စံးထီၣ်ပတြၢၤ 18:43 - Sgaw Karen Common Bible

⁴³ နမၤပူၤဖျဲးယၤလၢပှၤဂီၢ်မုၢ်လၢအပူထီၣ်တၢ်, ဒီးဒုးကဲထီၣ်ယၤပှၤပၢတၢ် လၢပှၤကလုာ်တဖၣ်အဖီခိၣ် ဒီးပှၤဂီၢ်မုၢ်လၢယတသ့ၣ်ညါတ့ၢ်ဘၣ်အီၤန့ၣ် မၤယတၢ်လီၤ.

စံးထီၣ်ပတြၢၤ 18:43 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်စီၤၡမူၤအ့လးခံဘ့ၣ်တဘ့ၣ် 3:1

တၢ်ဒုးတၢ်ယၤလၢသုးဖိတဖၣ်လၢအဆီၣ်ထွဲမၤစၢၤစီၤစီလူး အဒူၣ်ဖိထၢဖိဒီးသုးဖိတဖၣ်လၢအဆီၣ်ထွဲစီၤဒၤဝံးအဘၢၣ်စၢၤ န့ၣ်မၤအသးဆူညါဖးယံာ်န့ၣ်လီၤ. ဒ်စီၤဒၤဝံးအဂံၢ်အဘါဆူၣ်ထီၣ်ဆူၣ်ထီၣ်ဝဲဒၣ်အသိးန့ၣ်ပှၤလၢအထီဒါအီၤတဖၣ် အဂံၢ်အဘါစၢ်လီၤဝဲဒၣ်န့ၣ်လီၤ.

စံးထီၣ်ပတြၢၤ 108:9

မိၤအးမ့ၢ်ယသ့စီတၢ်အသရာ်တဖျၢၣ်, ယကွံာ်ယခီၣ်ဖံးလၢယကကိးထီၣ်တၢ်မၤနၢၤလၢ အဒိၣ်အဖီခိၣ် ဒ်တၢ်ပနီၣ်တမံၤလၢ ယမၤနၢၤအီၤအသိးန့ၣ်လီၤ. ယကကိးထီၣ်လၢ တၢ်မၤနၢၤအပူၤလၢ ဖလ့ၡသးအဖီခိၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

ရိမ့ၤ 15:12

ဒီးမၤကဒီးတစု, ဝံယၡါယၤစံးဝဲ, စီၤယံးၡဲအစၢၤအသွဲၣ်ကဟဲတဂၤ, ယွၤကဒုးဂဲၤဆၢထၢၣ်အီၤလၢ ကပၢပှၤကလုာ်ဂၤတဖၣ်အဂီၢ်, ဒီးအဝဲသ့ၣ်ကပာ်အတၢ်မုၢ်လၢ်လၢအပူၤလီၤ.

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

အ့းဖ့းစူး 1:22

ကစၢ်ယွၤပာ်တၢ်ခဲလၢာ်လၢခရံာ်အခီၣ်အဖီလာ်, ဒီးဒ်ကစၢ် အဒိၣ်ကတၢၢ်,

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”