စံးထီၣ်ပတြၢၤ 20:4 - Sgaw Karen Common Bible

⁴ မ်အဟ့ၣ်နၤလၢနသးအတၢ်ဆၢန့ၢ်, ဒီးမၤလၢပှဲၤနတၢ်ကူၣ်ထီၣ်ဖးလီၤခဲလၢာ်တက့ၢ်.

စံးထီၣ်ပတြၢၤ 20:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:23

စီၤအၤရနၤဟ့ၣ်လီၤတၢ်တဖၣ်န့ၣ်ခဲလၢာ် ဆူစီၤပၤအအိၣ်ဒီးစံးဘၣ်အီၤ, “မ်ယွၤ, နကစၢ်ယွၤ, တူၢ်လိာ်နတၢ်လုၢ်မၤဘူၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 9:12

စီၤပၤၡလိၤမိၤဟ့ၣ်လီၤကီၢ်ၡဘၤအနီၢ်ပၤမုၣ်လၢကယဲၢ်တၢ်တမံၤ လၢ်လၢ်လၢအဃ့ဝဲန့ၣ်လီၤ. တၢ်အံၤမ့ၢ်တၢ်ဟ့ၣ်တဖၣ်လၢအဝဲဟ့ၣ်အါထီၣ်ဝဲဒ်တၢ်လဲလိာ်တၢ်ဟ့ၣ် ကနၢၤလၢတၢ်ဟ့ၣ်တဖၣ်လၢကီၢ်ၡဘၤအနီၢ်ပၤမုၣ်ဟဲစိာ်န့ၢ်အီၤအဂီၢ်န့ၣ်လီၤ. အန့ၣ်ဝံၤဒီး, အဝဲဒီးအခ့အပှၤတဖၣ်က့ၤကဒါက့ၤဝဲဆူကီၢ်ၡဘၤန့ၣ်လီၤ.

စံးထီၣ်ပတြၢၤ 145:19

အဝဲမၤလၢပှဲၤပှၤလၢအမၤလၤကပီၤအီၤတဖၣ် အတၢ်လိၣ်, အဝဲနၢ်ဟူအဝဲသ့ၣ်အတၢ်ကိးထီၣ်ဒီး အုၣ်က့ၤခီၣ်က့ၤအဝဲသ့ၣ်လီၤ.

စံးထီၣ်ပတြၢၤ 21:2

နဟ့ၣ်တ့ၢ်အီၤတၢ်လၢအသးဆၢန့ၢ်ဘၣ်ဝဲ, ဒီးတၢ်လၢအထးခိၣ်ဃ့ဝဲန့ၣ် နတတြီဘၣ်အီၤဘၣ်. စ့လၤ

စံးထီၣ်ပတြၢၤ 37:4

ဃုနတၢ်သးခုလၢယွၤအပူၤတက့ၢ်. ဒီးအဝဲကဟ့ၣ်နၤတၢ်လၢ နသးဆၢန့ၢ်ဘၣ်အီၤန့ၣ်လီၤ.

တၢ်ကတိၤဒိ. 11:23

တၢ်လၢပှၤတီပှၤလိၤတဖၣ်ဆၢန့ၢ်ဝဲန့ၣ်, အိၣ်ဒီးအတၢ်ကဲ ထီၣ်လိၣ်ထီၣ်အဂ့ၤတဘိယူၢ်ဃီလီၤ. ဖဲပှၤတတီတလိၤမၤန့ၢ်တၢ်လၢ အသးလီဝဲန့ၣ်, ပှၤကိးဂၤဒဲးသးဒိၣ်ထီၣ်ဝဲလီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်ယိၤဟၣ် 11:42

ယသ့ၣ်ညါလၢနဒိကနၣ်ယၤထီဘိတထံၣ်ဃီလီၤ. ဘၣ်ဆၣ်ယစံးတၢ်အံၤမ့ၢ်ဒၣ်ဒ်သိးဒီးပှၤဂီၢ်မုၢ်ဖဲအံၤတဖၣ် ကနာ်ဝဲလၢနမၢလီၤယၤအဂီၢ်န့ၣ်လီၤ.”

လံာ်ယိၤဟၣ် 16:23

တုၤမုၢ်နံၤအဝဲန့ၣ်ဟဲတုၤဒီး, သုတသံကွၢ်ယၤလၢတၢ်နီတမံၤ လၢၤဘၣ်. ယစံးဘၣ်တဲဘၣ်သုတၢ်မ့ၢ်တၢ်တီ, ပၢ်ကဟ့ၣ်လီၤသုတၢ်တမံၤဂ့ၤတမံၤဂ့ၤလၢသုဃ့အီၤလၢ ယမံၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:23

ဘၣ်ဆၣ်ဒီးအမါစံးဆၢအီၤ, “ယွၤမ့ၢ်အဲၣ်ဒိးမၤသံတ့ၢ်ပှၤ ဒီးအဝဲတတူၢ်လိာ်တ့ၢ်ဝဲပတၢ်လုၢ်မၤဘူၣ်ဘၣ်. အဝဲတဒုးနဲၣ်တ့ၢ်ပှၤတၢ်ခဲလၢာ်အံၤမ့ၢ်ဂ့ၤ, စံးဘၣ်ပှၤတၢ်ဂ့ၢ်ဒ်အံၤတဖၣ်လၢအကတီၢ်အံၤန့ၣ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.