စံးထီၣ်ပတြၢၤ 149:4 - Sgaw Karen Common Bible

⁴ အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 149:4 Iomraidhean Croise

စံးထီၣ်ပတြၢၤ 117:2

အဂ့ၢ်ဒ်အံၤ, အဘျုးအဖှိၣ်အိၣ်ဝဲလၢပဖီခိၣ်ဒိၣ်မးလီၤ. ဒီးယွၤအတၢ်မ့ၢ်တၢ်တီ အိၣ်ဝဲဆိးဝဲလီၤထူလီၤယိာ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

စံးထီၣ်ပတြၢၤ 35:27

မ်ပှၤလၢအဆၢထံၣ်ဘၣ်ယၤလၢ တၢ်ပာ်တၢ်ကမၣ်အလီၢ်တအိၣ်ဘၣ်န့ၣ် ကိးထီၣ်လၢတၢ်သးခုအဂီၢ်ဒီးစံးထီဘိ, “ယွၤန့ၣ်ဒိၣ်ဝဲလီၤ.” အဝဲဘၣ်သူၣ်ဘၣ်သးလၢ အခ့အပှၤအတၢ်ကဲထီၣ်လိၣ်ထီၣ်န့ၣ်လီၤ.

စံးထီၣ်ပတြၢၤ 90:17

ယွၤ, ပကစၢ်ဧၢ, မ်နတၢ်ဆိၣ်ဂ့ၤဆိၣ်ဝါတဖၣ်အိၣ်ဒီးပှၤတက့ၢ်. ဟ့ၣ်လီၤလၢ်ပှၤတၢ်မၤနၢၤလၢ ပစုအတၢ်မၤခဲလၢာ်အပူၤန့ၣ်တက့ၢ်. မ့ၢ်မးပစုအတၢ်မၤန့ၣ်, ဒုးအိၣ်ဂၢၢ်ဆိးကျၢၤအီၤတက့ၢ်.

တၢ်ကတိၤဒိ. 11:20

ယွၤသးဟ့ပှၤလၢအပာ်အသးအၢအၢသီသီတဖၣ်ဒီးအဲၣ်ပှၤတဖၣ် လၢအမၤတၢ်အဘၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:11

ဘၣ်ဆၣ်ဒီးပကပိာ်န့ၢ်နၤဖဲထူတပျံၤ ဒီးတၢ်ကယၢကယဲတဖၣ်လၢတၢ်မၤအီၤလၢစ့န့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

ဧ့ၤဘြံၤ 12:10

ပပၢ်လၢဟီၣ်ခိၣ်တဖၣ်သိၣ်ဃီၣ်ပှၤတစိၢ်တလီၢ်ဒ် အဆိကမိၣ်ဝဲလၢအဘၣ်ဘၣ်အီၤအသိးန့ၣ်လီၤ. ဘၣ်ဆၣ်ဒီးကစၢ်ယွၤသိၣ်ဃီၣ်ပှၤလၢပတၢ်ဂ့ၤအဂီၢ်, ဒီးမ့ၢ်ဝဲဒ်သိးပကစီဆှံထီၣ်ဒ်အဝဲစီဆှံဝဲအသိးန့ၣ်လီၤ.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.