စံးထီၣ်ပတြၢၤ 148:4 - Sgaw Karen Common Bible

⁴ မူခိၣ်အထီကတၢၢ်ဒီးထံဧိၤနိဧိၤအိၣ်လၢ မူခိၣ်အဖီခိၣ်သ့ၣ်ဧၢ, စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 148:4 Iomraidhean Croise

လံာ်တၢ်ကဲထီၣ်အခီၣ်ထံး 1:6

ဒီးကစၢ်ယွၤခါလီၤအကလုၢ်, “မ်မူကပိာ်လိၤကဲထီၣ်လၢကနီၤဖး ထံဒီးပာ်လီၤဖးအီၤလၢတၢ်လီၢ်ခံတီၤတက့ၢ်,” ဒီးတၢ်မၤအသးဒ်န့ၣ်လီၤ.

လံာ်တၢ်ကဲထီၣ်အခီၣ်ထံး 1:7

မၤသးဒ်န့ၣ်ဒီး, ကစၢ်ယွၤဒုးကဲထီၣ်မူကပိာ်လိၤ, ဒီးမူကပိာ်လိၤန့ၣ်နီၤဖးကွံာ်ဝဲ ထံလၢအဖီလာ်လၢထံလၢအဖီခိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 7:11

ဒီးတုၤစီၤနိအၤအသးအိၣ်အနံၣ်ဃုကယၤ, လါခံလါတလါ, ထီၣ်တဆံနွံသီအနံၤန့ၣ်ထံမိၢ်ပှၢ်ဖးလဲၢ်လၢဟီၣ်ခိၣ်လာ်အထံ ထီၣ်ပၢၢ်အလီၢ်တဖၣ်ပိၢ်ဖးထီၣ်ဝဲဒီးကယဲၢ်ထံလုၣ်ဘၢတၢ်အတြဲၤ တဖၣ်လၢမူခိၣ်အိးထီၣ်အသး,

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:5

ယအဲၣ်ဒိးလၢတၢ်လုၢ်ဟံၣ်လၢယသူၣ်ထီၣ်အံၤကမ့ၢ်တၢ်လုၢ်ဟံၣ်ဖး ဒိၣ်တဖျၢၣ်, မ့ၢ်လၢပကစၢ်ယွၤန့ၣ်, ဒိၣ်န့ၢ်ဒံးကစၢ်အဂၤအဃိ န့ၣ်လီၤ.

လံာ်စီၤနဃ့မယၤ 9:6

ဒီးကီၢ်အံၣ်စရ့လးအပှၤဂီၢ်မုၢ်ဘါထုကဖၣ်ဝဲ, “နဲဒၣ်ယွၤဧၢ, နမ့ၢ်ယွၤထဲတဂၤဧိၤလီၤ. နတ့လီၤမူခိၣ်အလီၢ်တဖၣ်ဒီးဆၣ်တဖၣ်လၢမူခိၣ်ကပိၤလိၤန့ၣ်လီၤ. နတ့လီၤဟီၣ်ခိၣ်ဒီးပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲ လၢာ် ဒီးနဟ့ၣ်အဝဲသ့ၣ်ခဲလၢာ်လၢတၢ်မူန့ၣ်လီၤ. ဒီးမူခိၣ်အသုးမုၢ်ဂီၢ်မုၢ်တီၤလီၤဒီးဘူၣ်ထီၣ် ဘါထီၣ်နၤလီၤ.

စံးထီၣ်ပတြၢၤ 104:3

ဒီးနသူၣ်ထီၣ်နဟံၣ်လၢ ထံဖီခိၣ်လီၤ နသူတၢ်အၢၣ်တဖၣ်ဒ် နလ့ၣ်ကဟၣ်အသိး ဒီးလဲၤတၢ်လၢကလံၤအဒံးဆ့အဖီခိၣ်လီၤ.

စံးထီၣ်ပတြၢၤ 113:6

ဘၣ်ဆၣ်အဝဲဆီၣ်လီၤအသး ဒ်သိးကထံၣ်မူခိၣ်ဒီးဟီၣ်ခိၣ်န့ၣ်လီၤ.

စံးထီၣ်ပတြၢၤ 68:33

ပှၤလၢအဒိးတၢ်လၢ တၢ်အၢၣ်အပူၤ, တၢ်အၢၣ်လၢပျၢၤန့ၣ်တက့ၢ် ကနၣ်အတၢ်ကိးထီၣ် အသီၣ်ဖးဒိၣ်တက့ၢ်.

စံးထီၣ်ပတြၢၤ 69:35

အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်, ဒီးကသူၣ်ထီၣ်က့ၤယူဒၤအဝ့ၢ်တဖၣ် ဒီးအခ့အပှၤသ့ၣ်တဖၣ်ကအိၣ်ကဆိးဖဲန့ၣ်ဒီး ကန့ၢ်ဘၣ်ကီၢ်န့ၣ်လီၤ.

၂ ကရံၣ်သူး 12:2

ယသ့ၣ်ညါပှၤခရံာ်ဖိတဂၤလၢအပူၤကွံာ်တဆံလွံၢ်နံၣ်န့ၣ်, ဘၣ်တၢ်စိာ်ထီၣ်အီၤဆူမူခိၣ်အထီကတၢၢ်လီၤ. (တၢ်တမံၤအံၤမၤစဲဃဲၤအသးနီၢ်နီၢ်ဧါ, မ့တမ့ၢ်, မ့ၢ်အဝဲထံၣ်တၢ်လၢညါခီလဲၣ်န့ၣ်ယတသ့ၣ်ညါဘၣ်. ထဲကစၢ်ယွၤတဂၤဧိၤသ့ၣ်ညါဝဲလီၤ.)

လံာ်သိၣ်လီၤသီလီၤတၢ် 10:14

မူခိၣ်ဒီးအလီၢ်လၢအထီကတၢၢ်ဒၣ်လဲာ်ဘၣ်ဃးဒီးယွၤလီၤ. ဟီၣ်ခိၣ်ဒီးတၢ်လၢအအိၣ်လၢအပူၤကိးမံၤဒဲးန့ၣ်မ့ၢ်စ့ၢ်ကီးအဝဲအတၢ်န့ၣ်လီၤ.