စံးထီၣ်ပတြၢၤ 21:7 - Sgaw Karen Common Bible

⁷ အဂ့ၢ်ဒ်အံၤ, စီၤပၤသန့ၤအသးလၢယွၤ, သ့တၢ်လၢာ်ကစၢ် ဒီးတဟူးတဝးဘၣ်လၢ တၢ်ထီကတၢၢ်ယွၤ အတၢ်အဲၣ်ဂၢၢ်ကျၢၤအဃိန့ၣ်လီၤ.

စံးထီၣ်ပတြၢၤ 21:7 Iomraidhean Croise

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 16:8

ယသ့ၣ်ညါထီဘိလၢယွၤအိၣ်ဒီးယၤန့ၣ်လီၤ. အဝဲဒၣ်အိၣ်ဘူးဒီးယၤအဃိ, တၢ်လၢကမၤဟူးဝးယၤတအိၣ်နီတမံၤဘၣ်.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 26:1

ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်. အဂ့ၢ်ဒ်အံၤ, ယမၤတၢ်လၢအမ့ၢ်အတီ ဒီးယနာ်နၤလၢလၢပှဲၤပှဲၤလီၤ.

စံးထီၣ်ပတြၢၤ 45:3

စီၤပၤလၢအစိကမီၤဒိၣ်ဧၢ, သိးထီၣ်နနး, နမ့ၢ်ပှၤလၢအအိၣ်ဒီးနတၢ်လၤတၢ်ကပီၤ ဒီးနတၢ်ကဟုကညီၢ်န့ၣ်လီၤ.

စံးထီၣ်ပတြၢၤ 61:4

ပျဲယကအိၣ်ဘၣ်လၢနဒဲစီဆှံအပူၤလီၤထူလီၤယိာ်, ဟ့ၣ်ယၤတၢ်ပူၤဖျဲးလၢနဒံးဆ့အဖီလာ်န့ၣ်တက့ၢ်. စ့လၤ

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

စံးထီၣ်ပတြၢၤ 9:2

ယကသူၣ်ခုသးခုဒီးသူၣ်ဖှံသးညီလၢနပူၤ, ယကသးဝံၣ်စံးထီၣ်ပတြၢၤနမံၤ, တၢ်ထီကတၢၢ်ကစၢ်ယွၤဧၢ.

စံးထီၣ်ပတြၢၤ 91:2

ကစံးဘၣ်ယွၤ, “နမ့ၢ်ယတၢ်အိၣ်တဒၢအလီၢ်ဒီးယတိာ်, ယကစၢ်ယွၤလၢယသန့ၤယသးလၢအီၤန့ၣ်လီၤ.”

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

ဧ့ၤဘြံၤ 2:13

စံးစ့ၢ်ကီးဝဲ, “ယကနာ်ကစၢ်ယွၤလီၤ” စံးကဒီးဝဲ, “ယအိၣ်ယဲဒီးဖိတဖၣ်လၢကစၢ်ယွၤဟ့ၣ်လီၤယၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.