စံးထီၣ်ပတြၢၤ 18:13 - Sgaw Karen Common Bible

¹³ ဒီးယွၤဒုးသီၣ်ထီၣ်တၢ်ဒ်လီသီၣ်အသိးလၢမူခိၣ်, ဒီးတၢ်ထီကတၢၢ်မၤသီၣ်ထီၣ်အကလုၢ်လီၤ.

စံးထီၣ်ပတြၢၤ 18:13 Iomraidhean Croise

လံာ်စီၤယိၤဘး 40:9

နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

စံးထီၣ်ပတြၢၤ 104:7

ဖဲနသိၣ်ဃီၣ်ထံတဖၣ်န့ၣ် အဝဲသ့ၣ်ယွၤလီၤဝဲ, ယွၤလီၤဝဲချ့ချ့ ဖဲအဝဲသ့ၣ်နၢ်ဟူနကိးထီၣ်နတၢ်မၤလိာ်န့ၣ်လီၤ.

စံးထီၣ်ပတြၢၤ 11:6

အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ အကဲၤကပျီၤလၢပှၤအၢပှၤသီအဖီခိၣ် ဒီးသိၣ်ဃီၣ်အဝဲသ့ၣ်လၢ ကလံၤမုၢ်ကိၢ်လၢအအီၣ်တၢ်န့ၣ်လီၤ.

စံးထီၣ်ပတြၢၤ 140:10

မ်မ့ၣ်အူကဖးလၢဂီၤကဲၤလီၤတဲာ်လၢအလိၤ, မ်အဘၣ်တၢ်တ့ၢ်လီၤကွံာ်အီၤဆူတၢ်ပူၤတပူၤ, ဒီးအသုတဟဲက့ၤထီၣ်က့ၤနီတစုလၢၤတဂ့ၤ.

စံးထီၣ်ပတြၢၤ 78:48

အဝဲမၤသံကွံာ်အဝဲသ့ၣ်အဂီၤဘုၣ်ဂီၤဖံးလၢသူၣ်ဒီး အသိအဖုအဂီၢ်တဖၣ်လၢ လီဝၢ်ဒံးန့ၣ်လီၤ.

လံာ်တၢ်ဟးထီၣ်ကွံာ် 20:18

တုၤပှၤဂီၢ်မုၢ်နၢ်ဟူဘၣ်လီသီၣ်ဒီးကွဲၤသီၣ်ထီၣ်ဖးဒိၣ်သတူၢ် ကလာ်, ဒီးထံၣ်ဘၣ်လီဝၢ်ဒံး, ဒီးမ့ၣ်အူလုၣ်ထီၣ်လၢကစၢၢ်အလိၤန့ၣ် အဝဲသ့ၣ်ကနိးကစုာ်လၢအတၢ်ပျံၤတၢ်ဖုးအဃိဒီးအိၣ်ဆၢထၢၣ်ဝဲ ဖးယံၤန့ၣ်လီၤ.

လံာ်တၢ်ဟးထီၣ်ကွံာ် 9:24

လီဝၢ်ဒံးကပြ့ၢ်ဆူအံၤဆူနုၤန့ၣ်လီၤ. ဒီးတၢ်န့ၣ်မ့ၢ်ကလံၤမုၢ်အဆူၣ်ကတၢၢ်လၢကီၢ်အဲၤကူပတူးသ့ၣ်ညါ ဘၣ်ဝဲလၢအတၢ်စံၣ်စိၤတဲစိၤအပူၤန့ၣ်လီၤ.

လံာ်ယဃ့းစက့လး 10:5

တၢ်အသီၣ်လၢအဟဲထီၣ်လၢတၢ်ဘၣ်တ့တဖၣ်အံၤအဒံးဆ့တဖၣ်န့ၣ်, ဘၣ်တၢ်နၢ်ဟူအီၤလၢယွၤအတၢ်လုၢ်ဟံၣ်အဂၢၤအချၢဒၣ်လဲာ်သ့ဝဲ လီၤ. အတၢ်သီၣ်လီၤဂာ်ဒီးကစၢ်ယွၤသ့တၢ်လၢာ်အကလုၢ်န့ၣ်လီၤ.

လံာ်ဃဘးကူာ် 3:5

အဝဲဆှၢလီၤတၢ်ဆူးတၢ်ဆါလၢအမဲာ်ညါ ဒီးမၤလိာ်တၢ်သံလၢကပိာ်ထွဲထီၣ်အခံန့ၣ်လီၤ.

လံာ်ယိၤဟၣ် 12:29

ပှၤဂီၢ်မုၢ်အိၣ်ဆၢထၢၣ်ဖဲန့ၣ်တဖၣ်နၢ်ဟူတၢ်အံၤ, ဒီးအဝဲသ့ၣ်တနီၤစံးဝဲလၢအမ့ၢ်ဒၣ်လီသီၣ်လီၤ. အဂၤတနီၤစံးဝဲ, “မ့ၢ်ကလူးတဂၤကတိၤတၢ်ဒီးအီၤန့ၣ်လီၤ.”

လံာ်သိၣ်လီၤသီလီၤတၢ် 32:24

အဝဲသ့ၣ်ကသံဝဲလၢတၢ်သၣ်ဝံၤလီၤဒိဒီးတၢ်လိၤကိၢ်အဃိ, အဝဲသ့ၣ်ကသံဝဲလၢတၢ်ဆူးတၢ်ဆါတဖၣ်လၢအလီၤပျံၤလီၤဖုးအဃိ န့ၣ်လီၤ. ယကမၢလီၤဆၣ်ဖိကီၢ်ဖိအမံၤတဖၣ်လၢကဟဲထီၣ်အ့ၣ်ဖှီအဝဲသ့ၣ်, ဒီးဂုၢ်တဖၣ်လၢအစုၣ်အၢန့ၣ်ကအ့ၣ်အဝဲသ့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်လီၣ်ဖျါ 19:6

တုၤနုၤတစုယနၢ်ဟူတၢ်လၢအသီၣ်လီၤဂာ်ဒ်ပှၤဂီၢ်မုၢ်အကလုၢ်, ဒ်ထံလီၤဆူသီၣ်ရုၢ်ရုၢ်အသိး, ဒ်လီသီၣ်သထြူးအသိးန့ၣ်လီၤ. ယနၢ်ဟူအဝဲသ့ၣ်စံးဝဲ, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, ကစၢ်, ပကစၢ်ယွၤလၢအသ့တၢ်လၢာ်န့ၣ်မ့ၢ်ဝဲစီၤပၤလီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:10

ဖဲစီၤၡမူၤအ့လးလုၢ်ထီၣ်တၢ်လုၢ်မၤဘူၣ်ဆူယွၤအအိၣ်အခါန့ၣ်, ပှၤဖလ့ၡသးဖိတဖၣ်ဟဲထီၣ်ဆူညါလၢကဒုးတၢ်အဂီၢ်လီၤ. ဖဲန့ၣ်တကီၢ်ခါယွၤမၤလီသီၣ်လီသဲထီဒါအဝဲသ့ၣ်လီၤ. အဝဲသ့ၣ်အသးကဒံကဒါကွံာ်ဝဲလၢာ်လၢာ်ဆ့ဆ့ဒီးဃ့ၢ်ကွံာ်လၢ တၢ်ပျံၤတၢ်ဖုးဖးဒိၣ်အပူၤလီၤ.