စံးထီၣ်ပတြၢၤ 17:15 - Sgaw Karen Common Bible

¹⁵ မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 17:15 Iomraidhean Croise

လံာ်စီၤယိၤဘး 14:12

ပှၤကညီသံဝဲဒီးတဂဲၤဆၢထၢၣ်နီတစုလၢၤဘၣ်. ဒ်မူခိၣ်အိၣ်ဂၢၢ် ဆိးကျၢၤဝဲအသိးန့ၣ်အဝဲသ့ၣ်တဂဲၤဆၢထၢၣ်နီတစုဘၣ်. အဝဲ သ့ၣ်တဘၣ်တၢ်ထိၣ်ဂဲၤပၢၢ်ထီၣ်အီၤလၢအတၢ်မံန့ၣ်ဘၣ်.

စံးထီၣ်ပတြၢၤ 11:7

အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 49:14

အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယံးရမံယၤ 31:26

အန့ၣ်ဒီး, ပှၤဂီၢ်မုၢ်ကစံးဝဲ, ‘ယမံတ့ၢ်ယဲမုာ်ဒိၣ်မးဒီး ယပၢၢ်ထီၣ် အိၣ်ဒီးတၢ်ဂံၢ်တၢ်ဘါန့ၣ်လီၤ.’

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.