စံးထီၣ်ပတြၢၤ 146:7 - Sgaw Karen Common Bible

⁷ လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်, လၢအဟ့ၣ်လီၤတၢ်အီၣ်တၢ်အီလၢ ပှၤသၣ်ဝံၤအဂီၢ်န့ၣ်, မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.

စံးထီၣ်ပတြၢၤ 146:7 Iomraidhean Croise

စံးထီၣ်ပတြၢၤ 10:18

နကဒိကနၣ်ပှၤလၢအဘၣ်တၢ်ဆီၣ်ဘံၣ်ဆီၣ်ဘၢအီၤ, ပှၤဖိၣ်ဃဲဖိသ့ၣ်တဖၣ်အတၢ်ကိးပသူထီၣ်လီၤ.

စံးထီၣ်ပတြၢၤ 103:6

ယွၤမၤတၢ်တီတၢ်လိၤဒီးတၢ်မ့ၢ်တၢ်တီလၢ ကယဲၢ်ပှၤလၢတၢ်မၤအၢမၤနးအီၤအဂီၢ်လီၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 136:25

ဟ့ၣ်လီၤတၢ်အီၣ်တၢ်အီလၢကယဲၢ်တၢ်လၢ အအိၣ်ဒီးအသးသမူခဲလၢာ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 142:7

ဒုးထူၣ်ဖျဲးထီၣ်ယၤလၢ ယတၢ်ကိၢ်တၢ်ဂီၤအပူၤတက့ၢ်. အန့ၣ်ဒီးယကစံးထီၣ်ပတြၢၤနၤမ့ၢ်လၢ နတၢ်မၤဂ့ၤယၤအဃိ, လၢနပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ. နကမၤဂ့ၤယၤလၢလၢပှဲၤပှဲၤလီၤ.

စံးထီၣ်ပတြၢၤ 35:10

ယကစံးလၢယသးဒီဖျၢၣ်ညါ, “ယွၤဧၢ, ပှၤလၢအလီၤဂာ်ဒီးနၤတအိၣ်နီတဂၤဘၣ်. နမၤပူၤဖျဲးပှၤဂံၢ်စၢ်ဘါစၢ်လၢ ပှၤဂံၢ်ဆူၣ်ဘါဆူၣ်အစုပူၤ, ပှၤဖှီၣ်ဖိယာ်ဖိလၢပှၤလၢ အဂုာ်န့ၢ်တၢ်လၢအီၤအစုပူၤန့ၣ်လီၤ.”

စံးထီၣ်ပတြၢၤ 68:6

ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

စံးထီၣ်ပတြၢၤ 68:7

ကစၢ်ယွၤဧၢ, တုၤနလဲၤထီၣ်လၢနပှၤဂီၢ်မုၢ်အမဲာ်ညါ, တုၤနလဲၤခီဂာ်ပှၢ်မုၢ်ကနၢန့ၣ်ဒီး, စ့လၤ

စံးထီၣ်ပတြၢၤ 72:4

မ်စီၤပၤကအိၣ်ဂၢၢ်ဆိးကျၢၤဝဲ ကအုၣ်က့ၤခီၣ်က့ၤပှၤလၢ အလိၣ်ဘၣ်တၢ်သ့ၣ်တဖၣ် ဒီးကမၤလီၤကလဲပှၤမၤနးမၤဖှီၣ် တၢ်တဖၣ်န့ၣ်တက့ၢ်.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 31:14

ယကဒုးအီၣ်ကုးအီၤပှဲၤပှၤလုၢ်တၢ် အခိၣ်တဖၣ်လၢတၢ်အီၣ်ဝံၣ်အီဆၢ, ဒီးမၤသးမံယပှၤဂီၢ်မုၢ် အတၢ်လိၣ်ခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်လူၤကၣ် 1:53

ပှၤလၢတၢ်သၣ်ဝံၤအသးတဖၣ်န့ၣ်, ဒုးဘျဲးအီၣ်ဘျဲးအီဝဲလၢတၢ်အဝံၣ်အဘဲ ဒီးပှၤအထူးအတီၤတဖၣ်န့ၣ် ဒုးက့ၤကလီကလီဝဲလီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်လူၤကၣ် 9:17

အဝဲသ့ၣ်ကိးဂၤဒဲးအီၣ်တၢ်, ဒီးဘျဲးအီၣ်ဘျဲးအီဝဲ, ဒီးအပျဲၢ်အဘီၣ်တဖၣ်ထၢဖှိၣ်က့ၤတၢ်အိၣ်ဘျဲၣ်အိၣ်စဲၢ်တဖၣ်, အိၣ်ဝဲကုတဆံခံဒုလီၤ.

မၤတၢ် 16:26

သတူၢ်ကလာ်, ဟီၣ်ခိၣ်ဟူးဝဲဒၣ်ဆူၣ်ဆူၣ်ကလဲာ်တုၤ အမၤဟူးဝးဆှဲးဆှိးဃိာ်အခီၣ်ထံးန့ၣ်လီၤ. တဘျီဃီဖဲန့ၣ်, တြဲၤတဖၣ်အိးထီၣ်အသးဒီးပျံၤထးတဖၣ်လီၤတဲာ်ကွံာ်လၢ ပှၤဃိာ်ဖိခဲလၢာ်အလိၤလီၤ.

မၤတၢ် 5:19

ဘၣ်ဆၣ်ဒီးနၤအဝဲန့ၣ်ကစၢ်အကလူးတဂၤအိးထီၣ်တြဲၤတဖၣ်ဒီးဒုးဟးထီၣ်ဝဲ ပှၤတၢ်မၢဖိတဖၣ်ဆူတၢ်ချၢ, ဒီးစံးဘၣ်အဝဲသ့ၣ်,