စံးထီၣ်ပတြၢၤ 15:1 - Sgaw Karen Common Bible

¹ ယွၤဧၢ, မ့ၢ်မတၤကလဲၤနုာ်ဘၣ်ဆူ နဒဲစီဆှံပူၤတဂၤန့ၣ်လဲၣ်. မ့ၢ်မတၤကဘူၣ်ထီၣ်ဘါထီၣ်တၢ်လၢစံယိၣ်, လၢနကစၢၢ်စီဆှံအလိၤတဂၤန့ၣ်လဲၣ်.

စံးထီၣ်ပတြၢၤ 15:1 Iomraidhean Croise

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 23:6

ထဲတၢ်ဂ့ၤ, ဒီးတၢ်ဘျုးတၢ်ဖှိၣ်န့ၣ် ကလူၤပိာ်ယခံတစိၤဒၣ်ယၤ, ဒီးယကအိၣ်ကဆိးလၢ ယွၤအဟံၣ်လီၤစိၤလီၤထီလီၤ. စ့လၤ

စံးထီၣ်ပတြၢၤ 3:4

ယကိးထီၣ်ယွၤလၢတၢ်မၤစၢၤအဂီၢ်, ဒီးအဝဲဒၣ်စံးဆၢယၤလၢ အကစၢၢ်စီဆှံအလိၤန့ၣ်လီၤ. စ့လၤ

စံးထီၣ်ပတြၢၤ 61:4

ပျဲယကအိၣ်ဘၣ်လၢနဒဲစီဆှံအပူၤလီၤထူလီၤယိာ်, ဟ့ၣ်ယၤတၢ်ပူၤဖျဲးလၢနဒံးဆ့အဖီလာ်န့ၣ်တက့ၢ်. စ့လၤ

စံးထီၣ်ပတြၢၤ 84:4

ပှၤလၢအအိၣ်ဝဲဆိးဝဲလၢနတၢ်လုၢ်ဟံၣ်ပူၤဒီး ထီဘိသးဝံၣ်စံးထီၣ်ပတြၢၤနၤန့ၣ် ဘၣ်ဆိၣ်ဂ့ၤဝဲလီၤ. စ့လၤ

စံးထီၣ်ပတြၢၤ 92:13

အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

လံာ်လီၣ်ဖျါ 14:1

တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.