စံးထီၣ်ပတြၢၤ 16:2 - Sgaw Karen Common Bible

² ယစံးဘၣ်ယွၤ, “နမ့ၢ်ယကစၢ်လီၤ. တၢ်ဂ့ၤလၢအအိၣ်ဒီးယၤခဲလၢာ်န့ၣ် ဟဲဒၣ်လၢနအိၣ်လီၤ.”

စံးထီၣ်ပတြၢၤ 16:2 Iomraidhean Croise

စံးထီၣ်ပတြၢၤ 27:8

တုၤနစံး, “ဃုယမဲာ်တက့ၢ်.” န့ၣ်ဒီး, ယစံးဆၢယဲ, “ယွၤဧၢ, နမဲာ်န့ၣ်ယဃုယဲလီၤ.”

စံးထီၣ်ပတြၢၤ 31:14

ဘၣ်ဆၣ်ယတၢ်နာ်အံၤအိၣ်လၢနပူၤ, ယွၤဧၢ, နမ့ၢ်ယကစၢ်ယွၤလီၤ.

စံးထီၣ်ပတြၢၤ 73:25

နမ့ၢ်ဒၣ်ပှၤထဲတဂၤဧိၤလၢ ယဒိးန့ၢ်ဘၣ်လၢမူခိၣ်န့ၣ်လီၤ. မ့ၢ်လၢယဒိးန့ၢ်ဘၣ်လံနၤအဃိ ယလိၣ်ဘၣ်ဒံး တၢ်မနုၤတမံၤလၢဟီၣ်ခိၣ်ချၢန့ၣ်လဲၣ်.

စံးထီၣ်ပတြၢၤ 8:1

ယွၤ, ပကစၢ်ဧၢ, နမံၤလၢဟီၣ်ခိၣ်ဒီဘ့ၣ်ညါန့ၣ် ဒိၣ်စိဒိၣ်ကမီၤဆံးဒိၣ်လဲၣ်. နလၤကပီၤအိၣ်လၢမူခိၣ်န့ၣ်, ဘၣ်တၢ်သးဝံၣ်စံးထီၣ်ပတြၢၤအီၤလၢ

စံးထီၣ်ပတြၢၤ 89:26

အဝဲဒၣ်ကကိးထီၣ်ဆူယအိၣ် “နဲဒၣ်အံၤနမ့ၢ်ယပၢ်, ယကစၢ်ယွၤ, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.”

စံးထီၣ်ပတြၢၤ 91:2

ကစံးဘၣ်ယွၤ, “နမ့ၢ်ယတၢ်အိၣ်တဒၢအလီၢ်ဒီးယတိာ်, ယကစၢ်ယွၤလၢယသန့ၤယသးလၢအီၤန့ၣ်လီၤ.”

လံာ်ယၡါယၤ 26:13

ယွၤ, ပကစၢ်ယွၤဧၢ, ပဘၣ်တၢ်ပၢတ့ၢ်ပှၤလၢပှၤအဂၤတဖၣ်, ဘၣ်ဆၣ်ထဲနၤတဂၤဧိၤနမ့ၢ်ပယွၤလီၤ.

လံာ်ယၡါယၤ 44:5

ပှၤတဂၤဘၣ်တဂၤကစံးဝဲ, ‘ယဲဒၣ်အံၤယမ့ၢ်ယွၤအတၢ်လီၤ. အဝဲသ့ၣ်ကဟဲပာ်ဖှိၣ်အသးဒီးကီၢ်အံၣ်စရ့လး အပှၤဂီၢ်မုၢ်လီၤ. ပှၤတဂၤစုာ်စုာ်ကကွဲးလီၤယွၤအမံၤလၢအစုတီၤလိၤ ဒီးကိးလီၤအသးလၢအမ့ၢ်ကစၢ်ယွၤအပှၤဂီၢ်မုၢ်အကျါတဂၤန့ၣ် လီၤ.’ ”

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်လူၤကၣ် 17:10

သုဝဲစ့ၢ်ကီးမ့ၢ်တၢ်ဒ်န့ၣ်လီၤ. ဖဲသုမၤလံတၢ်လၢပှၤမၢသုခဲလၢာ်န့ၣ်, စံးသုဝဲ, ‘ပမ့ၢ်ဒၣ်တၢ်ခ့တၢ်ပှၤတဖၣ်လီၤ. မ့ၢ်ဒၣ်ပမၤပှဲၤပမူပဒါတဖၣ်လီၤ.’ ”

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

ရိမ့ၤ 11:35

မ့ၢ်မတၤအိၣ်တဂၤဂၤလၢအဟ့ၣ်အီၤတၢ်တမံၤမံၤ, ဒ်သိးယွၤကဘၣ်ဟ့ၣ်ကဒါက့ၤအီၤန့ၣ်လဲၣ်.”