စံးထီၣ်ပတြၢၤ 147:11 - Sgaw Karen Common Bible

¹¹ မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 147:11 Iomraidhean Croise

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 33:18

ယွၤကွၢ်လီၤပှၤလၢအယူးယီၣ်အီၤ, ပှၤလၢအနာ်အတၢ်အဲၣ်အဂၢၢ်အကျၢၤ,

စံးထီၣ်ပတြၢၤ 33:22

ယွၤဧၢ, မ်နတၢ်အဲၣ်အဂၢၢ်အကျၢၤအိၣ်လၢပလိၤ ဒ်ပတၢ်မုၢ်လၢ်လၢအိၣ်လၢနပူၤအသိးန့ၣ်တက့ၢ်.

စံးထီၣ်ပတြၢၤ 35:27

မ်ပှၤလၢအဆၢထံၣ်ဘၣ်ယၤလၢ တၢ်ပာ်တၢ်ကမၣ်အလီၢ်တအိၣ်ဘၣ်န့ၣ် ကိးထီၣ်လၢတၢ်သးခုအဂီၢ်ဒီးစံးထီဘိ, “ယွၤန့ၣ်ဒိၣ်ဝဲလီၤ.” အဝဲဘၣ်သူၣ်ဘၣ်သးလၢ အခ့အပှၤအတၢ်ကဲထီၣ်လိၣ်ထီၣ်န့ၣ်လီၤ.

တၢ်ကတိၤဒိ. 11:20

ယွၤသးဟ့ပှၤလၢအပာ်အသးအၢအၢသီသီတဖၣ်ဒီးအဲၣ်ပှၤတဖၣ် လၢအမၤတၢ်အဘၣ်လီၤ.

တၢ်ကတိၤဒိ. 31:30

တၢ်လီၤအဲၣ်လီၤကွံန့ၣ်လီန့ၢ်တၢ်သ့, ဒီးတၢ်ဃံတၢ်လၤန့ၣ် လီၤမၢ်ကွံာ်ဝဲလီၤ. မ့မ့ၢ်, ပိာ်မုၣ်တဂၤလၢအမၤလၤကပီၤယွၤန့ၣ်, ကြၢးဘၣ်တၢ်စံးထီၣ်ပတြၢၤအီၤလီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်တၢ်ဂံၢ် 14:8

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.