စံးထီၣ်ပတြၢၤ 147:3 - Sgaw Karen Common Bible

³ အဝဲဒၣ်မၤဘျါက့ၤပှၤလၢအသူၣ်ကၢ်အသးလီၤ, ဒီးဘိၣ်ထီၣ်အဝဲသ့ၣ်အပူၤလီၢ်တဖၣ်လီၤ.

စံးထီၣ်ပတြၢၤ 147:3 Iomraidhean Croise

လံာ်စီၤယိၤဘး 5:18

ကစၢ်ယွၤဘိၣ်ဘံထီၣ်တၢ်ပူၤလီၢ်လၢအတီၢ်ဝဲတဖၣ်လီၤ. အစုမၤဆါတၢ်ဒီးအစုမၤဘျါတၢ်လီၤ.

စံးထီၣ်ပတြၢၤ 34:18

ယွၤအိၣ်ဘူးဒီးပှၤလၢအသူၣ်ကၢ်အသးလီၤ ဒီးမၤပူၤဖျဲးပှၤလၢအတၢ်မုၢ်လၢ်လီၤမၢ်ကွံာ် ခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

စံးထီၣ်ပတြၢၤ 51:17

ကစၢ်ယွၤဧၢ, ယတၢ်လုၢ်န့ၣ်မ့ၢ်တၢ်သူၣ်ကၢ်သးလီၤလီၤ. ကစၢ်ယွၤဧၢ, တၢ်သူၣ်ကၢ်သးလီၤဒီး တၢ်ပီၢ်ယၢ်လီၤက့ၤသးန့ၣ် နတမၤအီၤတရီတပါဘၣ်.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်ယဃ့းစက့လး 34:16

ယကဃုက့ၤသိလၢအလီၤမၢ်တဖၣ်, ဟဲက့ၤစိာ်ကဒါက့ၤသိလၢ အဟးဖျိးကျဲတဖၣ်, ဘိၣ်ဘံထီၣ်သိလၢအဘၣ်ဒိဘၣ်ထံးတဖၣ် ဒီးမၤဘျါက့ၤသိလၢအဆူးအဆါတဖၣ်န့ၣ်လီၤ. ဘၣ်ဆၣ်သိ လၢအဘီၣ်ဒီးအဂံၢ်ဘါဆူၣ်တဖၣ်န့ၣ်ယကမၤဟးဂီၤကွံာ်အီၤန့ၣ်လီၤ. အဂ့ၢ်ဒ်အံၤ, ယမ့ၢ်ပှၤကွၢ်သိတဂၤလၢအမၤတၢ်အဘၣ်န့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,