စံးထီၣ်ပတြၢၤ 149:1 - Sgaw Karen Common Bible

¹ စံးထီၣ်ပတြၢၤယွၤတက့ၢ်. သးဝံၣ်ထီၣ်ယွၤလၢတၢ်သးဝံၣ်အသီ, စံးထီၣ်ပတြၢၤအီၤလၢပှၤလၢအသးတီဒီးအီၤ အတၢ်အိၣ်ဖှိၣ်အပူၤန့ၣ်တက့ၢ်.

စံးထီၣ်ပတြၢၤ 149:1 Iomraidhean Croise

စံးထီၣ်ပတြၢၤ 111:1

စံးထီၣ်ပတြၢၤယွၤတက့ၢ်. ယကစံးဘျုးယွၤလၢယသးဒီဖျၢၣ်ညါ လၢအပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ.

စံးထီၣ်ပတြၢၤ 116:18

ယကဟ့ၣ်ယတၢ်အၢၣ်လီၤအီလီၤတဖၣ် ဆူယွၤလၢအပှၤဂီၢ်မုၢ်ခဲလၢာ်အမဲာ်ညါ,

စံးထီၣ်ပတြၢၤ 144:9

ကစၢ်ယွၤဧၢ, ယကသးဝံၣ်ထီၣ်နၤလၢတၢ်သးဝံၣ်အသီ, ယကဒ့တနၢ်ဒီးသးဝံၣ်ထီၣ်နၤလီၤ.

စံးထီၣ်ပတြၢၤ 148:1

စံးထီၣ်ပတြၢၤယွၤတက့ၢ်. သုဝဲလၢအအိၣ်လၢတၢ်လီၢ်ထီၣ်ထီသ့ၣ်ဧၢ, စံးထီၣ်ပတြၢၤယွၤလၢမူခိၣ်န့ၣ်တက့ၢ်.

စံးထီၣ်ပတြၢၤ 22:22

ယကတဲယပှၤကလုာ်တဖၣ်တၢ်လၢနမၤတ့ၢ်, ယကစံးထီၣ်ပတြၢၤနၤလၢပှၤဂီၢ်မုၢ်အကျါန့ၣ်လီၤ.

စံးထီၣ်ပတြၢၤ 22:25

ယကစံးထီၣ်ပတြၢၤနၤလၢတၢ်လၢနမၤတ့ၢ် သ့ၣ်တဖၣ်အဃိ လၢပှၤလၢအဘူၣ်ထီၣ်ဘါထီၣ်နၤသ့ၣ်တဖၣ် အမဲာ်ညါန့ၣ်လီၤ. ယကလုၢ်ထီၣ်တၢ်လုၢ်တဖၣ် ဒ်ယအၢၣ်လီၤတ့ၢ်အသိးန့ၣ်လီၤ.

စံးထီၣ်ပတြၢၤ 33:3

သးဝံၣ်ထီၣ်အီၤလၢတၢ်သးဝံၣ်အသီ, ဒ့သီတူၢ်လၢတၢ်သ့တၢ်ဘၣ်အလၢာ် ဒီးကိးထီၣ်အီၤလၢတၢ်သးခုန့ၣ်တက့ၢ်.

စံးထီၣ်ပတြၢၤ 35:18

အန့ၣ်ဒီးယကစံးဘျုးစံးဖှိၣ်နၤလၢ ပှၤဂီၢ်မုၢ်ဖးဒိၣ်အမဲာ်ညါ, ယကစံးထီၣ်ပတြၢၤနၤလၢ ပှၤဂီၢ်မုၢ်ဂီၢ်ပၤအမဲာ်ညါန့ၣ်လီၤ.

စံးထီၣ်ပတြၢၤ 68:26

လၢပှၤဂီၢ်မုၢ်အကျါန့ၣ်စံးထီၣ်ပတြၢၤယွၤတက့ၢ်. “စံးထီၣ်ပတြၢၤယွၤ, သုဝဲစီၤယၤကိာ်အစၢၤအသွဲၣ်သ့ၣ်ဧၢ.”

စံးထီၣ်ပတြၢၤ 89:5

ယွၤဧၢ, မ်မူခိၣ်စံးထီၣ်ပတြၢၤနတၢ်မၤလီၤလးဒီး နတၢ်သူၣ်တီသးလိၤလၢ ပှၤစီဆှံအတၢ်အိၣ်ဖှိၣ်ရိဖှိၣ်အပူၤတက့ၢ်.

စံးထီၣ်ပတြၢၤ 96:1

အိ, သးဝံၣ်ထီၣ်ယွၤလၢတၢ်သးဝံၣ်အသီ, သးဝံၣ်ထီၣ်ယွၤဟီၣ်ခိၣ်ဖိခဲလၢာ်သ့ၣ်ဧၢ,

စံးထီၣ်ပတြၢၤ 98:1

သးဝံၣ်ထီၣ်ယွၤလၢတၢ်သးဝံၣ်အသီတက့ၢ်. အဂ့ၢ်ဒ်အံၤ, အဝဲမၤတ့ၢ်တၢ်လီၤလးတဖၣ်လီၤ. အစုထွဲဒီးအစုဒုၣ်စီဆှံ မၤတ့ၢ်တၢ်အုၣ်က့ၤခီၣ်က့ၤလၢအဂီၢ်လီၤ.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

ဧ့ၤဘြံၤ 2:12

ဒီးစံးဝဲဒၣ်, “ယကဘိးဘၣ်သ့ၣ်ညါယဒီပုၢ်ဝဲၢ်သ့ၣ်တဖၣ်လၢနမံၤ ဒီးလၢအဝဲသ့ၣ်အတၢ်အိၣ်ဖှိၣ်အပူၤန့ၣ် ယကစံးထီၣ်ပတြၢၤနၤလီၤ.”

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.