စံးထီၣ်ပတြၢၤ 18:29 - Sgaw Karen Common Bible

²⁹ ခီဖျိနၤန့ၣ်ယမၤဟးဂီၤကွံာ်သုးမုၢ်သံၣ်ဘိတဖၣ်သ့ဝဲ, ဒီးခီဖျိယကစၢ်န့ၣ်ယစံၣ်ဖျိကွံာ်တၢ်ဒူၣ်သ့ဝဲလီၤ.

စံးထီၣ်ပတြၢၤ 18:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:30

နဟ့ၣ်ယၤတၢ်ဂံၢ်တၢ်ဘါလၢယကဒုးယဒုၣ်ယဒါတဖၣ်အဂီၢ်, ဒီးတၢ်စိကမီၤလၢယကမၤနၢၤကွံာ်အဝဲသ့ၣ်အတၢ်တြီဆၢတၢ်အလီၢ် တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:25

စီၤဒၤဝံးမၤတ့ၢ်ဒ်ယွၤမၤလိာ်တ့ၢ်အီၤအသိးအဃိ, အဝဲနီၣ်ကဒါကွံာ်ပှၤဖလ့ၡသးဖိတဖၣ်လၢကျဲဒီဘိစးထီၣ်လၢ ဝ့ၢ်က့ဘၤတုၤဆူဝ့ၢ်က့စၢ်သ့ဝဲလီၤ.

လံာ်စီၤယိၤဘး 29:3

အကတီၢ်ဖဲန့ၣ်ကစၢ်ယွၤအိၣ်ဒီးယၤထီဘိ, ဒီးဖဲယလဲၤခီဂာ်တၢ် ခံးတၢ်နၤအခါန့ၣ်ဟ့ၣ်ယၤတၢ်ကပီၤလီၤ.

စံးထီၣ်ပတြၢၤ 144:1

ယွၤ, ယလၢၢ်ယလ့, ပှၤလၢအသိၣ်လိယစုလၢတၢ်ဒုးအဂီၢ်, ဒီးယစုမုၢ်စုနၢတဖၣ်လၢ တၢ်ဒုးသုးအဂီၢ်တဂၤန့ၣ်, မ်အဘၣ်တၢ်စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:49

အဝဲဘုးနုာ်အစုဆူအထၢၣ်ပူၤဒီးထုးထီၣ်လၢၢ်တဖျၢၣ်ဒီးဘျုး ဃီၤစီၤကၤလယးလၢနီၣ်ဘျုးန့ၣ်လီၤ. လၢၢ်န့ၣ်ဘၣ်စီၤကၤလယးဖဲအခိၣ်တိသၣ်ဒီးအခိၣ်ကုကၢၢ်ဝဲ, ဒီးစီၤကၤလယးလီၤဃံၤအီထီလာ်လၢဟီၣ်ခိၣ်လိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:2

မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.” ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”