စံးထီၣ်ပတြၢၤ 18:50 - Sgaw Karen Common Bible

⁵⁰ ကစၢ်ယွၤဟ့ၣ်တၢ်မၤနၢၤဖးဒိၣ်တဖၣ်လၢအစီၤပၤ, ပာ်ဖျါထီၣ်အတၢ်အဲၣ်ဂၢၢ်ကျၢၤဆူ အပှၤဒိးဖှူအသး, ဆူစီၤဒၤဝံးဒီးအစၢၤအသွဲၣ်တဖၣ် ထီဘိတဘိယူၢ်ဃီန့ၣ်လီၤ.

စံးထီၣ်ပတြၢၤ 18:50 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:13

အဝဲကမ့ၢ်ပှၤတဂၤလၢကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်ဒီး ယကမၤလီၤတံၢ်လၢအဝဲအစၢၤအသွဲၣ်ကပၢတၢ်ဆူညါလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:27

ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုထွဲဘၣ်လၢနတၢ်ကွၢ်မဲာ်အပူၤန့ၣ်လီၤ. နၤ, ယွၤဧၢ, နဆိၣ်ဂ့ၤတ့ၢ်အဝဲသ့ၣ်ဒီးနတၢ်ဆိၣ်ဂ့ၤကအိၣ်ဒီး အဝဲသ့ၣ်လီၤစိၤလီၤထီန့ၣ်လီၤ.”

စံးထီၣ်ပတြၢၤ 132:10

နမၤတ့ၢ်တၢ်အၢၣ်လီၤအီလီၤတမံၤဒီး နခ့နပှၤစီၤဒၤဝံးလီၤ. ယွၤဧၢ, ညိကွံာ်စီၤပၤလၢနဃုထၢအီၤန့ၣ်တက့ၢ်.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 57:10

အဂ့ၢ်ဒ်အံၤ, နတၢ်အဲၣ်အဂၢၢ်အကျၢၤဒိၣ် တုၤအထီၣ်ဘးဆူမူခိၣ်အလီၢ်တဖၣ်ဒီး နတၢ်တီတၢ်လိၤပၢၢ်လၢတၢ်အၢၣ်တဖၣ်လီၤ.

လံာ်လူၤကၣ် 1:69

အဝဲဒၣ်ဒုးအိၣ်ထီၣ်တၢ်အုၣ်က့ၤခီၣ်က့ၤကစၢ် အဂံၢ်ဆူၣ်ဘါဆူၣ်တဂၤလၢပဂီၢ်, လၢအမ့ၢ် အခ့အပှၤစီၤဒၤဝံးအစၢၤအသွဲၣ်တဂၤလီၤ.

ရိမ့ၤ 1:3

တၢ်ကွဲးအံၤဘၣ်ဃးဒီးအဖိခွါပကစၢ်ယ့ၣ်ၡူးခရံာ်, လၢသွံၣ်ထံဖံးညၣ်န့ၣ်အိၣ်ဖျဲၣ်ထီၣ်ဝဲဒ်စီၤဒၤဝံးအစၢၤ အသွဲၣ်တဂၤအသိးန့ၣ်လီၤ.

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

ကလၤတံ 3:16

အခဲအံၤ, ကစၢ်ယွၤမၤတၢ်အၢၣ်လီၤအီလီၤတဖၣ်ဒီးစီၤအၤဘြၤဟၣ် ဒီးအစၢၤအသွဲၣ်အကျါတဂၤလီၤ. တၢ်ကွဲးအသးစီဆှံတသူတၢ် ကတိၤ “အစၢၤအသွဲၣ်တဖၣ်” လၢအခီပညီမ့ၢ်ဝဲပှၤအါဒံအါဂၤဘၣ်, မ့မ့ၢ်သူဝဲတၢ်ကတိၤ “အစၢၤအသွဲၣ်” အခီပညီမ့ၢ်ဝဲထဲတဂၤ ဧိၤ, လၢအမ့ၢ်ဝဲဒၣ်ခရံာ်န့ၣ်လီၤ(ကဲထီၣ် ၂၂:၁၈).

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.