စံးထီၣ်ပတြၢၤ 2:9 - Sgaw Karen Common Bible

⁹ နကတီၢ်ကၢ်အဝဲသ့ၣ်လၢနီၣ်တီၢ်ထး, နကမၤသ့ၣ်ဖးအဝဲသ့ၣ်ဒ် သပၢၤဟီၣ်ခိၣ်အက့အခီအသိးန့ၣ်လီၤ.”

စံးထီၣ်ပတြၢၤ 2:9 Iomraidhean Croise

စံးထီၣ်ပတြၢၤ 89:23

ယကမၤဟးဂီၤအဒုၣ်အဒါလၢအမဲာ်ညါ ဒီးယကမၤလီၤဃံၤပှၤလၢအသးဟ့အီၤလီၤ.

လံာ်ယၡါယၤ 30:14

သုကလီၤကလဲဝဲဒ်သပၢၤဟီၣ်ခိၣ်အသိး, ကၢ်လီၤကလဲဝဲတုၤ ဒၣ်လဲာ်သပၢၤက့အဒိၣ်လၢပကထၢထီၣ်သွဲၣ်လးကိၢ်မ့ၢ်ဂ့ၤ, ပကဒၢၣ်ထီၣ်ထံလၢထံဒၢဖးဒိၣ် အပူၤမ့ၢ်ဂ့ၤအဂီၢ်တအိၣ်လၢၤဘၣ်န့ၣ်လီၤ.”

လံာ်ယၡါယၤ 60:12

ဘၣ်ဆၣ်ဒီးပှၤကလုာ်တဖၣ်လၢအတမၤနခ့နပှၤအတၢ်မၤန့ၣ် ကဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 13:14

အန့ၣ်ဝံၤဒီးဒ်ကိတဖၣ်စုးဘၣ်ဒိဘၣ်လိာ်အ သးတဖျၢၣ်ဒီးတဖျၢၣ်အသိး, ယကမၤသဘှံးပှၤသးပှၢ်ဒီး ပှၤသးစၢ်တမံၤဃီစ့ၢ်ကီးန့ၣ်လီၤ. ဒ်သိးယသုတမၤသံအဝဲသ့ၣ် တဂ့ၤဒီးတၢ်လိးကီမ့ၢ်ဂ့ၤ, တၢ်သးအိၣ်မ့ၢ်ဂ့ၤ, တၢ်သးကညီၤမ့ၢ်ဂ့ၤဆိကတီၢ်ယၤတန့ၢ်ဘၣ်.”

လံာ်ယံးရမံယၤ 19:11

ဒီးယွၤမၢယတဲဘၣ်အဝဲသ့ၣ်လၢယွၤသ့တၢ်လၢာ်စံးတ့ၢ်ဝဲဒၣ်, “ယကမၤတၢ်မၤဟးဂီၤပှၤဂီၢ်မုၢ်အံၤဒီးဝ့ၢ်အံၤ, ဒီးတၢ်န့ၣ် ကလီၤဂာ်ဒီးသပၢၤဟီၣ်ခိၣ်လၢအသ့ၣ်ဖးအံၤလၢတၢ်မၤက့ၤ ကဒီးအီၤဒ်အလီၢ်လီၢ်အသိးတသ့ဝဲဘၣ်န့ၣ်လီၤ. လၢတိဖ့းအပူၤ ဒၣ်လဲာ်ပှၤဂီၢ်မုၢ်ကခူၣ်လီၤအပှၤသံတဖၣ်, မ့ၢ်လၢတၢ်လီၢ်အဂၤ လၢကခူၣ်လီၤအဝဲသ့ၣ်တအိၣ်ဘၣ်အဃိန့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 2:45

ဒ်နထံၣ်တ့ၢ်လၢၢ်တဖျၢၣ်လၢပှၤတထိးဘၣ်အီၤလၢအစုနီတဂၤ န့ၣ်လီၤတပှၢ်လၢလ့ကဘျၣ်ဖးထီအလိၤဒီးဟဲလီၤတီၢ်ဘၣ်တၢ်ဂီၤ န့ၣ်ဒီးမၤသဘှံးကွံာ်ထး, တိၢ်ဘီ, ကပံာ်, စ့ဒီးထူအသိးန့ၣ်, ကစၢ်ယွၤဖးဒိၣ်တဂၤလီၣ်ဖျါထီၣ်န့ၢ်နဲဒၣ်စီၤပၤလၢတၢ် ကမၤအသးဆူညါတဖၣ်အဂ့ၢ်န့ၣ်လီၤ. ယစံးဘၣ်တ့ၢ်နၤလီၤတံၢ်လီၤဆဲးတၢ်လၢနမံမီၢ်တ့ၢ်ဒီးဖးန့ၢ် တ့ၢ်နၤအခီပညီအမ့ၢ်အတီလီၤ.”

လံာ်မံကၤ 5:8

ဒီးကီၢ်အံၣ်စရ့လးအပှၤဂီၢ်မုၢ်လၢအအိၣ်လီၤတဲာ်ဒံးလၢ ပှၤကလုာ်တဖၣ်အကျါန့ၣ်ကလီၤဂာ်ဒီးခ့ယုၢ်တဒုလၢအဃုကွၢ်တၢ် အိၣ်လၢပှၢ်လၢ်ကျါမ့တမ့ၢ်လၢတၢ်အီၣ်ဆၣ်အလီၢ်န့ၣ်လီၤ. ဟဲနုာ်ဆူသိတဖၣ်အကျါ, စံၣ်ပှီၤအဝဲသ့ၣ်ဒီးအ့ၣ်ဖှီလီၤကလဲ ကွံာ်အီၤဒီးတၢ်မုၢ်လၢ်လၢကပူၤဖျဲးတအိၣ်ဘၣ်.

လံာ်မးသဲ 21:44

(ပှၤတဂၤလၢ်လၢ်လၢအလီၤဃံၤလၢလၢၢ်အံၤအဖီခိၣ်န့ၣ်, ကကၢ်ဝဲဒီး လၢၢ်အံၤမ့ၢ်လီၤတဲာ်ဒီးဘၣ်ပှၤတဂၤဂၤဒီး, ကမၤလီၤသဘှံးကွံာ်အီၤလီၤ.)

လံာ်လီၣ်ဖျါ 12:5

တုၤနုၤတစုပိာ်မုၣ်အဝဲန့ၣ်ဆံးစၢ်ထီၣ်အဖိခွါတဂၤ, လၢအကပၢထံကီၢ်ကိးဘ့ၣ်ဒဲးလၢနီၣ်တီၢ်ထးတဘိ န့ၣ်လီၤ. ဘၣ်ဆၣ်ဒီးဖိသၣ်တဂၤန့ၣ်ဘၣ်တၢ်ဖီၣ်ထုးကွံာ် အီၤဒီးတၢ်စိာ်အီၤဆူကစၢ်ယွၤဒီးအလီၢ်ပစိာ်အအိၣ်န့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.