စံးထီၣ်ပတြၢၤ 17:9 - Sgaw Karen Common Bible

⁹ လၢပှၤတတီတလိၤအတၢ်ထီဒါယၤ, လၢယဒုၣ်ယဒါလၢအအဲၣ်ဒိးမၤသံယၤ အတၢ်ကဝီၤဃာ်ယၤန့ၣ်တက့ၢ်.

စံးထီၣ်ပတြၢၤ 17:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 17:9

ယဃုထၢပာ်တ့ၢ်တၢ်လီၢ်တပူၤလၢယပှၤဂီၢ်မုၢ်အံၣ်စရ့လးဖိ အဂီၢ်ဒီးဒုးအိၣ်ဒုးဆိးအီၤဖဲန့ၣ်, ဖဲကအိၣ်ကဆိးဘၣ်ဝဲတအိၣ် လၢၤဘၣ်ဒီးတၢ်မၤနၢၤမၤပ့ၤအီၤန့ၣ်လီၤ. စးထီၣ်လၢအဝဲသ့ၣ်ဟဲနုာ်တ့ၢ်ဆူကီၢ်အံၤအပူၤန့ၣ်အဝဲသ့ၣ်ဘၣ် တၢ်ဒုးတ့ၢ်အီၤလၢပှၤမၤဆူၣ်မၤစိးတၢ်တဖၣ်, ဘၣ်ဆၣ်, တၢ်ဒ်သိးအံၤတမၤဘၣ်လၢၤကဒီးအသးဘၣ်.

စံးထီၣ်ပတြၢၤ 31:20

နပာ်တဒၢအဝဲသ့ၣ်လၢတၢ်ပူၤဖျဲးအလီၢ်လၢနမဲာ်ညါ, လၢပှၤကညီအတၢ်ကူၣ်တဖၣ်, နပၢၤဃာ်အဝဲသ့ၣ်လၢနဒဲအပူၤ, လၢအဒုၣ်အဒါသ့ၣ်တဖၣ် အတၢ်ကတိၤဒုၣ်ဒွဲၣ်န့ၣ်လီၤ.

စံးထီၣ်ပတြၢၤ 35:12

အဝဲသ့ၣ်ဟ့ၣ်ဆၢက့ၤယၤတၢ်အၢလၢတၢ်ဂ့ၤအဂီၢ် ဒီးယသးဘၣ်နးဘၣ်ဖှီၣ်လီၤ.

စံးထီၣ်ပတြၢၤ 35:4

ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 35:7

အဂ့ၢ်ဒ်အံၤ, လၢတၢ်ဂ့ၢ်တအိၣ်ဘၣ်နီတမံၤအပူၤန့ၣ်အဝဲသ့ၣ်ပာ်လီၤခူသူၣ် ပျံၤသကွီၤလၢယဂီၢ်, ဒီးခူၣ်တၢ်ပူၤယိာ်လၢယဂီၢ်လီၤ.

စံးထီၣ်ပတြၢၤ 7:5

မ်ယဒုၣ်ယဒါတဖၣ်လူၤယၤဒီးချုးန့ၢ်ယၤ, မ်အယီၢ်တံၢ်မၤသံယၤဒီး ပာ်တ့ၢ်ယစိၣ်လၢဟီၣ်ခိၣ်ကမူၣ်အလိၤတက့ၢ်. စ့လၤ

လံာ်စီၤၡမူၤအ့လးအခီၣ်ထံးတဘ့ၣ် 23:26

စီၤစီလူးဒီးအပှၤတဖၣ်အိၣ်ဝဲလၢတၢ်လူၢ်ခိၣ်တကပၤအိၣ်လီၤဖး ဒီးစီၤဒၤဝံးဒီးအပှၤတဖၣ်လၢအအိၣ်လၢတၢ်လူၢ်ခိၣ်အဂၤတကပၤ န့ၣ်လီၤ. အဝဲသ့ၣ်မၤချ့ချ့ဒ်သိးကဟးထီၣ်ကွံာ်လၢစီၤစီလူးဒီးအပှၤ တဖၣ်အအိၣ်လီၤ. အဂ့ၢ်ဒ်အံၤ, ပှၤတဖၣ်န့ၣ်ဘူးထီၣ်ဒီးအဝဲသ့ၣ်ဒီးဘူးကဖီၣ်န့ၢ်အဝဲသ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:11

ကွၢ်တက့ၢ်, ယပၢ်ဧၢ, ကွၢ်ဃီၤနဆ့ကၤဖးထီအက့တက့လၢယဖီၣ်ဃး အီၤအံၤတက့ၢ်. ယမၤသံနၤသ့လီၤ. ဘၣ်ဆၣ်ဒီး, အခိၣ်တလိာ်န့ၣ်, ယကူးတဲာ်ထဲတၢ်အံၤဧိၤလီၤ. တၢ်အံၤဒုးနၢ်ပၢၢ်လီၤတံၢ်နၤလၢယတအိၣ်ဒၣ်လဲာ်ဒီးတၢ်ဆိကမိၣ် လၢတၢ်ပူထီၣ်ထီဒါနၤမ့ၢ်ဂ့ၤမၤဆါနၤမ့ၢ်ဂ့ၤဘၣ်. နလူၤဖီၣ်န့ၢ်ယၤလၢနကမၤသံယၤအဂီၢ်ဖဲယတမၤကမၣ်ဘၣ်နၤနီတမံၤ ဘၣ်ဒၣ်လဲာ်န့ၣ်လီၤ.