စံးထီၣ်ပတြၢၤ 147:13 - Sgaw Karen Common Bible

¹³ အဂ့ၢ်ဒ်အံၤ, အဝဲမၤကျၢၤလံနတြဲၤအနီၣ်ဘိ, အဝဲဆိၣ်ဂ့ၤဆိၣ်ဝါနဖိနလံၤအိၣ်လၢနပူၤလီၤ.

စံးထီၣ်ပတြၢၤ 147:13 Iomraidhean Croise

လံာ်စီၤနဃ့မယၤ 12:30

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိသ့ၣ်တဖၣ်မၤကဆှီထီၣ်အသး ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးလၢအဂီၢ်ဒၣ်ဝဲ, လၢပှၤဂီၢ်မုၢ်အဂီၢ်, လၢတြဲၤတဖၣ်ဒီးဝ့ၢ်ခိၣ်ဒူအဂီၢ်န့ၣ်လီၤ.

လံာ်စီၤနဃ့မယၤ 6:1

ဒီးစီၤစၤနဘၤလး, စီၤတိၤဘံယၤ, ပှၤဧ့ရ့းဖိစီၤက့ၤၡ့ၣ်, ဒီးပဒုၣ်ပဒါလၢအအိၣ်လီၤတဲာ်သ့ၣ်တဖၣ်နၢ်ဟူဝဲဒၣ်လၢပသူၣ်ထီၣ် ဝ့ၢ်ခိၣ်ဒူဝံၤဝဲဒီးတၢ်လီၤဟိတအိၣ်ဘၣ်န့ၣ်လီၤ. ဘၣ်ဆၣ်ပတပာ်ထီၣ်ဒံးဘၣ်တြဲၤလၢကျဲလဲၤနုာ်အဂီၢ်ဒံးဘၣ်န့ၣ်လီၤ.

လံာ်စီၤနဃ့မယၤ 7:1

ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.

လံာ်စီၤနဃ့မယၤ 7:3

ဒီးယတဲဘၣ်အဝဲသ့ၣ်လၢအသုတအိးထီၣ်ဝ့ၢ်ယရူၤၡလ့ၣ်အတြဲၤလၢ မုၢ်ဂီၤတချုးလၢမုၢ်ဟဲထီၣ်ဂ့ၤဂ့ၤဒီးကကးတံၢ်က့ၤတချုးပှၤ ခိးတၢ်ဖိအတၢ်မၤဝံၤဖဲမုၢ်ဟါလီၤအကတီၢ်န့ၣ်လီၤ. ဒီးယတဲဘၣ်စ့ၢ်ကီးအဝဲသ့ၣ်လၢကပာ်လီၤပှၤကွၢ်ထွဲတၢ်ဖိလၢ အအိၣ်လၢဝ့ၢ်ယရူၤၡလ့ၣ်အပူၤဒီးကဟ့ၣ်အီၤတၢ်မၤလၢအက ဘၣ်မၤဝဲဒီးတနီၤကခိးတၢ်လၢအဟံၣ်ဒၣ်ဝဲအကပိာ်ကပၤန့ၣ်လီၤ.

စံးထီၣ်ပတြၢၤ 125:2

ဒ်ကစၢၢ်ကလိတဖၣ်အိၣ်ဝးတရံး ယရူၤၡလ့ၣ်အသိးန့ၣ်, ယွၤအိၣ်ဝးတရံးအပှၤဂီၢ်မုၢ် တုၤအံၤဆူညါအစိၤစိၤအဃၣ်ဃၣ်လီၤ.

စံးထီၣ်ပတြၢၤ 144:12

မ်ပဖိခွါတဖၣ်လၢအသးစၢ်အကတီၢ်န့ၣ်, ကလီၤဂာ်ဒီးသ့ၣ်ဖိတဖၣ်လၢ အဒိၣ်ထီၣ်ပှဲၤဂံၢ်ပှဲၤဘါန့ၣ်တက့ၢ်. မ်ပဖိမုၣ်တဖၣ်ကမၤအသးဒ် လၢၢ်နၢၣ်စိးပျၤအသး လၢပှၤမၤဃံမၤလၤနူၢ်ဧိၤစီၤဧိၤအသိးန့ၣ်တက့ၢ်,

စံးထီၣ်ပတြၢၤ 51:18

ကစၢ်ယွၤဧၢ, သူၣ်ကညီၤသးကညီၤစံယိၣ် ဒီးမၤစၢၤအီၤတက့ၢ်. သူၣ်ထီၣ်က့ၤယရူၤၡလ့ၣ်အဝ့ၢ်ခိၣ်ဒူတက့ၢ်.

လံာ်ယံးရမံယၤ 33:10

ယွၤစံးဝဲဒၣ်, “ပှၤဂီၢ်မုၢ်စံးဝဲလၢ တၢ်လီၢ်အံၤ လီၤဂာ်ဒီး မဲးမုၢ်ခိၣ်တတီၤ, လၢပှၤကညီမ့ၢ်ဂ့ၤ, ဆၣ်ဖိကီၢ်ဖိတဖၣ်မ့ၢ်ဂ့ၤတအိၣ်ဆိးလၢ အပူၤဘၣ်န့ၣ်လီၤ. ဒီးအဝဲသ့ၣ်စံးတၢ်န့ၣ် ဘၣ်လီၤ. ကီၢ်ယူဒၤအဝ့ၢ်တဖၣ်ဒီး ဝ့ၢ်ယရူၤၡလ့ၣ်အကျဲတဖၣ် အပူၤအိၣ်ကလီဝဲလီၤ. ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးဖဲန့ၣ်ဘၣ်. ဘၣ်ဆၣ်ဒီး, လၢတၢ်လီၢ်တဖၣ်အံၤ အပူၤန့ၣ် နကနၢ်ဟူကဒီး,

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 4:12

ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.