စံးထီၣ်ပတြၢၤ 17:3 - Sgaw Karen Common Bible

³ နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 17:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

လံာ်စီၤယိၤဘး 24:14

စီၤစိၤဖၤစံးဝဲ, တုၤမုၢ်ဂီၤထီၣ်သီန့ၣ်ပှၤမၤသံတၢ်တဖၣ်ဂဲၤ ထၢၣ်ဒီးဟးထီၣ်ဝဲလၢကမၤသံပှၤဖှီၣ်ဖိယာ်ဖိလၢအတၢ် တအိၣ်ဘၣ်နီတမံၤတဖၣ်န့ၣ်လီၤ. ဒီးတုၤမုၢ်နၤအကတီၢ်န့ၣ်အဝဲသ့ၣ်ဟုၣ်တၢ်လီၤ.

စံးထီၣ်ပတြၢၤ 11:5

ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး, ဒီးအဝဲသးဟ့ပှၤလၢအအဲၣ် တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

စံးထီၣ်ပတြၢၤ 139:1

ယွၤဧၢ, နဃုကွၢ်ထံယၤဒီးနသ့ၣ်ညါယၤလီၤ.

စံးထီၣ်ပတြၢၤ 139:23

ကစၢ်ယွၤဧၢ, ဃုကွၢ်ယၤ, ဒီးသ့ၣ်ညါယသးတက့ၢ်. မၤကွၢ်ယၤ, ဒီးသ့ၣ်ညါ ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 16:7

ယစံးထီၣ်ပတြၢၤယွၤ, မ့ၢ်လၢအဝဲဒၣ်နဲၣ်လိယၤအဃိလီၤ. ဒီးလၢမုၢ်နၤန့ၣ်, ယသးလၢအသ့ၣ်ညါဒၣ်တၢ် ဟ့ၣ်ပလီၢ်ယၤလီၤ.

စံးထီၣ်ပတြၢၤ 26:2

ဃုကွၢ်ယၤဒီးမၤကွၢ်ယၤ, ယွၤဧၢ, စံၣ်ညီၣ်ယသးအတၢ်ဆၢန့ၢ်ဒီး ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 39:1

ယစံး, “ယကပလီၢ်ပဒီယသးလၢတၢ်လၢယမၤ ဒီးယသုတမၤတၢ်ဒဲးဘးလၢ ယပျ့ၤအဃိန့ၣ်တဂ့ၤ. ယကကးတံာ်ယထးခိၣ် ဖဲပှၤတတီတလိၤတဖၣ်အိၣ်ဘူးဒီးယၤန့ၣ်လီၤ.”

စံးထီၣ်ပတြၢၤ 66:10

ကစၢ်ယွၤဧၢ, အဂ့ၢ်ဒ်အံၤ, နမၤကွၢ်တ့ၢ်လံပှၤလံ. နမၤပှံၢ်တ့ၢ်လံပှၤ ဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ.

စံးထီၣ်ပတြၢၤ 7:4

ယမ့ၢ်မၤဆၢက့ၤယတံၤသကိးလၢ တၢ်အၢတၢ်သီမ့တမ့ၢ်မၤတရီတပါယဒုၣ်ယဒါလၢ တၢ်ကလီကလီအပူၤဒီး,

တၢ်ကတိၤဒိ. 13:3

ပှၤလၢအပၢၤအထးခိၣ်န့ၣ်ဟံးဃာ်အသးသမူလီၤ. မ့မ့ၢ်ပှၤလၢအကတိၤနါစိၤတၢ်န့ၣ်မၤဟးဂီၤလီၤအသးဒၣ်ဝဲလီၤ.

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 50:20

ဖဲတၢ်ဆၢကတီၢ်န့ၣ် ဟဲတုၤဝဲဒီး, တၢ်တထံၣ်ဘၣ်လၢၤ တၢ်ဒဲးဘးနီတမံၤလၢကီၢ်အံၣ်စရ့လးအပူၤ, ဒီးတၢ်အၢတၢ်သီနီတမံၤလၢ ကီၢ်ယူဒၤအပူၤလၢၤဘၣ်. အဂ့ၢ်ဒ်အံၤ, ယကပျၢ်ပှၤဂီၢ်မုၢ်အံၤလၢ ယပျဲပူၤတ့ၢ်လံ အသးသမူတဖၣ် အတၢ်ကမၣ်န့ၣ်လီၤ, ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 7:6

မ့ၢ်လီၤ. အဝဲသ့ၣ်မၤကိၢ်ဃၢၣ်တၢ်ဒီးအတၢ်ကူၣ်လီၤဂာ်ဒ်ဖၣ်ကပူၤ အသိးန့ၣ်လီၤ. သီတနၤကျၢၤန့ၣ်အဝဲသ့ၣ်အတၢ်သးထီၣ်ကဲၤသဝံထီၣ်ဝဲ ဒီးလၢမုၢ်ဂီၤန့ၣ်ကဲၤကပျီၤထီၣ်ဝဲဒီးမ့ၣ်အူလၣ်တဖၣ်န့ၣ်လီၤ.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မၤလကံ 3:2

ဘၣ်ဆၣ်ဒီး, မုၢ်တနံၤလၢအဝဲဟဲန့ၣ်မ့ၢ်မတၤတူၢ်ကကဲန့ၣ်လဲၣ်. ဒီးတုၤအဝဲအိၣ်ဖျါထီၣ်န့ၣ်မ့ၢ်မတၤကပူၤဖျဲးန့ၣ်လဲၣ်. အဝဲကလီၤဂာ်ဒ်ပှၤဆှုၣ်တၢ်အချါသိမ့ၢ်ဂ့ၤ, ဒ်မ့ၣ်အူလၢအမၤကဆှီ, တိၢ်ဒီးထးတဖၣ်မ့ၢ်ဂ့ၤန့ၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 16:9

နၤအဝဲန့ၣ်, စီၤပီလူးဒိးန့ၢ်ဘၣ်တၢ်ထံၣ်လၢညါခီတမံၤဒီး လၢတၢ်ထံၣ်လၢညါခီအပူၤန့ၣ်, အဝဲထံၣ်ဘၣ်ပှၤကီၢ်မၤက့းဒနံဖိတဂၤဆၢထၢၣ်ဒီးဃ့ကညး အီၤဒီးစံး, “ဟဲခီဂာ်ဆူကီၢ်မၤက့းဒနံဒီးမၤစၢၤပှၤတက့ၢ်.”

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:10

ခဲအံၤအတီၢ်ပူၤဖိဒၣ်လဲာ်ယွၤပာ်နၤလၢယတၢ်စိကမီၤအဖီလာ်န့ၣ် နထံၣ်ဘၣ်အီၤလၢနနီၢ်ကစၢ်ဒၣ်နဲသ့လီၤ. ယပှၤတနီၤစံးယၤလၢယကမၤသံနၤဘၣ်ဆၣ်ဒီးယသးအုးလၢနဂီၢ်ဒီး စံးလၢယတမၤဆါနၤထဲတစဲးဖိဧိၤဘၣ်. အဂ့ၢ်ဒ်အံၤ, နမ့ၢ်ပှၤတဂၤလၢယွၤဃုထၢအီၤဒ်သိးနကကဲထီၣ်စီၤပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:12

မ်ယွၤစံၣ်ညီၣ်တဲာ်တၢ်လၢနၤဒီးယၤအံၤမ့ၢ်မတၤတဂၤကမၣ်လဲၣ် န့ၣ်တက့ၢ်. မ်အဝဲသိၣ်ဃီၣ်နၤလၢနတၢ်မၤထီဒါယၤအဃိတက့ၢ်. အဂ့ၢ်ဒ်အံၤ, တမ့ၢ်ယကမၤဆါနၤဆံးကိာ်ဖိဒၣ်လဲာ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:11

ယွၤတြီယၤလၢယကကျဲးစၢးမၤဆါပှၤတဂၤလၢယွၤဒုးကဲထီၣ်အီၤ လၢစီၤပၤန့ၣ်လီၤ. မ်ပဟံးန့ၢ်အဘီ, အထံကိဖိဒီးဟးထီၣ်ကွံာ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 26:23

ယွၤဟ့ၣ်ဘျုးပှၤတဖၣ်လၢအသူၣ်တီအသးလိၤဒီးတီဝဲလိၤဝဲတဖၣ် န့ၣ်လီၤ. တနံၤအံၤန့ၣ်အဝဲပာ်နၤလၢယတၢ်စိကမီၤအဖီ လာ်လီၤ. ဘၣ်ဆၣ်ဒီးယတမၤဆါဘၣ်နၤ, ပှၤလၢယွၤဒုးကဲထီၣ်အီၤ လၢစီၤပၤတဂၤန့ၣ်ဘၣ်.