စံးထီၣ်ပတြၢၤ 18:18 - Sgaw Karen Common Bible

¹⁸ ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ထီဒါယၤလီၤ. ဘၣ်ဆၣ်ယွၤမ့ၢ်ယတၢ်သန့ၤယသးအလီၢ်လီၤ.

စံးထီၣ်ပတြၢၤ 18:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:1

ဖဲယွၤအုၣ်က့ၤခီၣ်က့ၤစီၤဒၤဝံးလၢစီၤစီလူး ဒီးအဝဲအဒုၣ်အဒါအဂၤတဖၣ်အစုပူၤန့ၣ် စီၤဒၤဝံးအုၣ်ထါသးဝံၣ်တယုၢ်အံၤဆူ ယွၤအအိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:19

ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ဟဲဒုးယၤ, ဘၣ်ဆၣ်ယွၤဒီဒၣ်အိၣ်ပှိၤယၤန့ၣ်လီၤ.

စံးထီၣ်ပတြၢၤ 119:56

တၢ်ဆိၣ်ဂ့ၤသ့ၣ်တဖၣ်အံၤဟဲလီၤတ့ၢ်လံလၢ ယဖီခိၣ်မ့ၢ်လၢယတိၢ်န့ၢ်ဖံးဃာ် နတၢ်မၤလိာ်သ့ၣ်တဖၣ်အဃိန့ၣ်လီၤ.

စံးထီၣ်ပတြၢၤ 138:7

တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 59:16

မ့မ့ၢ်ယဲဒၣ်အံၤ ယကသးဝံၣ်နတၢ်ဂံၢ်တၢ်ဘါအဂ့ၢ်, ကိးမုၢ်ဂီၤဒဲးန့ၣ် ယကသးဝံၣ်တၢ်လၢ နတၢ်အဲၣ်အဂၢၢ်အကျၢၤအဂ့ၢ်လၢ ယကလုၢ်ဖးဒိၣ်လီၤ. အဂ့ၢ်ဒ်အံၤ, နမ့ၢ်တၢးထီၣ်ထီလၢယဂီၢ် ဒီးတၢ်ပူၤဖျဲးအလီၢ်လၢ ယတၢ်ကိၢ်တၢ်ဂီၤအမုၢ်တနံၤန့ၣ်လီၤ.

လံာ်ယံးရမံယၤ 18:17

ယကမၤပြံမၤပြါယပှၤဂီၢ်မုၢ်လၢအဝဲသ့ၣ်အဒုၣ်အဒါတဖၣ်အမဲာ်ညါ, လီၤဂာ်ဒ်ဟီၣ်ခိၣ်ကမူၣ်လၢမုၢ်ထီၣ်ကလံၤအူဒံကွံာ်အီၤအသိးန့ၣ်လီၤ. ယကဒီအဝဲသ့ၣ်လၢယချၢဃံလီၤ. ဒီးဖဲတၢ်တတၢးတနါဟဲဝဲန့ၣ်, ယတမၤစၢၤအဝဲသ့ၣ်ဘၣ်.”

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.