စံးထီၣ်ပတြၢၤ 21:6 - Sgaw Karen Common Bible

⁶ နတၢ်ဆိၣ်ဂ့ၤတဖၣ်အိၣ်ဒီးအီၤထီဘိ ဒီးနတၢ်အိၣ်ဒီးအီၤအံၤမၤပှဲၤအီၤလၢတၢ်သးခုလီၤ.

စံးထီၣ်ပတြၢၤ 21:6 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:9

ယအိၣ်တ့ၢ်ဒီးနၤဖဲနလဲၤတၢ်တပူၤလၢ်လၢ်ဒီးယမၤနၢၤတ့ၢ်ကယဲၢ် နဒုၣ်နဒါခဲလၢာ်ဖဲနလဲၤထီၣ်ဒုးတၢ်န့ၣ်လီၤ. ယကဒုးမံၤဟူသၣ်ဖျါနၤထဲသိးခိၣ်နၢ်အဒိၣ်ကတၢၢ်တဖၣ် လၢဟီၣ်ခိၣ်ချၢန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:27

ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုထွဲဘၣ်လၢနတၢ်ကွၢ်မဲာ်အပူၤန့ၣ်လီၤ. နၤ, ယွၤဧၢ, နဆိၣ်ဂ့ၤတ့ၢ်အဝဲသ့ၣ်ဒီးနတၢ်ဆိၣ်ဂ့ၤကအိၣ်ဒီး အဝဲသ့ၣ်လီၤစိၤလီၤထီန့ၣ်လီၤ.”

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 43:4

အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်, ဆူယွၤလၢအမ့ၢ်ယတၢ်သးခုအဂံၢ်ထံး အအိၣ်န့ၣ်လီၤ. ကစၢ်ယွၤ, ယကစၢ်ယွၤဧၢ, ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 45:7

နအဲၣ်တၢ်လၢအမ့ၢ်ဝဲတီဝဲ ဒီးသးဟ့တၢ်အၢတၢ်သီန့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤ, ဃုထၢတ့ၢ်နၤ ဒီးလူလီၤတၢ်သးဖှံလၢနလိၤ အါန့ၢ်စီၤပၤအဂၤတက့ၢ်န့ၣ်လီၤ.

မၤတၢ် 2:28

နဒုးနဲၣ်တ့ၢ်လံယၤကျဲတဖၣ်လၢအဆှၢပှၤဆူတၢ်မူ, ဒီးနတၢ်အိၣ်ဆိးဒီးယၤကမၤပှဲၤယသးဒီး တၢ်သူၣ်ဖှံသးညီလီၤ.’

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ကလၤတံ 3:9

စီၤအၤဘြၤဟၣ်နာ်တၢ် ဒီး တၢ်ဆိၣ်ဂ့ၤဘၣ်အီၤလီၤ. ဒ်န့ၣ်အသိးပှၤလၢအနာ်တၢ်ခဲလၢာ်ဘၣ်ဆိၣ်ဂ့ၤဝဲဒ် စီၤအၤဘြၤဟၣ်အသိးန့ၣ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.