စံးထီၣ်ပတြၢၤ 147:6 - Sgaw Karen Common Bible

⁶ ပှၤလၢအဆီၣ်လီၤအသးန့ၣ်ယွၤဝံၢ်ဆၢထၢၣ်အီၤလီၤ. မ့မ့ၢ်ပှၤတတီတလိၤန့ၣ် ဆီၣ်လီၤဝဲလၢဟီၣ်ခိၣ်လိၤလီၤ.

စံးထီၣ်ပတြၢၤ 147:6 Iomraidhean Croise

စံးထီၣ်ပတြၢၤ 145:14

အဝဲမၤစၢၤပှၤလၢအအိၣ်လၢတၢ်ကိၢ်တၢ်ဂီၤအပူၤ ဒီးအဝဲဝံၢ်ထီၣ်ပှၤလၢအလီၤဃံၤတဖၣ်လီၤ.

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 25:9

အဝဲဆှၢပှၤဆီၣ်လီၤအသးတဖၣ်လၢကျဲမ့ၢ်ကျဲတီအပူၤ ဒီးဒုးနဲၣ်အဝဲသ့ၣ်လၢအတၢ်ဘၣ်အသးန့ၣ်လီၤ.

စံးထီၣ်ပတြၢၤ 37:11

မ့မ့ၢ်ပှၤလၢအဆီၣ်လီၤအသးတဖၣ် ကဒိးန့ၢ်ဘၣ်ထံဧိၤကီၢ်ဧိၤ ဒီးကမုာ်လၤသးခုလၢတၢ်ဘီၣ်တၢ်ညီ ဒီးတၢ်ဃူတၢ်ဖိးအပူၤလီၤ.

စံးထီၣ်ပတြၢၤ 41:13

မ်ယွၤအံၣ်စရ့လးအကစၢ်ယွၤ, ဘၣ်တၢ်စံးထီၣ်ပတြၢၤအီၤ အစိၤစိၤအဃၣ်ဃၣ်တက့ၢ်. အၤမ့ၣ်ဒီးအၤမ့ၣ်.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

လံာ်မးသဲ 5:5

ပှၤလၢအသးစူၤဒီးဆီၣ်လီၤအသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကဒိးန့ၢ်ဘၣ်တၢ်လၢ ကစၢ်ယွၤစံးပာ်လၢကဟ့ၣ်ဝဲခဲလၢာ်လီၤ.

ယၤကိာ် 4:10

ဆီၣ်လီၤသုသးလၢကစၢ်အဖီလာ်, ဒီးအဝဲဒၣ်ကပာ်ထီၣ်ထီ သုလီၤ.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

၁ ပ့းတရူး 5:6

မ့မ့ၢ်ဒ်န့ၣ်ဒီး, ဆီၣ်လီၤသုသးလၢကစၢ်ယွၤအစုကညီၢ် အဖီလာ်, ဒ်သိးအဝဲကစိာ်ထီၣ်ထီသုလၢအဆၢအကတီၢ် ဒၣ်ဝဲအဂီၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.