စံးထီၣ်ပတြၢၤ 16:11 - Sgaw Karen Common Bible

¹¹ နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 16:11 Iomraidhean Croise

စံးထီၣ်ပတြၢၤ 139:24

ဒီးကျဲအအၢလၢယပူၤမ့ၢ်အိၣ်, တအိၣ်လဲၣ်န့ၣ်ကွၢ်, ဒီးဆှၢယၤလၢကျဲအထူအယိာ်အပူၤတက့ၢ်.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 4:8

ယကမံလီၤဒီးမံယဲမုာ်မုာ်လီၤ. ယွၤဧၢ, နမ့ၢ်ပှၤထဲတဂၤဧိၤလၢအကဟုဘံၣ် ကယာ်ဘၢယၤလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 68:4

သးဝံၣ်ထီၣ်ကစၢ်ယွၤ, သးဝံၣ်စံးထီၣ်ပတြၢၤအမံၤန့ၣ်တက့ၢ်. ကတဲာ်ကတီၤကျဲတဘိလၢပှၤလၢလဲၤခီဂာ်တၢ်လၢ ပှၢ်မုၢ်ကနၢတဂၤအဂီၢ်န့ၣ်တက့ၢ်. အမံၤမ့ၢ်ယွၤလီၤ. သူၣ်ဖှံသးညီလၢအမဲာ်ညါတက့ၢ်.

တၢ်ကတိၤဒိ. 12:28

တၢ်တီတၢ်လိၤန့ၣ်မ့ၢ်ကျဲဆူတၢ်မူ, ဒီးတၢ်တတီတလိၤန့ၣ်မ့ၢ် ကျဲဆူတၢ်သံလီၤ.

တၢ်ကတိၤဒိ. 2:19

ပှၤလၢအလဲၤဆူအအိၣ်တဟဲက့ၤလၢၤဘၣ်နီတဂၤဘၣ်. အဝဲတဟဲက့ၤကဒါက့ၤဆူတၢ်မူအကျဲနီတစုဘၣ်.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

တၢ်ကတိၤဒိ. 5:6

အဝဲတအိၣ်လၢတၢ်မူအကျဲအဖီခိၣ်ဘၣ်. မ့မ့ၢ်ဟးဝ့ၤဝီၤယံၤထီၣ်ဝဲဒီးတသ့ၣ်ညါတၢ်မနုၤမၤအသးလဲၣ် န့ၣ်ဘၣ်.

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်မးသဲ 25:33

ဒီးကပာ်သိတဖၣ်လၢအစုထွဲတခီ, မ့မ့ၢ်မဲာ်တဲးလဲးတဖၣ် လၢအစုစ့ၣ်တခီလီၤ.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 5:8

ပှၤလၢအသးကဆှီတဖၣ်န့ၣ်, မ့ၢ်ပှၤတဖၣ်လၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကထံၣ်ဘၣ်ကစၢ်ယွၤလီၤ.

လံာ်မးသဲ 7:14

ဘၣ်ဆၣ်ဒီး, ကျဲစၢၤလၢအအိးထီၣ်အသးဆူတၢ်မူန့ၣ်အံၣ်ဝဲ, ဒီးကျဲလၢအဆှၢပှၤဆူတၢ်မူန့ၣ်ကီခဲမးဒီးပှၤလၢအထံၣ်န့ၢ်အီၤ အိၣ်ဝဲစှၤဂၤလီၤ.

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

မၤတၢ် 2:28

နဒုးနဲၣ်တ့ၢ်လံယၤကျဲတဖၣ်လၢအဆှၢပှၤဆူတၢ်မူ, ဒီးနတၢ်အိၣ်ဆိးဒီးယၤကမၤပှဲၤယသးဒီး တၢ်သူၣ်ဖှံသးညီလီၤ.’

မၤတၢ် 7:56

အဝဲဒၣ်စံးဝဲ, “ကွၢ်တက့ၢ်. ယထံၣ်ဘၣ်ယဲမူခိၣ်အိးထီၣ်အသး ဒီးပှၤကညီဖိခွါအိၣ်ဆၢထၢၣ်လၢယွၤအစုထွဲတခီလီၤ.”

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.