စံးထီၣ်ပတြၢၤ 20:9 - Sgaw Karen Common Bible

⁹ ယွၤဧၢဟ့ၣ်တၢ်မၤနၢၤလၢစီၤပၤန့ၣ်တက့ၢ်. တုၤပကိးထီၣ်နၤဒီးစံးဆၢပှၤတက့ၢ်.

စံးထီၣ်ပတြၢၤ 20:9 Iomraidhean Croise

စံးထီၣ်ပတြၢၤ 17:6

ယကိးထီၣ်နၤ, ကစၢ်ယွၤဧၢ, အဂ့ၢ်မ့ၢ်လၢနစံးဆၢယၤအဃိလီၤ. ဒိးနနၢ်လၢယၤဒီးဒိကနၣ် ယတၢ်ကတိၤတဖၣ်တက့ၢ်.

စံးထီၣ်ပတြၢၤ 24:7

တြဲၤသ့ၣ်ဧၢ, အိးထီၣ်သုသးလဲၢ်လဲၢ် ပဲတြီလၢပျၢၤသ့ၣ်ဧၢ, အိးထီၣ်သုသး ဒ်သိးစီၤပၤလၢအအိၣ်ဒီးအလၤကပီၤ ကဟဲနုာ်ဘၣ်အဂီၢ်န့ၣ်တက့ၢ်.

စံးထီၣ်ပတြၢၤ 3:7

ယွၤဧၢ, ဂဲၤဆၢထၢၣ်တက့ၢ်. ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. နကျီကွံာ်လံယဒုၣ်ယဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ်တဖၣ်အမဲလံ.

စံးထီၣ်ပတြၢၤ 44:4

နမ့ၢ်ယစီၤပၤဒီးယကစၢ်ယွၤ, နဟ့ၣ်တၢ်မၤနၢၤလၢ နအပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 74:12

ကစၢ်ယွၤမ့ၢ်ယစီၤပၤလၢပျၢၤ, လၢအမၤတၢ်အုၣ်က့ၤခီၣ်က့ၤလၢ ထံဧိၤကီၢ်ဧိၤအပူၤလီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်မးသဲ 21:15

ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, အသးဒိၣ်ထီၣ်ဝဲဖဲအထံၣ်တၢ်လီၤလးတဖၣ်လၢအဝဲဒၣ်မၤဝဲ, ဒီးနၢ်ဟူဖိဒံဖိသၣ်တဖၣ်ကိးပသူထီၣ်လၢတၢ်လုၢ်ဟံၣ်အပူၤဒီး စံး, “တၢ်စံးထီၣ်ပတြၢၤမ်အဘၣ်စီၤဒၤဝံးအဖိခွါတက့ၢ်” အခါန့ၣ်လီၤ.

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).