စံးထီၣ်ပတြၢၤ 20:6 - Sgaw Karen Common Bible

⁶ ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ လၢအပှၤဒိးဖှူအသး, စံးဆၢအီၤလၢအမူခိၣ်စီဆှံ ဒီးဟ့ၣ်အီၤ တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.

စံးထီၣ်ပတြၢၤ 20:6 Iomraidhean Croise

လံာ်စီၤပၤအခီၣ်ထံးတဘ့ၣ် 8:30

ဒိကနၣ်လၢ်ယတၢ်ထုကဖၣ်တဖၣ်, ဒီးနပှၤဂီၢ်မုၢ်တဖၣ်အတၢ်ထု ကဖၣ်တဖၣ်ဖဲအဝဲသ့ၣ်ကွၢ်ဃီၤတၢ်လီၢ်အံၤဒီးဃ့ထုကဖၣ်အခါန့ၣ် တက့ၢ်. လၢနဟံၣ်အိၣ်ဝဲလၢမူခိၣ်အပူၤန့ၣ်, ဒိကနၣ်လၢ်ပှၤဒီးပျၢ်လၢ်ပတၢ်ကမၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

စံးထီၣ်ပတြၢၤ 17:7

ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်. တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.

စံးထီၣ်ပတြၢၤ 18:35

ယွၤဧၢ, နဟ့ၣ်ယၤလၢနတၢ်အုၣ်က့ၤခီၣ်က့ၤအကတီၤ, နစုထွဲဒုးအိၣ်ဂၢၢ်ဆိးကျၢၤယၤ, ဒီးနတၢ်မၤစၢၤဒုးမ့ၢ်ယၤလၢပှၤအဒိၣ်လီၤ.

စံးထီၣ်ပတြၢၤ 18:50

ကစၢ်ယွၤဟ့ၣ်တၢ်မၤနၢၤဖးဒိၣ်တဖၣ်လၢအစီၤပၤ, ပာ်ဖျါထီၣ်အတၢ်အဲၣ်ဂၢၢ်ကျၢၤဆူ အပှၤဒိးဖှူအသး, ဆူစီၤဒၤဝံးဒီးအစၢၤအသွဲၣ်တဖၣ် ထီဘိတဘိယူၢ်ဃီန့ၣ်လီၤ.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 28:8

ယွၤမ့ၢ်အပှၤဂီၢ်မုၢ်အဂံၢ်အဘါ ဒီးတၢ်ပူၤဖျဲးအလီၢ်လၢအစီၤပၤ လၢအဃုထၢဝဲအဂီၢ်န့ၣ်လီၤ.

စံးထီၣ်ပတြၢၤ 41:11

လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ, ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.

စံးထီၣ်ပတြၢၤ 9:15

ပှၤတဘူၣ်ထီၣ်ဘါထီၣ်ယွၤတဖၣ်လီၤတဲာ်နုာ်ဆူ တၢ်ပူၤလၢအခူၣ်ဝဲလီၤ. အခီၣ်ဘၣ်ဘျးလံလၢပှာ်ဧိၤစၤဧိၤလၢ အပာ်လီၤခူသူၣ်ဒၣ်ဝဲန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်မံကၤ 4:5

ပှၤတကလုာ်ဒီးတကလုာ်ဘူၣ်ထီၣ်ဘါထီၣ်ဒီးစူၢ်အယွၤဒၣ်ဝဲလီၤ. မ့မ့ၢ်ပဝဲဒၣ်အံၤပကဘူၣ်ထီၣ်ဘါထီၣ်ဒီးစူၢ်ယွၤ ပကစၢ်ယွၤလီၤထူလီၤယိာ်လီၤ.

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

မၤတၢ် 4:10

သုဝဲခဲလၢာ်သုကြၢးသ့ၣ်ညါ, ဒီးပှၤအံၣ်စရ့လးဖိခဲလၢာ်ကြၢး သ့ၣ်ညါဝဲလၢ, ပှၤတဂၤအံၤအိၣ်ဆၢထၢၣ်ပှဲၤဂံၢ်ပှဲၤဘါလၢသုမဲာ်ညါဖဲအံၤ န့ၣ်ခီဖျိပှၤနစၤရ့းဖိယ့ၣ်ၡူးအမံၤအစိကမီၤအဃိန့ၣ်လီၤ. ယ့ၣ်ၡူးခရံာ်မ့ၢ်ပှၤလၢသုပျၤထီအီၤလၢထူၣ်စုညါအလိၤ, ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ.

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.