စံးထီၣ်ပတြၢၤ 20:7 - Sgaw Karen Common Bible

⁷ ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

စံးထီၣ်ပတြၢၤ 20:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:18

တၢ်ဒုးတၢ်ယၤစးထီၣ်ဝဲဒီးပှၤအံၣ်စရ့လးဖိတဖၣ်နီၣ်ကဒါက့ၤ ပှၤစူၤရံဖိအသုးမုၢ်ဆူအလီၢ်ခံန့ၣ်လီၤ. စီၤဒၤဝံးဒီးအပှၤတဖၣ်မၤသံကွံာ်ပှၤစူၤရံဖိအပှၤနီၣ်လ့ၣ်ကဟၣ်ဒုးသုးအဂၤနွံကယၤဒီး ကသ့ၣ်သုးဖိအဂၤလွံၢ်ကလး, ဒီးအဝဲသ့ၣ်မၤဘၣ်ဒိဘၣ်ထံးဒုၣ်ဒါအသုးခိၣ်ကျၢၢ်စီၤၡိဘး လၢအသံဝဲဖဲတၢ်ဒုးပျီအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:4

စီၤဒၤဝံးဖီၣ်န့ၢ်အဝဲအပှၤကသ့ၣ်သုးဖိအဂၤတကထိနွံကယၤဒီး အဝဲပှၤခီၣ်သုးဖိအဂၤခံကလးန့ၣ်လီၤ. အဝဲပာ်ဃးဒံးကသ့ၣ်တဖၣ်လၢလၢလီၣ်လီၣ်လၢလ့ၣ်ကဟၣ်ဒုးသုးအဆိ တကယၤအဂီၢ်ဝံၤဒီး, အဂၤတဖၣ်န့ၣ်မၤဟးဂီၤကွံာ်ဝဲအခီၣ်ခဲလၢာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:16

ပှၤအံၣ်စရ့လးဖိတဖၣ်ထွးထီၣ်ဃ့ၢ်ကွံာ်လၢပှၤယူဒၤဖိတဖၣ် အအိၣ်ဒီးကစၢ်ယွၤပျဲပှၤယူဒၤဖိတဖၣ်မၤနၢၤအဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:11

စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 32:8

အဝဲအိၣ်ဒီးပှၤဟီၣ်ခိၣ်ဖိအတၢ်စိတၢ်ကမီၤ, မ့မ့ၢ်ပဝဲပအိၣ်ဒီးယွၤ, ပကစၢ်ယွၤလၢကမၤစၢၤပှၤဒီးဒုးန့ၢ်ပတၢ်ဒုးတဖၣ်န့ၣ်လီၤ.” ပှၤဂီၢ်မုၢ်ဘၣ်တၢ်ဟ့ၣ်ဂံၢ်ဟ့ၣ်ဘါအီၤလၢအဝဲသ့ၣ်အစီၤပၤအတၢ် ကတိၤတဖၣ်အံၤန့ၣ်လီၤ.

လံာ်စီၤယိၤဘး 39:11

နနာ်န့ၢ်အတၢ်ဂံၢ်ဆူၣ်ဘါဆူၣ်ဒီးမုၢ်လၢ်အီၤလၢကမၤန့ၢ်နၤ တၢ်မၤအဃၢအစုာ်ဘၣ်ကသ့ဧါ.

စံးထီၣ်ပတြၢၤ 28:8

ယွၤမ့ၢ်အပှၤဂီၢ်မုၢ်အဂံၢ်အဘါ ဒီးတၢ်ပူၤဖျဲးအလီၢ်လၢအစီၤပၤ လၢအဃုထၢဝဲအဂီၢ်န့ၣ်လီၤ.

စံးထီၣ်ပတြၢၤ 45:17

ယကပၢၤဃာ်နမံၤဒ်သိးကဘၣ်တၢ်သ့ၣ်နီၣ် မၤလၤကပီၤအီၤလၢစိၤခဲလၢာ်အပူၤန့ၣ်လီၤ. မၤသးဒ်န့ၣ်ဒီးပှၤဂီၢ်မုၢ်ကစံးထီၣ်ပတြၢၤနၤ အစိၤစိၤအဃၣ်ဃၣ်လီၤ.

တၢ်ကတိၤဒိ. 21:31

နကတဲာ်ကတီၤကသ့ၣ်တဖၣ်လၢတၢ်ဒုးသုးအဂီၢ်သ့လီၤ. ဘၣ်ဆၣ်ဒီးပှၤလၢအဟ့ၣ်တၢ်မၤနၢၤန့ၣ်မ့ၢ်ဒၣ်ယွၤလီၤ.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယံးရမံယၤ 17:5

ယွၤစံးဝဲဒၣ်, “ယကစံၣ်ညီၣ်ဃၣ်ပှၤလၢ အဃၣ်ကွံာ်အသးလၢယၤ ဒီးပာ်အတၢ်နာ်လၢပှၤကညီအပူၤ, လၢပှၤကညီလၢအသံသ့အတၢ်ဂံၢ်တၢ်ဘါ အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.