ် 14:26

ယွၤထံၣ်ဘၣ်တၢ်နးတၢ်ဖှီၣ်လီၤပျံၤလီၤဖုးလၢပှၤအံၣ်စရ့လး ဖိတူၢ်ဘၣ်ဝဲန့ၣ်လီၤ. ပှၤလၢကမၤစၢၤအဝဲသ့ၣ်တအိၣ်နီတဂၤဘၣ်.

စံးထီၣ်ပတြၢၤ 10:1

ယွၤဧၢ, နအိၣ်လၢအယံၤမ့ၢ်အဘၣ်မနုၤလဲၣ်. ဘၣ်မနုၤလၢနပာ်တဒၢနသးဖဲလၢပအိၣ်လၢတၢ်ကိၢ်တၢ်ဂီၤအကတီၢ် န့ၣ်လဲၣ်.

စံးထီၣ်ပတြၢၤ 35:22

နထံၣ်ဘၣ်တ့ၢ်လံယွၤဧၢ, အိၣ်ဘှီၣ်ကလာ်တဂ့ၤ. ယွၤဧၢ, အိၣ်ယံၤဒီးယၤတဂ့ၤ.

စံးထီၣ်ပတြၢၤ 38:21

ယွၤဧၢ, ညိကွံာ်ယၤတဂ့ၤ. အိၣ်ယံၤဒီးယၤတဂ့ၤယကစၢ်ယွၤဧၢ.

စံးထီၣ်ပတြၢၤ 69:18

သုးဘူးနသးဆူယအိၣ်တက့ၢ်. ပှ့ၤက့ၤယၤတက့ၢ်. မၤပူၤဖျဲးယၤလၢယဒုၣ်ယဒါအစုပူၤန့ၣ်တက့ၢ်.

စံးထီၣ်ပတြၢၤ 71:12

ကစၢ်ယွၤဧၢ, အိၣ်ယံၤဒီးယၤတဂ့ၤ. ယကစၢ်ယွၤဧၢ, မၤချ့ချ့လၢတၢ်မၤစၢၤယၤအဂီၢ်န့ၣ်တက့ၢ်.

စံးထီၣ်ပတြၢၤ 71:6

ယသန့ၤတ့ၢ်ယသးလၢနၤစးထီၣ်လၢယအိၣ်ဖျဲၣ်, နမ့ၢ်ပှၤလၢအထုးထီၣ်ယၤလၢ ယမိၢ်အဟၢဖၢအပူၤန့ၣ်လီၤ. ယကစံးထီၣ်ပတြၢၤနၤတထံၣ်ဃီလီၤ.

စံးထီၣ်ပတြၢၤ 72:12

အဂ့ၢ်ဒ်အံၤအဝဲမၤပူၤဖျဲးဝဲပှၤဖှီၣ်ဖိယာ်ဖိ, ပှၤဘၣ်နးဘၣ်ဖှီၣ်ဒီးပှၤလၢ တၢ်မၤစၢၤအီၤတအိၣ်ဘၣ် ဖဲအဝဲသ့ၣ်ကိးထီၣ်ဝဲန့ၣ်လီၤ.

လံာ်ယၡါယၤ 63:5

ဖဲယကွၢ်တၢ်ဒီးထံၣ်လၢပှၤကမၤစၢၤယၤတအိၣ်နီတဂၤဘၣ်န့ၣ်, ယကမၢကမၣ်တ့ၢ်ယဲလီၤ. ဘၣ်ဆၣ်ဒီးယတၢ်သးထီၣ်မၤဆူၣ် ထီၣ်ယၤ, ဒီးယကစၢ်ဒၣ်ယဲယမၤနၢၤကွံာ်တၢ်န့ၣ်လီၤ.

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မးသဲ 26:72

မၤကဒီးတဘျီစီၤပ့းတရူးသမၢတၢ်ဒီးစံး, “ယဆိၣ်လီၤယသးလၢ ယတသ့ၣ်ညါပှၤအဝဲန့ၣ်ဘၣ်.”

လံာ်မးသဲ 26:74

တုၤနုၤတစုစီၤပ့းတရူးစံးဝဲ, “ယဆိၣ်လီၤယသးလၢယကတိၤ တၢ်မ့ၢ်တၢ်တီလီၤ. ယမ့ၢ်တဲတၢ်လၢအတမ့ၢ်တတီဘၣ်ဒီး, မ်ကစၢ်ယွၤကစံၣ်ညီၣ်ဒၣ်ဝဲယၤတက့ၢ်. ယတသ့ၣ်ညါ ပှၤအဝဲန့ၣ်ဘၣ်.” တကီၢ်ခါဖဲန့ၣ်ဆီဖါကီၢ်အိၣ်အိထီၣ်ဝဲလီၤ.

လံာ်ယိၤဟၣ် 16:32

တၢ်ဆၢကတီၢ်ဟဲဝဲဒီးဟဲတုၤလံ, ဖဲသုဝဲခဲလၢာ်သုကလီၤပြံလီၤပြါတဂၤဆူအဟံၣ်ဒၣ်ဝဲ, ဒီးယကဘၣ်တၢ်ပာ်တီၢ်ယၤထဲတဂၤဧိၤန့ၣ်လီၤ. ဘၣ်ဆၣ်ဒီးနီၢ်နီၢ်န့ၣ်ယတအိၣ်ထဲတဂၤဧိၤဘၣ်. အဂ့ၢ်မ့ၢ်လၢပၢ်အိၣ်ဒီးယၤအဃိလီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.