စံးထီၣ်ပတြၢၤ 18:9 - Sgaw Karen Common Bible

⁹ အဝဲမၤသကူးလီၤမူခိၣ်ဒီးဟဲလီၤဝဲ, တၢ်ခံးသူအိၣ်လၢအခီၣ်ဖီလာ်လီၤ.

စံးထီၣ်ပတြၢၤ 18:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:10

အဝဲမၤသကူးလီၤမူကပိာ်လိၤ, ဒီးဟဲလီၤဝဲအိၣ်ဒီးတၢ်အၢၣ်ခံးသူတလိၣ်လၢအခီၣ်အဖီလာ်န့ၣ်လီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 68:4

သးဝံၣ်ထီၣ်ကစၢ်ယွၤ, သးဝံၣ်စံးထီၣ်ပတြၢၤအမံၤန့ၣ်တက့ၢ်. ကတဲာ်ကတီၤကျဲတဘိလၢပှၤလၢလဲၤခီဂာ်တၢ်လၢ ပှၢ်မုၢ်ကနၢတဂၤအဂီၢ်န့ၣ်တက့ၢ်. အမံၤမ့ၢ်ယွၤလီၤ. သူၣ်ဖှံသးညီလၢအမဲာ်ညါတက့ၢ်.

စံးထီၣ်ပတြၢၤ 97:3

မ့ၣ်အူလဲၤတၢ်လၢအမဲာ်ညါ, ဒီးအီၣ်ဂီၤကွံာ် အဒုၣ်အဒါအိၣ်ဝးတရံးအီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်ယၡါယၤ 51:6

ကွၢ်ထီၣ်တၢ်ဆူမူခိၣ်မူကပိာ်လိၤ, ကွၢ်တၢ်ဆူဟီၣ်ခိၣ်တက့ၢ်. မူခိၣ်မူကပိာ်လိၤကလီၤမၢ်ကွံာ်ဝဲဒ်မ့ၣ်အူလုၣ်အသိး, ဟီၣ်ခိၣ်ကလီၢ်လံၤဖီဃးကွံာ်ဝဲဒ်ဆ့ကၤလီၢ်လံၤ အသိးလီၤ. ဒီးအပှၤဂီၢ်မုၢ်ခဲလၢာ်ကသံဝဲဒ် သၣ်ဘုလါတဖၣ်အသိးလီၤ. ဘၣ်ဆၣ်ဒီးတၢ်မၤပူၤဖျဲးလၢယဟဲစိာ်န့ၣ် ကအိၣ်ဝဲလီၤထူလီၤယိာ် ဒီးယတၢ်မၤနၢၤအကတၢၢ်တအိၣ်ဝဲဘၣ်လီၤ.

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်မၢ်ကူး 15:33

တုၤမုၢ်ထူၣ်အကတီၢ်ဘၣ်ဒီး, တၢ်ဟဲခံးလီၤလၢကီၢ်ဒီဘ့ၣ်ညါ အပူၤပၢၢ်တုၤလၢမုၢ်ဃ့ၢ်လီၤသၢနၣ်ရံၣ်လီၤ.

လံာ်ယိၤဟၣ် 13:7

ယ့ၣ်ၡူးစံးဆၢအီၤ, “တၢ်လၢယမၤခဲအံၤန့ၣ်, နတနၢ်ပၢၢ်ဘၣ်. ဘၣ်ဆၣ်လၢခံက့ၤနကနၢ်ပၢၢ်လီၤ.”

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

ဧ့ၤဘြံၤ 12:26

အကတီၢ်ဖဲန့ၣ်အဝဲအကလုၢ်မၤဟူးမၤဝးဟီၣ်ခိၣ်လီၤ. ဘၣ်ဆၣ်ဒီးခဲကနံၣ်အံၤစံးပာ်လံဝဲ, “ယကမၤဟူးမၤဝးထီၣ်ကဒီးဟီၣ်ခိၣ်တဘျီတမ့ၢ်ထဲဟီၣ်ခိၣ်ဘၣ်, မ့မ့ၢ်ယကမၤဟူးမူခိၣ်စ့ၢ်ကီးလီၤ.”

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.