စံးထီၣ်ပတြၢၤ 19:4 - Sgaw Karen Common Bible

⁴ နာ်သက့အတၢ်ကစီၣ်လဲၤသကုၤဟီၣ်ခိၣ်, ဒီးအကလုၢ်ကထါတဖၣ် လဲၤတုၤဟီၣ်ခိၣ်အကတၢၢ်လီၤ. ကစၢ်ယွၤသူၣ်ထီၣ်တၢ်အိၣ်တၢ်ဆိးအလီၢ်လၢမူခိၣ် လၢမုၢ်အဂီၢ်,

စံးထီၣ်ပတြၢၤ 19:4 Iomraidhean Croise

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 98:3

အဝဲသ့ၣ်နီၣ်ထီၣ်တ့ၢ်အတၢ်အဲၣ်ဂၢၢ်ကျၢၤ ဒီးအတၢ်သးတီလၢ အံၣ်စရ့လးအပှၤဟံၣ်ဖိအဂီၢ်န့ၣ်လီၤ. ဟီၣ်ခိၣ်အကတၢၢ်ခဲလၢာ်ထံၣ်ဘၣ်တ့ၢ်လံ ပကစၢ်ယွၤအတၢ်အုၣ်က့ၤခီၣ်က့ၤန့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

ရိမ့ၤ 10:18

ဘၣ်ဆၣ်ဒီးယစံး, အဝဲသ့ၣ်တနၢ်ဟူဘၣ်တၢ်ကစီၣ် န့ၣ်မ့ၢ်ဝဲတီဝဲကစီဒီဧါ. အဝဲသ့ၣ်နၢ်ဟူဝဲကစီဒီလီၤ. အဂ့ၢ်ဒ်လဲၣ်န့ၣ်တၢ်ကွဲးအသးစီဆှံစံးဝဲ, “အဝဲသ့ၣ်အကလုၢ်တဖၣ်သီၣ်ထီၣ်ဝဲသကုၤဟီၣ်ခိၣ်ချၢဒီး အတၢ်ကတိၤတဖၣ်တုၤဃီၤဝဲလၢ ဟီၣ်ခိၣ်အကတၢၢ်န့ၣ်လီၤ” (စံး ၁၉:၄).