စံးထီၣ်ပတြၢၤ 19:9 - Sgaw Karen Common Bible

⁹ တၢ်ပျံၤယွၤန့ၣ်စီဝဲဆှံဝဲ, ဒီးအိၣ်ဝဲအစိၤစိၤအဃၣ်ဃၣ်လီၤ. ယွၤအတၢ်စံၣ်ညီၣ်တဖၣ်န့ၣ်မ့ၢ်အမ့ၢ်အတီ ဒီးလိၤဝဲတီဝဲခဲလၢာ်လီၤ.

စံးထီၣ်ပတြၢၤ 19:9 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

စံးထီၣ်ပတြၢၤ 10:5

အကျဲတဖၣ်ဘီၣ်ထီၣ်ညီထီၣ်ကိးဆၢကိးကတီၢ်ဒဲးလီၤ. ကစၢ်ယွၤအတၢ်စံၣ်ညီၣ်တဖၣ်န့ၣ် နၢ်ပၢၢ်ဝဲတသ့ဘၣ်, ဒီးကတိၤဒုၣ်ဒွဲၣ်အဒုၣ်အဒါခဲလၢာ်န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 115:13

အဝဲကဆိၣ်ဂ့ၤပှၤကိးဂၤဒဲးလၢအမၤလၤကပီၤအီၤ, ပှၤအဒိၣ်ဒီးပှၤအဆံးဒ်သိးသိးန့ၣ်လီၤ.

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 119:142

နတၢ်တီတၢ်လိၤန့ၣ်ကအိၣ်ဝဲလီၤထူလီၤယိာ်, ဒီးနတၢ်သိၣ်တၢ်သီန့ၣ်မ့ၢ်တၢ်မ့ၢ်တၢ်တီလီၤ.

စံးထီၣ်ပတြၢၤ 119:39

မၤပူၤဖျဲးယၤလၢတၢ်ဒုၣ်ဒွဲၣ်လၢယပျံၤအီၤန့ၣ်တက့ၢ်. နတၢ်စံၣ်ညီၣ်တဖၣ်လီၤလးဆံးဒိၣ်လဲၣ်.

စံးထီၣ်ပတြၢၤ 119:62

ယဂဲၤဆၢထၢၣ်လၢဖးဖီမုၢ်ဒ်သိး ယကစံးထီၣ်ပတြၢၤနၤလၢနတၢ်တီတၢ်လိၤ အတၢ်စံၣ်ညီၣ်တဖၣ်အဃိလီၤ.

စံးထီၣ်ပတြၢၤ 119:7

တုၤယမၤလိနတၢ်စံၣ်ညီၣ်တီတဖၣ်အဂ့ၢ်န့ၣ်ဒီး ယကစံးထီၣ်ပတြၢၤနၤလၢ ယသူၣ်တီသးလိၤအပူၤန့ၣ်လီၤ.

စံးထီၣ်ပတြၢၤ 119:75

ယွၤဧၢ, ယသ့ၣ်ညါလၢ နတၢ်စံၣ်ညီၣ်တဖၣ်န့ၣ် မ့ၢ်အတီအလိၤ ဒီးလၢနတၢ်တီတၢ်လိၤအပူၤ နသိၣ်ဃီၣ်ယၤလီၤ.

စံးထီၣ်ပတြၢၤ 12:7

ယွၤဧၢ, ကဟုဘံၣ်ကယာ်ဘၢလၢ်ဘၣ်ပှၤတက့ၢ်. ဒီဒၣ်ပှၤလၢပှၤဒ်သိးအံၤထီဘိတက့ၢ်.

စံးထီၣ်ပတြၢၤ 147:19

အဝဲဟ့ၣ်လီၤအပှၤဂီၢ်မုၢ်လၢ အတၢ်ကစီၣ်, အတၢ်မၤလိာ်ဒီးအတၢ်သိၣ်တၢ်သီတဖၣ် ဆူအံၣ်စရ့လးန့ၣ်လီၤ.

စံးထီၣ်ပတြၢၤ 36:1

တၢ်ဒဲးဘးကတိၤတၢ်ဒီး ပှၤတတီတလိၤတဖၣ် လၢအသးကံၢ်ပူၤလီၤ. တၢ်ပျံၤကစၢ်ယွၤတအိၣ်ဘၣ်လၢအမဲာ်ညါဘၣ်.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

လံာ်တၢ်ဟးထီၣ်ကွံာ် 21:1

ဟ့ၣ်လီၤပှၤအံၣ်စရ့လးဖိတဖၣ်လၢတၢ်သိၣ်တၢ်သီတဖၣ်ဒ်လာ်အံၤအသိးတက့ၢ်.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယၡါယၤ 26:8

ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်ယၡါယၤ 45:19

ယတကတိၤတၢ်လၢတၢ်ခူသူၣ်အပူၤ ဒီးပာ်ခူသူၣ်ယတၢ်တိာ်န့ၣ်ဘၣ်. ယတမၤလိာ်ယပှၤဂီၢ်မုၢ်အံၣ်စရ့လးလၢကဃုထံၣ်န့ၢ်ယၤလၢတၢ်လီၢ် သယုၢ်အိၣ်ကလီတတီၤအပူၤန့ၣ်ဘၣ်. ယဲဒၣ်အံၤယမ့ၢ်ယွၤဒီးယကတိၤတၢ်မ့ၢ်တၢ်တီလီၤ. ယဒုးသ့ၣ်ညါတ့ၢ်တၢ်လၢအဘၣ်န့ၣ်လီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

ရိမ့ၤ 2:2

ပသ့ၣ်ညါလၢဖဲကစၢ်ယွၤစံၣ်ညီၣ်ပှၤလၢအမၤတၢ်ဒ်သိးအံၤ တဖၣ်န့ၣ်, အတၢ်စံၣ်ညီၣ်န့ၣ်တီဝဲလီၤ.

လံာ်သိၣ်လီၤသီလီၤတၢ် 4:8

ပှၤကလုာ်ဂၤကဒိၣ်ထဲလဲၣ်ထဲလဲၣ်န့ၣ်, တအိၣ်ဘၣ်ဒီးတၢ်ဘူၣ်တၢ်ဘါ အတၢ်သိၣ်တၢ်သီတဖၣ်လၢအတီဝဲဘၣ်ဝဲဒ်တၢ်သိၣ်တၢ်သီ တဖၣ်လၢယသိၣ်လိတ့ၢ်သုတနံၤအံၤန့ၣ်ဘၣ်.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 16:7

တုၤနုၤတစုယနၢ်ဟူတၢ်ကလုၢ်လၢတၢ်လုၢ်လီၢ်န့ၣ်စံးဝဲ, “သ့တၢ်လၢာ်ကစၢ်ယွၤဧၢ, နတၢ်စံၣ်ညီၣ်တဖၣ်န့ၣ်, မ့ၢ်ဝဲတီဝဲဒီးတီဝဲလိၤဝဲဘၣ်ဝဲစဲဃဲၤန့ၣ်လီၤ.”

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.