စံးထီၣ်ပတြၢၤ 20:5 - Sgaw Karen Common Bible

⁵ ဒီးပကကိးပသူထီၣ်လၢတၢ်သးခုလၢနတၢ်မၤနၢၤအဃိ, ဒီးလၢပကစၢ်ယွၤအမံၤအပူၤ ဒီးပကဆဲးလီၤပနီၣ်တယၢ်တဖၣ်လီၤ. မ်ယွၤမၤလၢပှဲၤနတၢ်ဃ့သကွံၢ်ကညး ခဲလၢာ်တက့ၢ်.

စံးထီၣ်ပတြၢၤ 20:5 Iomraidhean Croise

စံးထီၣ်ပတြၢၤ 118:15

ဒိကနၣ်တၢ်သးခုအတၢ်သးဝံၣ်လၢတၢ်မၤနၢၤအဂီၢ် လၢကစၢ်ယွၤအပှၤဂီၢ်မုၢ်အဒဲတဖၣ်အပူၤတက့ၢ်, “ယွၤအစိအကမီၤဖးဒိၣ်မၤဝံၤတ့ၢ်လံတၢ်လံ.

စံးထီၣ်ပတြၢၤ 13:5

ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်, ယကသးခုယဲ, မ့ၢ်လၢ နကအုၣ်က့ၤခီၣ်က့ၤယၤအဃိလီၤ.

စံးထီၣ်ပတြၢၤ 19:4

နာ်သက့အတၢ်ကစီၣ်လဲၤသကုၤဟီၣ်ခိၣ်, ဒီးအကလုၢ်ကထါတဖၣ် လဲၤတုၤဟီၣ်ခိၣ်အကတၢၢ်လီၤ. ကစၢ်ယွၤသူၣ်ထီၣ်တၢ်အိၣ်တၢ်ဆိးအလီၢ်လၢမူခိၣ် လၢမုၢ်အဂီၢ်,

စံးထီၣ်ပတြၢၤ 21:1

ယွၤဧၢ, စီၤပၤသးခုဝဲလၢနဟ့ၣ်အီၤတၢ်ဂံၢ်တၢ်ဘါ, ဒီးသးဖှံဝဲလၢနဒုးမၤနၢၤအီၤတၢ်အဃိန့ၣ်လီၤ.

စံးထီၣ်ပတြၢၤ 21:3

နသဂၢၢ်အီၤအိၣ်ဒီးတၢ်ဆိၣ်ဂ့ၤလီၤဆီတဖၣ် ဒီးနပာ်ခိၣ်သလုးထူလၢအခိၣ်လိၤလီၤ.

စံးထီၣ်ပတြၢၤ 35:9

တုၤနုၤတစုယကသူၣ်ခုသးခုလၢယွၤအပူၤ ဒီးယကသူၣ်ဖှံသးညီလၢအမၤပူၤဖျဲးယၤအဃိလီၤ.

စံးထီၣ်ပတြၢၤ 60:4

နဟ့ၣ်ပလီၢ်တ့ၢ်ပှၤတဖၣ်လၢ အယူးယီၣ်နၤ, ဒ်သိးကပူၤဖျဲးလၢ တၢ်ဟးဂူာ်ဟးဂီၤအဂီၢ်န့ၣ်လီၤ. စ့လၤ

စံးထီၣ်ပတြၢၤ 9:14

ဒ်သိးယကဆၢထၢၣ်ဘၣ်ယဲလၢ ဝ့ၢ်ယရူၤၡလ့ၣ်အပှၤဂီၢ်မုၢ်အမဲာ်ညါ ဒီးစံးဘၣ်အဝဲသ့ၣ်ခဲလၢာ်လၢ ယဘၣ်စံးထီၣ်ပတြၢၤ နၤအဂ့ၢ်န့ၣ်တက့ၢ်. ယကသူၣ်ဖှံသးညီလၢနအုၣ်က့ၤခီၣ်က့ၤယၤအဃိလီၤ.

လံာ်တၢ်ဟးထီၣ်ကွံာ် 17:15

စီၤမိၤၡ့ဘှီထီၣ်တၢ်လုၢ်တၢ်ပာ်အလီၢ်တခါဒီးကိးဝဲအမံၤလၢ, “ယွၤစံးနံး” အခီပညီ, “ယွၤမ့ၢ်ယနီၣ်တယၢ်” န့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်မံကၤ 4:5

ပှၤတကလုာ်ဒီးတကလုာ်ဘူၣ်ထီၣ်ဘါထီၣ်ဒီးစူၢ်အယွၤဒၣ်ဝဲလီၤ. မ့မ့ၢ်ပဝဲဒၣ်အံၤပကဘူၣ်ထီၣ်ဘါထီၣ်ဒီးစူၢ်ယွၤ ပကစၢ်ယွၤလီၤထူလီၤယိာ်လီၤ.

လံာ်ဃဘးကူာ် 3:18

ယကအိၣ်ဒံးဒီးတၢ်သူၣ်ခုသးခုဒီးတၢ်သူၣ်ဖှံသးညီလီၤ. အဂ့ၢ်ဒ်အံၤယွၤ, ကစၢ်ယွၤမ့ၢ်ယပှၤအုၣ်က့ၤခီၣ်က့ၤယၤလီၤ.

လံာ်လူၤကၣ် 1:47

ယသူၣ်ခုသးခုယဲလၢကစၢ်ယွၤ, ယတၢ်အုၣ်က့ၤခီၣ်က့ၤကစၢ်တဂၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:17

စီၤဧ့လံၤစံးဝဲ, “လဲၤမုာ်မုာ်တက့ၢ်. ဒီးမ်အံၣ်စရ့လး အကစၢ်ယွၤဟ့ၣ်နၤတၢ်လၢနဃ့တ့ၢ်အီၤန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 17:45

စီၤဒၤဝံးစံးဆၢဝဲဒၣ်, “နဟဲထီဒါယၤလၢနး, ဘီဒီးဘီဖိတဖၣ်လီၤ. မ့မ့ၢ်ယဟဲထီဒါနၤလၢပှၤအံၣ်စရ့လး ဖိအသုးမုၢ်အကစၢ်ယွၤ, ယွၤသ့တၢ်လၢာ်, လၢနမၤတရီတပါအီၤတဂၤန့ၣ်အမံၤလီၤ.