စံးထီၣ်ပတြၢၤ 18:48 - Sgaw Karen Common Bible

⁴⁸ ဒီးမၤပူၤဖျဲးယၤလၢယဒုၣ်ယဒါတဖၣ်န့ၣ်လီၤ. ယွၤဧၢ, နဟ့ၣ်ယၤတၢ်မၤနၢၤလၢ ယဒုၣ်ယဒါတဖၣ်အဖီခိၣ် ဒီးဒီဒၣ်ယၤလၢ ပှၤစုဆူၣ်ခီၣ်တကးသ့ၣ်တဖၣ်န့ၣ်လီၤ.

စံးထီၣ်ပတြၢၤ 18:48 Iomraidhean Croise

စံးထီၣ်ပတြၢၤ 140:1

ယွၤဧၢ, မၤပူၤဖျဲးလၢ်ယၤလၢပှၤအအၢအသီ, ပၢၤယၤလၢပှၤစုဆူၣ်ခီၣ်တကးအစုပူၤန့ၣ်တက့ၢ်.

စံးထီၣ်ပတြၢၤ 140:11

မ်ပှၤလၢအကတိၤခဲၣ်သူခဲၣ်ဂီၤတၢ်တဖၣ်, အသုတအိၣ် ဂၢၢ်ဆိးကျၢၤဘၣ်လၢထံဧိၤကီၢ်ဧိၤပူၤန့ၣ်တဂ့ၤ. မ်တၢ်တတၢးတနါမၤဒၢၣ်ကွံာ် ပှၤမၤဆူၣ်မၤစိးတၢ်တဖၣ်န့ၣ်တက့ၢ်.

စံးထီၣ်ပတြၢၤ 140:4

ယွၤဧၢ, ကဟုကယာ်ဒီးမၤပူၤယၤလၢ ပှၤတတီတလိၤအစုပူၤ, ပၢၤဃာ်ယၤလၢပှၤစုဆူၣ်ခီၣ်တကး လၢအကူၣ်ထီၣ်တၢ်လီၤဃံၤလၢယဂီၢ်န့ၣ်တက့ၢ်.

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 86:14

ကစၢ်ယွၤဧၢ, ပှၤပာ်ထီၣ်ထီအသးသ့ၣ်တဖၣ်ဟဲထီဒါယၤ, ပှၤအၢပှၤသီတဖုဃုယသးသမူဒီး အဝဲသ့ၣ်တပာ်ကဲနၤဘၣ်.

စံးထီၣ်ပတြၢၤ 89:13

နအိၣ်ဒီးနစုဒုၣ်လၢအဂံၢ်ဆူၣ်ဘါဆူၣ်, နစုန့ၣ်ဆူၣ်ဝဲဒီးနစုထွဲအိၣ်ထီၣ်ထီလီၤ.

ဖံလံးပံၤ 2:9

လၢတၢ်န့ၣ်အဃိ, ကစၢ်ယွၤပာ်ထီၣ်ထီအီၤဆူ တၢ်လီၢ်အထီကတၢၢ်လၢထး, ဒီးဟ့ၣ်အီၤမံၤတဖျၢၣ်လၢအဒိၣ်န့ၢ် ကယဲၢ်တၢ်အမံၤအဂၤခဲလၢာ်,